من الضيقه كتبت

الحل لكل هالامور سهل ,, طنشي شوي ولا تحسين نفسك مسؤولة عن مشاكل كل شخص بالغ بالبيت ! كل واحد يقدر يحل مشاكله بنفسه وع قولتهم مصارين البطن تتصارع ,,,

بالنسبة لاخوك ,, كلمي والدتك ان هالاسلوب غلط ! والولد بالعمر مفترض يتعلم يدرس بروحه ومايحتاج احد يقعد ع راسه وغصب يدخل المعلومة واتوقع الرسوب لان بالاساس ماينبهه الا للضرب والملاسن! لان اولا هو بعمر مراهقه ثانيا هو ولد وصفاته تميل للاستقلالية أكثر من البنت ... او عندك حل بانه تقولين لوالدتك انه بتدرسينه وتخلينه ع صوب بروحه يدرس وانتي تدرسين بهدوء تام ! وشوفي علاماته شلون بتصير ... او تقدرين تتكلمين معاه باسلوب حلوو وتخلينه يكلم والدتك بكل ادب وهدوء بأن هالشي يزعجه وان يبغي يدرس من نفسه لنفسه وتنتهي مسألة (( حرب البسوس )) اليومية ,,

بالنسبة لأخيك الأكبر ,,, هو انسان بالغ راشد ويفهم الصح من الغلط والانسان خطاء بطبعه ! صحيح انا انسانه ما اعتقد تقصير زوجته او اي مشاكل بينهم هو مبرر لعمل هالاشياء اللي تغضب الله وكان قادر ع حل مشاكله مهما كانت بدل الفضيحة وكل اللي سواه وزوجته ماسوت كل هذا الا لمصلحته اولا وحماية لابناءها ثانيا .... الحين موقعك من هالموضوع ؟؟ عليك بالتطنيش لان هاذي امور على اخوك وزوجته حلها سواء بتدخل والديك ووالديها او العائلة ( يعني كبار العائلة ) لان انتي مو بيدك شي تسوينه وحتى النصيحة راح تنقلب عليك فاذن حاولي قد ماتقدرين تركزين ع دراستك وزوجة اخوك بكل بساطة اعتذري من الوالدة انه ماراح تروحين وخلص نقطة انتهى ...

بالنسبة لدراستك ,,, انا باعتقادي لو ماكان فيه ضغط ماراح تحسين بطعم الدراسة الجامعية .. يعني من الطبيعي انه تنضغطين وماتحصلين وقت بين دراسة وبين واجب ديني وبين واجب اسري والخ والسبب انه تحتاجين وقت عشان تعييدين تقييم حياتك اولا وتعيدين تنظيمها مرة اخرى مع وجود حالة جديدة استجدت بحياتك وهي الجامعة وطبعا يعتمد ع نوع التخصص .. ايضا حاولي تقلصين وقتك اللي تقضينه بالجامعه فاضيه عشان ترجعين ابكر للبيت فمثلا انتي محاضراتك بهاليوم يكون للساعه 3 او مجرد ساعتين فحاولي تخلين احد من الاهل او الصديقات ترجعك البيت او تحصلين سائق خاص وهكذا اذا كان عندك الماديات .. بالاضافة الى (( عمل النوتات او الملاحظات اثناء المحاضرة )) هذا جدا مفيييد ودائما الاستاذ يطرح الفكرة الاساسية والمختصرة واللي راح تنسأل منها الاسئلة بالتالي مجرد تحتاجين قراءتهم وفهمهم وانتي بالسيارة او حتى قبل النوم ...

اهم نقطة ,, لازم تعرفين انه كل العائلات عندهم مشاكل سواء صغيرة او كبيرة لان الدنيا ماتخلى منها ولكن الانسان يحاول قد مايقدر يتخطاها او يحاول ممارسة حياته اليومية وعدم ايقافها ع الاقل حتى تحل المشكلة فانتي حاولي ماتشغلين بالك بامور او مشاكل انتي مو بيدك حلها وهي تتعلق بشخص آخر بدرجة أكبر وهو القادر ع حلها فخليها عليه وطنشي شوويات ...

انا تعلمت ان الواحد لازم مايحط باله ع الناس كلها لان بالنهاية هو اللي بيمرض ويتعب نفسيا وجسديا في حين ان طرف المشكلة من زمان انحلت مشكلته وعايشة بأحلى عسل ! ,,, أهلي لازم اعتاد ع اسلوبهم مع بعضهم مع ابناءهم واحترم فرضهم لذلك واذا ماعجبني اطرح رأيي يا اما ينأخذ به او لا فخلاص اسكت واهتم باموري ودراستي ...

