خطيبي أصغر مني

السلام عليكم ورحمة الله وبركاته


أنا عندي شيء مضايقني مرررره وأحس إني نادمه

:'(

أنا خطبني ولد عمي أنا وهو نفس العمر 21 سنه بس أنا اكبر منه بشهرين
طبعا أحنا يوم كنا صغار كنا نحب بعض :o

وخلاص أنا كبرت ونسيت أيام زمان وصرت اعامله كأخ لا أكثر ولا أقل


بعدين صار موقف صعب تعرضت له وتصرف هو نعم التصرف تصرف رجولي يشكر عليه
وجلسوا أهلي يقولون ما يسوي هالشيء إلا واحد إنه يحبك أنا طنشت

وبعدها بكم شهر تقدم لخطبتي
وأنا من الصدمه على طول رفضت وجلست مخيره شهر كاااامل
وانا كنت افكر أبد مو مستوعبه إني أكون زوجته ولا قد فكرت اساساً

بس لما استخرت ارتحت كثييييييييييير راحه عجيبة سبحان الله
واستشرت اهلي كلهم قالوا لي وافقي ماراح تلقين مثله
لأنه شاب خلوق ماشاء الله تبارك الله
بس أخويه شافني متردده قالي خذي راحتك لو تبين شهر ثاني عادي هذي حياتك
بس أنا استحيت لأنهم لهم شهر من وقت ماكلموا أهلي

المهم عطيت ابوي الكلمه وفرح ابوي من قلب

بس ندمت جلست افكر شلون وافقت على واحد أصغر مني بعدين بيعايرني ومن الأفكار السئيه

بعدين لما أفكر بشكل إيجابي
أقول لا هو يحبني وتقدم لخطبتي وانا أكبر منه وفضلني على كل بنات العائله
رغم إني أقل جمال منهم

بس بين فتره وفتره أقول بأفسخ الخطوبة أحس إني مو متقبلته كزوج أبداً
خاصه مره صارت مشكلة بين العائلة بعد الخطوبة
وكنت اتمنى بجد افسخ الخطوبة وانا لما سألت ابوي عنه قالي هو كويس
وما عليك من أهله أنتي بتعيشي معه أرتحت من كلام أبويه

أنا ما أمدح نفسي بس الحمدلله محبوبه ولي جاذبيه قويه بين الناس
أهلي وصديقاتي يحبوني
حتى أمه قالت لأمي مو بس ولدي يبي البنت كلنا نحبها ونبيها

وما أدري
أبي نصائحكم وآرائكم وايش اسوي

ما أدري لو قلت بأرفضه عشان الولد مافيه شيء
بس عشان العمر أبد ماتصورت ومو متصوره اتزوج واحد أصغر مني :'(

وجزاكم الله خير
F: