حلمي في عمي

السلام عليكم ورحمة الله وبركاته
اختي انا حلمت في عمي اخو والدي وفي نفس الوقت والد زوجي

حلمت انو داخل علينا في بيت اهلي وهو شايل جدتي وكأنها مريضه وهو بالقوه يمشي جلسها بالصاله وخرج على طول من البيت وباين في شكله انو تعبان ,, شوي دخلو اخواني وهم شايلين عمي انا خفت وحاولت اشوف مشكلة عمي وليش مايمشي وشفت ساقه مكسوره من النص والكسر واضح لدرجة انو كل جزء من العظم رايح لوحدو مددوه اخواني بالصاله ورفض يروح المستشفى يقول اتركوني هنا وكان مافي على لسان عمي الا كلمه وحده لاتقولو لاحد اني تعبان لا امي ولا اولادي انا رفضت وقلت لاخواني لازم اكلم زوجي اللي هو ولده عشان يشوف ابوه رفضو ابلغه لكن طنشتهم واتصلت على زوجي قلت له تعال ابغاك ضروري ولما جا كان مبسوط وماقدرت اكلمه وكل ماحاولت افاتحه في موضوع تعب ابوه يفتحلي موضوع جديد ويجلس يسولف فيه وهو مبسوط وما اقدر اكلمه عشان ما اخرب عليه وصحيت من النوم وانا مابلغت زوجي بتعب ابوه

ارجو تفسير الحلم جزاك الله خيرا