الله يفرج همك

أريد حلاً;16441322:
السلام عليكم :)

في هالفترة ضغطت علي امور و مشاكل كثيره فقلت بتكلم لكم عنها واتمنى تعطوني حلول

المشكله الاولى

دراستي الجامعيه انا في السنه الاولى و الدراسه صعبه جداا :I: لكن انا اقدر عليها و نص الحين اقولكم نظامي .. ابدأ من الصبح ساعه 5 اقوم و اصلي ليه 5 وربع اقرا تعقيبات و دعاء و اروح فطور نخلص 5 ونص البس و اجوف شغلي ثياب جدي اجهز اغراضي اطلع 6 ونص من البيت مكان الي يوقف الباص بعيد عن بيتنا اقضي ربع ساعه في المشي او اكثر اوصل 7 الا ربع في هذا الحدود :thumbs_up: انتظر الباص و الطريق للجامعه ساعه و اكثر ارجع من الجامعه 5 ونص المغرب هلكااااانه حدي اتسبح واصلي و امي تقول سوي عشا لاخوانج انا يا يمه زين مني اوقف ماقددر :thumbs_down: احس بضغط فظيع انام من 9 او 8 ونص ومافي وقت للدراسه مع اني طالبه متفوقه في الفصل الاول من السنه الاولى ماعرف انظم وقتي عندي بريكاتي بعض الاوقات يتصلون البنات تعالي معانا قعدي و المشكله الاكبر اللابتوب انكسر وكل دراستي على اللابتوب فانتظر رجوعي للبيت و اذا رجعت مافيني طاقه لشي و بعد احاول اخذ دراسه صيفي




المشكله الثانيه


عندي اخو في صف الثالث الاعدادي هو ذكي جدا جدا ماشاء الله عليه لكن يسبب مشاكل في البيت بسبب دراسته مستحيييييل يدرس و امي تقعد تدرسه في الليل وقت رجوعي من الجامعه و يصير البيت فوضى و صراخ وماتبي احد يتكلم لان تدرسه و احيانا تقوم بضربه اثناء تدريسه وهو مايدرس حتى لو درس يرسب في نهايه السنه في 4 مواد و يقوم باعادتها و ينجح و ذي مشكلتنا معاه و امي تصارخ لما تدرسه و ابوي يعصب و يجي يضربه معاها انا مو عاجبتني الطريقه خصوصا لان مراهق يأثر لي الشي .



المشكله الي دمرتني الاخيره

اخوي الكبير عمره 30 سنه تقريبا متزوج و لكنه يشتغل دوام اخر ليل و يوميا هواش مع زوجته و عندهم مشاكل انا اقول مالي شغل رجال و زوجته المشكله الي هدت حيلي جافو صور حقه مع مضيفات طيران بحكم انه مهندس طيران و صور معاهم وفديوات مصورنها بتلفونه مع نسوان سعوديات كباااار اعمارهم 50 سنه واكثرر ويتكلم و مصور مكان حق خمر !! :(
وابوي و امي كلمووه طلع من البيت وجا الليل راح له ابوي وراواه الصور قال تهم زوجنه انها اهيه الي روته ابوي و بيطلقها و مايبيها عصبت امي اخذت راسها و طقته في الجدار .. ماا يعجبني هالاسلووب .. هو غلطان بس ما ينحل شي جذي وادري مسوي اكبر غلط نزل راسه في الارض و يصيح عقبها اخذو جوازه و صار مثل المجنون كسر اللابتوب و الجامات و الكبتات و السيارات كلهمم كسرهمم :'( انا ما اقدر اعيش في ظرووف جدي نفسيتي تعبااااانه ويقوولون لي نامي مع زوجه اخوج اهيه معاها عيالها انا علي دروس و اذاكر و ابي اختم القران و محدده اجازتي علشان انظم وقتي و عشت في رعب ديك الووقت صار مجنوون كسر كل شي و ماقدرت انام خفت يدعم ابوي بالسياره انا كل شي ولا ابوي و لحين خايفه ماقدر انام عددل احسن الدنيا مافيها امان
قلبي يعورني و مادري شلون اخلي روحي ما اتأثر بالاشياء تجيني حالات ودي اقعد و ابجي مثل اليهال و تعبت اقول انا جبل ما ينهز اكتشفت اني ضعييييفه ماعرف هالحل مع الاخو ذي شنوو :'(:'(


