صـــــــــــــارت عندي عقده من شي اسمه.......

شوفي أختي انا كنت ماخذه في الجامعه ماده اسمها التربيه الاسريه شيقولولج ان الزواج فيه 16% سعاده زوجيه و16% زعل و68% حياة عاديه ولما تزوجت اكتشفت ان النظريه صحيحه وطبعا في الاول والاخير يعتمد على شخصية الزوجين والشاطره اللي تعرف شلون تكسب ريلها وتحافظ عليه

والله حتى انا يابسمة ملاك

لكن اقول لازم في مشاكل لكن الي خايفه منها المشاكل الكبيره

والله المستعان

السلام عليكم ورحمة الله وبركاته

مرحبا فيكم جميعا

المشكلة اختي وبصراحة انا بعد اشاركم في هالشعور صرت احس الدنيا مابها امان وكل زواج مايستمر اكثر من فترة بسيطة على طول مشاكل وهواش الرجال ماصارلهم امان وسهل عندهم كلمة طلاق اتخيل حتى لو اثنين يحبون بعض بعد الزواج يتغير كل شي واللي كان روميو قبل الزواج ينقلب لشخص ثاني ..

للاسف انا صرت متعقده من هالشي وهذا انعكس على شخصيتي صرت اشك بالكل ومااثق اني راح اكون سعيده بحياتي ..
والله انا الحين احب شخص وماقدر استغني عنه وهو نفس الشي وقريب ان شاء الله بنرتبط ، بس هالافكار مصيطره علي واقول اخاف بعد الحب هذا كله اندم عاليوم اللي قررت ارتبط فيه اخاف ماكون سعيده بحياتي ..

احترم كلام اختي اللي قالت يعتمد على شخصية الزوجين والشاطره اللي تكسب زوجها بس اكثر شي اشيل همه انه يتغير بعد الزواج والسعادة تنقلب تعاسه والله شي صعب ..

اتمنى ماينتهي النقاش بهالموضوع وكل وحده تقول رايها واللي تشوفه مناسب ..

اختكم
Ghadi

:s2.

شوفي عزيزتي كل شئ بهالدنيا فيه زين و شين والاهم كل احد ياخذ نصيبة :up: (u)
والحياة تجارب ولما يصير دورك تجربي اي تجربة لازم بتاخذي المخاطرة في التجربة لكن بشرط كوني متفائلة و مخططة ومئة بالمئة بتحاولي ان تجعلي النتائج اطيب ما يمكن

انا من قريب كنت امر ويمكن لازلت امر بمشكلة في حياتي الزوجية والافكار ما شاء الله تاخذ و تجيب لكن بالنهاية قلت لازم انجح في هالاختبار اللي هو جزء مهم اذا مو اهم جزء بحياتي

وقررت اتفهم واتحمل عشان سعادتي واسرتي وعيالي واللي بداء شئ لازم يتتممه ويحافظ عليه فالزواج مو عقدة ولامشكلة ولا سبب للحياة
لان كل احد منا له دوره بهالدنيا و رب العالمين عطنا كلنا دور بالحياة مو شرط الزواج يكون هو رسالة الجميع بس يجوز يكون هدف بعده هدف ومن وراءه رسالة وهلم جره

وبعدين لا تصيرين راوية اللي بالمسلسل:D2

انا كنت مثلك تماما :D2 الحقيقة كنت اكثر منك ........... بس لما اتقدم لي زوجي الحالي .......... فكرت وفكرت وفكرت فكرت كثير وقررت ان فشل غيري مايعني ابدن فشلي وعزمت بكل قوة ان اتزوج والرجل في النهاية مخلوق له قلب صدق ان قلوبهم ماهي حنونه دايما لكنه في النهايه انسان ،وكل انسان على قد ماتعطينه من(u)بتاخذين منه ....وهذا بالفعل ماحصل معي:o....... طبعا مع معاملته في كثير من الاحيان كطفل مدلل ....... وبالنهاية الحياة مليئة بالمفجآآآآآآآت يمكن تغيرين نظرتك وتتزوجين قريب...مثلي؟؟؟ ولازم تعرفين ان الحياة فيها الحلو والمر والحياة الزوجية هي مسئولية وتقاسم ومشاركة حقيقية للأحزان واللحظات الجميلة.... اتمنى انك تغيرين نظرتك ففي النهاية المرأة مايملئ عينها وحياتها وقلبها الا زوجها ، لانه هو الذي يشعرها بأنوثتها وامومتها ومكانتها واللي بدونه تظل هذي المشاعر مكبوتة في داخل جسد المرأة مما يدفعها للقلق وعدم الاستقرار وللعدوانية واحيانا للانحراف....الزواج هو سنة الحياة في النهايه........ يطول الكلام ماودي اطول عليك وفعلا مثل ماقالت الاخت اللي فوق كاكاوا تقسيمها مضبوط مثل ماهو بحياتي واتوقع بحياة الجميع........... واذا عندك اي اسئلة تفضلي اتوقع اني مابقيت لك شي تسالين عنه :smile:

