ولدي عمره سنة وتسع شهور..عصبي وعنيد

والله ولدك طبيعي وكل الاطفال زي بعض وبعدين توه صغير مايفهم حرام تضربيه ولدي عمره سنتين ونص ويسوي نفس حركات ولدك بس عرفت بعدين انه يبغاك تشدين انتباهك له وما تخلينه نصيحه لا تضربيه صغير مايفهم ولا تخافي وربي حركاته عاديه بيكبر ويسيب حركاته بس انتي حاولي تشغليه باي شي زي العاب او اجلسي معاه والعبي بس ضرب لا

عادي ياعمري بس يكبر شوي بيعقل انتي وديه يندمج مع العيال ويتعلم منهم بيصير هادئ في نوعيه من الاطفال ينعدلوا قدام الناس بس اصبري الاطفال بها العمر اغلبهم كذا والله اشوف الشغالات تجري وراهم لمن اروح مستشفى او مجمع او اي مناسبه

ومن عيال الاقارب نفس الشي
الله يرزقني ما اتمنى دعواتك لي يالغاليه

مثل ماقالوا الاخوات كل مايكبر يهدأ أكثر ادري الحركات تبببط الجبد من قلب ولكن عشان تقللين من العفايس اللي يسويها حاولي ::
تقعدين معاه بغرفه مايكون فيها ولاااا شي فقط العابه اللي ع الارض واذا تلفزيون يكون معلق وباقي البيت خلي اغراضك كلها يا معلقه او مخبية بمكان آمن عشان مايأذي نفسه اولا ومايعصبكـ ومايلاقي له بد من مشاهده التلفاز ,,

حاولي وقت وجودك معاه تلعبين معاه لو ع الاقل نص ساعه عشان يقلل من طلب الاهتمام ولما تسوين شغلك خليه وياك يساعدك ( ادري بيعفس ) ولكن هاذي طريقته بانه يساعدك ومنها يفرغ طاقته ولما بتشتغلين بالمطبخ بعد دخليه واخذي رأييه بالطبخة واطلبي منه مثلا يجب بصل بطاط هيك امور منها يتعلم ومنها بعد يفرغ طاقته بغير العفايس ! ,,,

اذا ضربك او حاول يسوي لك شي غلط مباشرة بيني له انك زعلانه ( تمثلين البكاء او تمسكين المكان اللي ضربك وتبيني انك متألمة وقولي له عورني ) الاطفال بهالسن يفهمون هالنقطة وممكن هو قاعد يلعب معاك لا أكثر وع باله انها لعبة حلوة ! ,,,

بالنسبة للكلمات اختي العزيزة لو ماهو يسمعها منكم او من اللي حواليه ماراح يرددها فحاولي تبدأيي بنفسكـ او بااللي حواليك انه تقللون او تمسكون نفسكم عن بعض الكلمات امام الاطفال لحتى لما تقولون لهم عيب مايراددونكم ويعيدونها ! ,,,

بالنسبة لتعامله مع الاشخاص الآخرين اشوف ردة فعله طبيعيه لانه للحين مايفهم الحياة والدنيا صح ومايفهم الكلمات السريعه او ردود افعال الناس الاغرباء بالتالي سالفه الضحكـ هو ع باله ماخذها لعبه اذن بيني له بكل هدوء انك معصبة او زعلانه واذا مافاد حاولي تجذبينه بلعبه تكون معاك او لعبه يحب يلعبها وياك ,,, وربي يحميه ويخليه لك ان شاء الله ....

ربي يحفظه لك

أنا مع كلام التفاحة الجناوية ما قصرت فعلا الأطفال يحتاج لهم طول بال وربي يحميه لك ويكبر ويصير أعقل

ربنا يخليهولك

ابني سنتين و3 شهور
وكان كدا زيه بالظببببببببط يعني كل الاطفال كدا بس المهم انك متخليهوش يكون كدا ع طول

انا بقيت اتجاهله واذا ضربني بقوله اوكي انا مخصماك ومفيش اليوم عصير لانه بيحبه
يبكي شوي انزل ع ركبتي واكةن في مستواه واقوله حبيبي اذا انت ضربت ماما انت كدا مشكويس ومفيش عصير
اذا تادبت بديك اللي انت عايزه

وساعات كتير يصرخ اتجاااااااهله تمام لحد ما فهم انه صراخه وضربه ليا مبيجبش نتيجة
بس الحكايه دي عايزة صبر منك
وطوله باااااااااااااال

ابني كان يبهدل كل البيت اكل والله العظيم

خصصتله مكان علي الارض يقعد ياكل فيه وعارف ان ده مكانه

طبعا هومبقاش برفكت بس اتعدل كتتتتتتير ماشاءاالله

ههـآ نفسس بنت آختي ههه ...

الي اشوفه من بنتي واولاد اخواني اللي بهالعمر يموتون على شي اسمه تلفزيون ورسوم طبعا ماراح يقعد ويركز ميه المية ولكن مع الوقت ومايصير عمره سنتين باذن الله ماتشوفينه الا يحب افلام الكرتون ويركز معاها ( بنت اختي مرة وحده صارت هادئة وكله تحب الرسوم ! ) ,, اما الالعاب االعبي معاه كره قدم يتجننون عليها ههههههه منها بيتعب ومنها يتشجع ويحب يسوي الاشيا وياك , فيه العاب بالمجمعات تجبر العائلة بأكملها على اللعب مثل ترتيب الكلمات او الحروف البسيطه وتكون من الفلين اعتقد وملونه فتقعدين وياه وتعلمينه الحروف ومنها يلعب فيهم ويلصقهم ببعض , بعد عندك العابه حتى لو كانت مكسرة نشريهم ع الارض ومثلا اختاري وقولي هاذي سيارة هذا دب هذا حمار الخ ومع الوقت بيتعلم فانتي تطلبين منه وينه حماري ؟؟ وينه دبدوبي ؟؟ هو عاد هني بيستانس يا اما يخبيه يا اما يجيبه لك , بعد قد ماتقدرين تخلينه يندمج مع الخارج لان الطفل بطبعه يتملل من الحبسة بالتالي اذا جنبكم حديقة صغنونة عوديه يومين ثلاث تروحون ربع ساعه منها يراكض ومنها يدوخ شوية وتقل عفسته بالبيت , عندك بعد لعبة الخشيشة حاليا العبها مع بنتي وناخذ وقت فيها ههههههههههه ,, لعبة تركيب البيت ( يبيعونها بجيان اعتقد ) هي عبارة عن بيت كبيير من قطع وعليك انتي وزوجك ترشدون ابنك عشان يركبهم لانه فيهم ورقه بالتعليمات لحتى يستوي بيت كامل هاذي تاخذ وقت وممتعه حتى ولد اختي اللي عمره 3 سنوات يستمتع فيها جداا ,, ومثل ماقلت لك حاولي تدخلينه باشغال البيت انا بنت اخوي جننتني وهي بهالعمر فلما اكون اطبخ اخليها وياي وتشتغل وفعلا تقعد هاادئة واذا خلصت وسوت شطانه اهددها اني مابخليها تدخل المطبخ معاي مرة ثانية وتقعد هاجعه ...

وربي يخليه ويحفظه ان شاء الله ويهديه ويسخره ...

ربي يحفظه لج والله اختي تفاحة ماقصرت