اريد المساعده منكم

بدات الحكايه من فتره نفاسي وانا عند اهلي واخت زوجي كانت في بيتي معنا لانها تتدرس ذيك الفتره ولدت ورحت لاهلي ودقيت علي البيت ابي زوجي وردت اخته وقالت طالع وتونا مخلصين اناوهو من غرفتكم منظفينها ياسلام. والله من سمح لها واغراضي كل شي مكشوف حتي وانا في البيت معها كانت تدخل غرفتي دوناستذان وتاخذ اللي تبي وبعدها تقول ترااخذت
المهم دريت وكلمته انكر في البدايه بعدين زعق علي انتي ماتثقين وهذا جزانا من ها الكلام لوانا مااعرف اخته كان بس اعرفها ماتستحي الغرف النوم لها حرمتهاحتي هو زوجي غير مبالي وقال هي ماجت تفتش تنظف وهذا جزاها
وقلت بس اغراضي حتي اذا طلع مايقفل باب الغرفه
ومرت الايام
وجتني عمليه بواسير بعد حملي هذا الاول وسويت عمليه وحذرته محد يدري وامنته وانا اصيح لانها في مكان حساس
واكتشفت انه قال لاخوه
ومرت الايام وجاء يوم من الايام وقلت له وكان شاري جالكسي جوال طبعا قلت اللله يعطيك خيره اهم شي تستفيد منه شي مفيد هووسيله وليس غايه
قال انا شاري الجهاز اكلم بس واستفيد منه في العمل
المهم وجاءيوم وشفت في جهازه في الواتس طبعا مافيه رمز
صور خليعه وملابس داخليه واخرى باشكال جنسيه واخرى مغنيه فاسخه وهات ياتعليق من زملاه
وقررت ان ولدي الصغير يلعب بجهازه لان فيه العاب
وبعدين اخذه كاني اطالع الصور لانه يحتفظ بالصوره وصار. قلت ليش هالصور قام يحلف انهم يرسلونها وماله دخل طبعا
مامرت علي واضح ان الصور مفتحه
ومر كم يوم وطالعت في الجهاز وشفت انه هو يرسل لواحد من ربعه ورجل اختي
وصور حريم ومسخره وزعلت واجهته فيها وقال مالك دخل ايه اشوف وش فيها طيب ليش تحلف من الاساس وبينت انك تحمل وزرك وزر غيرك يوم القيامه وش تستفيد وقال انتي غلطانه وعقبها حط قفل للجهازواصلا انا حامت كبدي خلاص ماابي اشوف
بعدين جاءيوم وقلت له ايه انت تشوف وانا مااصدقك اجل اللي في التلفزيون ليش اذا جا مقطع مو زين تغير قال خايف علي مشاعرك تزعلين وانصدمت منه
حتي وانا معه في سوق دخلت محل وطلعت بسرعه وهو برا بس مايعرف اني طلعت وشفته وهو يناظر له وحده لين دخلت الحمام جنب المحل
لماطاحت عينه بعيني قام يضحك
ولما ادخل معهللسوق واقوله انك طالعت ذيك يقولي انا رجال المفروض هم اللي يستحووون تبين امشي عميان قلت. غض النظر هذي ايه مومني اناقال لا انا بخزها بعيني وهذا اضعف الايمان
والله كلامه مايدخل العقل انا قلت بس حاول انك ماتحط عينك بعيونهم والله حتي المتبرجه تفرح تقول يطالعني معجب وحرمته مسكينه
وزعلت قلت شل الوتس بس رفض ولاحتي راضاني
ومرت ايام هذي اللي اعيشها الان وجته سفريه خارج المملكه ورفضتها وقلت له خلاص رح هناك بتشوف ولاتحترمني ولاتخاف علي مشاعري
لان اصلا السفره مواجباري من العمل بامكانه يرفضها بس رفض انه يرفضها
وانا الحين زعلانه من تصرفاته معي وش الحل معه
والحين لي مده مااكلمه وقلت اني بتغير عليك بعد هذي السفره وراح اكل حبوب منع الحمل لانه يبي اطفال
لانه ماشال الوتس علي الاقل يطلع من قروب الزملا الوسخين
وليش يهيني يقول ايه انا اشوف
ظنكم مامليت عينه
مع اني جيده جدا واخلاقي رفيعه
او اني ابحث عن الكمال في هالزمن مهوب موجود
وش الحل هو بيسافر السبت وانا وديً اغييير من معاملتي معهً يمكن يحس