السلام عليكم ورحمة الله وبركاته

بصراحه انا بعد صرت خايفه من شى اسمه زواج

و فعلا ادور حوالى يمكن احصل حد سعيد لكن مع الاسف

ما اشوف الا المشاكل و انه و لا حد مرتاح بحياته

سبحان الله

السلام عليكم ورحمة الله وبركاته

اشحالكم بنات ..

والله الموضوع مهم وايد ويعتمد على كل وحده فيكم ..

كل وحده حياتها بيدها .. اذا تبين حياتج سعيده تقدرين تخلينها سعيده ..

واذا تبينها :down: بعد تقدرين بدينج تخلينها :down: ..

الحياة الزوجيه مشاركه بين اثنين في كل شي ..

الاكل في الشرب في الاحلام في المشاكل في الافراح في الاتراح في

كل شي يخطر ع بالج .. يعني مو اذا تبين شي لاااااازم تنفذينه وتيبسين

راسج وخلاص ابيه يعني ابيه ... لازم تتوصلين انتي وريلج لحل وسط ..

وبعدين الزواج اللي اساسه وبدايته صحيحه اكيد بعد مشيئة ربي وتفهم

الزوجين بيكون صحيح لنهايته ... لكن اللي يبدأ بغلط ( واكيد فاهمين

قصدي ) نهايته 98 % فاشله ...

لا تعقدين عمرج انظري للحياة بمنظار وردي مثل ما يقولون :smile: ..

اتمنى اني قلت شي مفيد .. وساعدتج ..

تحياتي ...

والله في كلامكم كثير من الصحة وفي وحده رفيقتي ما تزوجت سنه وخلفت وبعدين زوجها طلقها عشان يرضي أهله بس، حسبي الله

والله انا اعاني من نفس المشكله وهي الخوف من الفشل في الزواج حتى انني مستمره في الرفض الى الآن رغم ان الفرص تتضآل امامي يوما بعد يوم وبعد كل سنين الانتظار التقيت بالشخص الذي قضيت حياتي احلم بالالتقاء به ولكن للأسف الشديد افاجأ بانه متزوج ولذلك قد قررت انه بعد كل هذه السنين عدم الزواج فلعل الخير لي في عدم الزواج رغم الشعور القاتل بالوحده الذي اعانيه والحمدلله على كل شئ.

لن يصيبنا الا ما كتب الله لنا

انا ما كنت متشائمة مثل البعض
ولكن بعد تجربتي الفاشلة
كرهت الرياييل و كرهت شي اسمه زواج
والاحسن انتم بنات
بلا زواج بلا قرف

اصلا الحياة بدون رياييل وااايد احسن

انا صدقت صرت مثل راوية الي في المسلسل..بس مب خبلة شراتها

حبيباتي لاتخلون فكرة ان الزواج مشاكل وبس .. ولا تاخذون بعد فكرة انه قصة من قصص الف ليله وليله .. الزواج هو اساس تنبني علية اسرة .. يعني لازم تمر اوقات حلوة واوقات مرة .. مثل ما انت بنت ما تزوجتي .. مش كل حياتج عايشتنها في سعادة لازم انة يمر عليها ايام تعيسة .. والحرمة الحاقلة هي الي تعرف تأقلم نفسها على الظروف ..

