حلمين عن ولد أخوي

السلام عليكم ورحمة الله وبركاته

أختي تحلمت منذ فترة قصيرة جدا بحلمين عن ولد أخوي عمره 8 سنوات

الحلم الأول:
تحلمت إن ولد أخوي قاعد يلعب بلايستيشن وقلت لولد أختي (ولد أختي عمره 10 سنوات) قلت له روح اقتل فلان بس لا يدري عنك مسك السكينه وطعنه طعنه من الظهر ومن ثم شق خصره نصفين المهم كنت مستانسه ولما كفنته ودفنته قلت لولد اختي انا ضميري يؤنبني قاللي حتى أنا بس أنا واثق إن الله يغفرلي ذنبي ويدخلني الجنة بس أنا ما كنت مرتاحه ورحت للجمعيه وأنا راده من الجمعيه لقيت ولد أخوي اللي قتلناه حي قلت لولد أختي شلون حي وحنا دفناه بيدينا قاللي استري دام محد يعرف عن الموضوع وكنت مستانسه إنه حي ودخلت البيت ولقيت أختي أم الولد واقفه عند الباب وتسولف وتضحك وأنا بالحلم مستغربه ليش أختي عايشه وهي ميته من 2006 وسألتها بالحلم يافلانه حنا بأي سنة قالت 2006 وانا أقول لأختي الثانيه حنا الحين ب 2010 اشوى أختي ميته ( أختي حية ترزق ولكنها تمر بظروف صعبه ومشاكل مع زوجها وأهله)

الحلم الثاني بعد الحلم الأول بأيام قليله:
تحلمت إني حامل بالشهر الأول (أنا غير متزوجه)وكنت منسدحه ع السرير وبنت خالتي جمبي وحامل بالشهر الرابع(بنت خالتي بالحقيقه حامل ولكن لا أعلم بأي شهر)وولد أخوي يلعب كورة وكنت اصارخ عليه وأقوله لا تلعب والعب بالحوش وكان يسوي حركات عناد انه ما يبي يلعب بالحوش ويشوت الكورة علي بس الكورة ما حاشتني وكنت خايفه على الحمل ولما طلعت من البيت بروح لبيتي سمعت خواتي من وراي يقولون عني الله يعين زوجها شلون يطالع بشكلها ويتحمل ريحتها وبس هذا اللي أذكره

أنا غير متزوجه وعمري 23 سنة ومخلصه الدراسه وانتظر الوظيفه وولد أخوي اللي بالحلمين أنا اكرهه ما أحبه ولكن معاملتي معه حسنه وبيننا وبين أمه مشاكل عشان جذي نكره عيال أخوي كلهم ولكني أنا أعاملهم بطريقه حسنه
وانا أعاني من مشاكل صحيه ضعف بصر وضعف سمع ومرض الإكزيما وأعاني أيضا من صعوبة النطق(التأتأة)
أتمنى تكون الأحلام واضحه عندج وأنا والله أول مرة أقوم بتفسير الأحلام