تهممني ردودكم

السلام عليكم ورحمة الله وبركاته
اشكرك لتنظيمك للمشكلات بصورة سهلة ودقيقة ولم يكن الكلام متشابكا بل واضحا
عزيزتي بالنسبة للمشكلة الاولى:واجباتك الدينية عداالصلاة وصوم شهر رمضان اجليها للعطلة الصيفية
اي ادي الصلاة المفروضة لكن ختمات وغيره ليس وقته الان
بالنسبة لتحضير العشاء ان كانت عندكي اخت اصغر منكي لكن بعمر تقدر به ان تساعدكي بأعداد العشاء او اخذ هذه المهمة بدلامنكي فأستعيني بها
ساعة خمسة ونصف المغرب تصلين للبيت بهذا الوقت للساعة السادسة تناولي طعامك وصلي ونامي من الساعة السادسة للسابعة مساءا وضعي منبها ان لم يوقضكي احد من الساعة السابعة للثانية عشرة اقرأي محاضراتكي وتناولي طعامك على شكل ساندوتش وليس طبق وتغسلين صحن ويأخذ وقتا وجهدا منكي
حتى لو تطلب الامر اطلب من اختك تعد سانوتش لكي ولها
ساعة 12 نامي للساعة الخامسة وابدأي يومك من جديد
اي يوم يكون ساعات بين المحاضرات اذهبي لمكتبة الجامعة واقرأي
بعد كل مادة تقرأيها استودعيها الله
اللهم اني استودعك ماقرأت وماحفظت فرده الي يامن لاتضيع ودائعه عند حاجتي اليه
اي دقيقة فاضية عندك اثناء الدوام اعملي بها شيئا يخص الدراسة بحيث تستفادين من فترة وجودك بالكلية قبل وصولك للبيت
المشكلة الثانية:
ربما كان اخوكي غير حريص على دراسته لذا غير اسلوب الجبر على الدراسة لاينفع معه
فلو كان حريصا من نفسه لمااستوجب الامر حرص والدتك على تدريسه بنفسها
لكن بوقت تكون فيه الوالدة غير معصبة فهميها ان الضرب يهز شخصية الولد ويجعله غير قوي اي ان نفسيته ستتأثر ولن يكون حازما مثلما تريدون
والمثل يقول ان كبر ابنك خاويه
هو لايزعج نفسه بالدراسة بكل قدراته وطاقاته لأن مطمئن الى وجود دور ثاني
لو كان اخوكي ينقصه الذكاء لرسب لاسامح الله بالدور الثاني لكنه ذكي لكن بنفس الوقت لايرهق نفسه
نبهي والدتك الى هذه النقطة
وقولي لها ربما يتعمد الرسوب ليزعج والدتك كرد فعل على اسلوبها معه
وقولي لتجرب تغيير اسلوبها ربما يغير هو من اسلوبه
ولتستعمل اسلوب الحرمان من الامتيازات طيل فترة الرسوب مثل اللاب توب التلفزيون الفسحات الخروج مع اصحابه الجوال طول الوقت وانما من ساعة محددة لساعة اخرى بحيث يعرف ان لرسوبه عواقب
وان الناجح لايحصل على نفس امتيازات من لم ينجح
واجلسي مع اخوكي قولي له
انت اخي وانااحبك واعتمد عليك وانت سندي عندماتنجح يقفز قلبي من الفرحة مالذي تحصده من الرسوب والاهمال
تكلمي معه من باب حرصك واهتمامك به
المشكلة الثالثة:اخوكي بماانه فاقد للسيطرة على غضبه
لذااختفي عن انظاره عندما يهيج هو تصرفه نتيجة غضبه من كشف اغلاطه ولم يتصور انه سينكشف
هو يخشى من نظرة والدك عنه لكنه لايخشى الله ولم يتق الله بزوجته
هدأي من روعك واسألي الله له الهداية وكوني حنونة على زوجته فأنتي لديك فكرة عن تصرفات اخوكي معها ربي يكون بعونها فهي بعيدة عن اهلها وحمايتهم وتسكن معكم
داريها ولو بالكلام قدر استطاعتك ربما تسكت اطفالها لأجلك وتتمكنين من ان تذاكري دروسك عندها
واطلبي من امك ان تكون رؤفة بزوجة اخيك وذكريها كيفماتتصرف امك مع زوجة اخيك ستتصرف ام زوجك بالمستقبل معك
وقولي لوالدتك انتم تعرفون ان الذنب ذنب اخي
لأن تصرفاته غير جيدة
لكن طبعاانتي غير مسؤلة عن سلوكه
اسأل الله ان يهديكم جميعا وان يؤلف بينكم
وان يوفقك بدراستك عزيزتي
سلامي لكي
اختك لارسا بغداد