:confused::confused:

حراااااام عليكم وش هالتشاؤم

خلينوني اخااااف وانا مقبلة على زواج

بنااااات تفاءلوا بالخير والله ياما وياما فيه

ازواج مبسوطين ومثل ماذكر من البنات انو مو كل الرجال

سوا ولا تنسوا قوله تعالى( الطيــــبون للطيـــــبات)

يعني هالشي راجع لك انتي ممكن تخلين حياتك جنه

وممكن العكس لاقدر الله

وبعدين شيلوا عنكم شبح التشاؤم هذا:down:

السلام عليكم ورحمة الله وبركاته
اول شى لازم تعرف الوحده منا اذا اهيه مهيئه لزواج او لا .لانه فى بنات من كل المجتمعات اتفكر تفكير مو سليم على الاقل .
اكثر البنات افكرون الزواج روحه وجيه من هنا وهناك وينسون اكونون زوجات نجحات اتلافى الوحد منهم مو مهتمه الابس ابمظهرها ورفيجاتها وتنسا اتكون لزوجها الزوجه والام والصديقه وتكون ام صالحه ووتحافظ على زوجا من اقرب الناس لها وهم صديقتهاولانه فى بعض الناس ما احبون اشوفون الناس سعيدين وتبتدى التوسوس فى صدورهم ويبتدى الشك ومنها تبتدى المشاكل وما فى زواج ما فيه مشاكل,
يعنى ناس المشاكل اتكون مشاكل ماديه وناس ثانيه مشاكل اجتماعيه وناس مشاكل اخلاقيه وكل مشكله ولها ابعاد
وصدقونى ترى الدنيا ما تسوى بدون زوج
وكفياكم تشاوم
وكل وحده وشطارتها فى اكتساب زوجهاوالله يجعل ايامكم سعيده يا خواتى قولو امين يارب وانا ادعو من كل قلبى الله اوفق بنات المنتدى بازواج ممتازين اوفرون الراحه والامان لكم







تحياتى لكم جميعا







ام النور :shy:

بدوووون تعليييق


شو نسوي


بعد مانقدر نعيش من غيرهم




>>>>>>>>>>>>>>>>>>>>>هذا كله من دون تعلييييق

:D2

السلام عليكم ومشكورين اللي ردوا بس بقول شي وماعرف ان كنت صح او غلط 00000000 اسمعوني

ماقصرت وياه بشي وشلته بعيوني الثنتين 00000ليه يكلم غيري وقدامي مايراعي مشاعري0000000هذا كلام اختي المتزوجـــــــه

يطقني قداااااااام عيااااااااله 000000كلام زوجة عمـــــــي


يبي يتزوج عليه 000000 ليــــــــه ماعرف شو الجوااااااب 00000كلام ربيعتي المتزوجــــــــه

وغيره وغيره وغيـــــــــره 00000صح في ايه تقول الطيبون للطيبات

بس للأسف الي أشــــــــوفه من حولي كل اللي أعرفهم مب عارفات شو يسوون عشان يرضون أزوااااااجهم 000000وطيبـــــــات وايد


بس رياييلهم اللله يستــــــــر عليهم بس000000 ليش شو السبب قولولي؟

لا تعليق



mas7o0o0or

اصابعج مو سوه لازم ما اطالعين حلقة الحريم :smile: عشان لا تعقدين زياده.

وبعدين هم في رياييل زينيين وحريمهم شينين في جذي وفي جذي ولا يه النصيب ماراح تقولين لأ صدقيني كل شي في الزواج قسمه ونصيب مو حظ لأ قسمه ونصيب انا ريلي كنت اقول حق امي انا هذا ما آخذه لو يصير آخر ريال في العالم ما آخذه وخذيته شفتي النصيب وكل شي الله كاتبه في الخير وعسى أن تكرهوا شيء وهو خير لكم.

انا اللي احسه ان الحياة الزوجية تكون بدون طعم اذا ما كان فيه زعل او اشوية خلاف بين الزوجين....

لانه لو تزاعلوا الزوجين بحسون اشوي ببعض وبقيمة الثاني وتحاول او يحاول انه يراضيها باي شي بهدايا وكلمة حلوة وبذلك يزيد الحب اللي بينهم
.. وكل واحد يحاول اطلع اللي في خاطره بعد ما يرضون بعض بس بطريقه كلها حنان وحب...

ما ادري اذا قدرت اوصل المعلومة لكم ... سامحوني ما اعرف اشرح وووايد

:shy:

مستحيل الحياة تكون كلها سعادة وضحك او كلها حزن ونكد

لازم نص نص .... ترا هاذي الحياة

والرياييل مب كلهم واحد وحتى الحريم مب كلهن زينات وطيبات..

ترا اصابع اليد مب مثل بعض..

وترا البنت بابيها معجبه... فكل وحده ترسم صورة لزوج المستقبل حسب
اللي تشوفه في البيت وخاصة ابوها...

:shy: