مشكلتي مع زوجي

السلام عليكم

ماعندي صديقة اشتكيلها
وخواتي مللو من مشاكلنا ومب لاقين حل
من يومين كان خطوبة اختي واول شي قالوه خواتي لا تفكرين بالطلاق عن تاثري ع زواج اختج

بدايه زواجي استمر 7 سنين لين احين واثمر عن 3 اطفال وانا حاليا حامل بالشهر الثاني وطفلي الثالث عمره 7 شهور
اخر طفلين انجبتهم بالسابع بسبب الضغط

وكل الي اتذكره اني اعصب من زوجي قبل ل ا اربي بعملية طبعا

المهم من ربت قبل 7 شهور وبعد ما طلعت من المستشفى بعد 8 ايام من ولادتي وفي ثالث يوم لي بالبيت اكتشفت خيانته لي بالموبايل صور بنت حلوة وجسم وصورها بالمول وبالبيت ومصورة ايدها بحركات قله ادب (تصبع له) دار راسي وما اعرف لوين وصلت علاقتها فيها
طبعا انكر وقال الصور صور ربيعه بس ليش ربيعه يطرش لك صور وحده حلوة جي
طبعا شي ما يصدقه العقل
المهم عدت السالفه وردينا احاول نكون طبيعيين خاصه ولدنا بعده بقسم الخدج

وها الويكند رحت بيت اهلي لان فيه ناس بيخطبون اختي وعصب ريلي مع انه صار لي فتره ما رحت عند اهلي وعصبت عليه خاصه اني بغيت ثيابي في البيت نسيتها الي بلبسها يوم بيحضرون الناس
يابها لي وهو معصب
ويوم الجمعه اتصل بس يتريا اي شي عسب يعصب مني وقال يبغي يودي العيال والبشكارة الثانية وياهم قلت له اوكي ود اليهال بس انا محتاجه الشغاله ريلي تعورني والمطبخ يباله شغل عصب وليش اخلي الشغاله تطبخ لاهلي ودبري عمرج خلي حد يردج البيت عقب الويكند

اتصلت ع عمي وقلت له اسمع ولدك شو يقول وهو يعرف انه فيه مناسبه عندنا وانا مب يايه بكيفي بيت اهلي وودرته وبعدين من زمان ما شفت خواتي وخواني قالي عمي لا تاخذين ع كلامه وانا بكلمه وما يصير خاطرج الا طيب
المهم عدا يوم الخطبه وجاء السبت انتظرته عسب يردني البيت
خاصه انه بيتي بامارة ثانية وخواني روحو دواماتهم
انتظرته من الصبح لين العصر وما اتصلت فيه خاصه انه اتصل عقب ما كلمه عمي وهزبني وقال لي بتشوفين
بس ما اتوقعت انه يخليني ببيت اهلي ويروح عني خاصه عندي دوام بالاحد وعيالي عندهم مدرسة
عصبت منه ولين احين معصبه خاصه يوم قال خلي حد من خوانج يردج انا طالع
وقررت اخبر عمي عن سوالفه وخرابيطه
انا ما ابغي اكمل حياتي مع انسان ما احترمني وما حاول يستر ع مشاكلنا ويخليها بينا في بيتنا انا حتى كلمت عمي ولا قلت لخواتي شو صار بيني وبينه بس هو فضح كل شي يوم ودرني ببيت اهلي كلهم يسالوني متى بيشلج ريسلج وينه ليش ما يا ؟!!!

ابغي اعلم عمي بكل سوالفه ويادبه بس ما احس بيفيد وياه وتعبت من مشاكلنا مب طالبه حب وها الخرابيط ع الاقل يحترمني وخاصه انا ام عياله واذا ما يباني لا يتعبني وياه زياده
7 سنوات راحت من عمري وكلها شقا وياه زين ليش ليش الانسان يحب يعيش بنكد ولين متى

هو يحافظ ع صلاه الفير بس شو فايده يحافظ ع صلواته وما يحسن العشرة وياي وحتى الفراش اسمحيلي ع ها الكلام بس قمت انا اطلبه واحسه غصبا عنه

ساعديني ارجوج مب محصله حد افضفض له