ام زوجي ارحمي ضعفي

مرحباً عرايس كيفكم ،، بدخل بالموضوع على طول انا ساكنه بدور فوق اهل زوجي وعندي بنوته وحامل بالسادس وانا حملي شين وحامي صعب وما عندي شغاله دوري منعزل كليا عن اهل زوجي لان لنا باب من ورى البيت اذا بيزرونا لازم من برا بس احنا نجتمع عندهم كل اسبوع المهم ام زوجي جننتني من حملت تحب تدخل علي على غفله واذا جت مثلا أجلسها بمجلس الرجال تروح تدخل تفتح المطبخ تتفرج مو تبي شي لا تتفرج مره ثانيه تدخل مجلس الحريم تشوف هو نظيف ولا لا ودائم على هالحال انتوا شايفين كيف الجو وانا وضعي مره صعب دوام وبنتي وحمل ودوري كبير شوي وله حوش أنا مااقول لا تجي بالعكس الله يحييها بس تعلمني او ع الاقل لا تتلقف :hysterical: انااخدمهم دايم وبكل مناسباتهم لدرجة مره وحده قالت لها قدامي ارحمي مرة ولدك كرفتيها وبناتك قاعدات قبل لا يعزمون تقولي نبي كيذا وكيذا هذا مو كثير بس ابي يعاملوني زين وبناتها متزوجات مايسوون شي هذا ماهمني مقابل انها ولا مره أرسلت غداء او شي لنا وحنا فوقهم ارجع من الدوام يالله يمديني اطبخ واحيانا احضره بالليل انا شره انه لان علاقتي كويسه وانا مرررررره خدومه لهم وعندها شغالتين ماقد فكرت ترسل وحده لو ساعه بالأسبوع تعبت من الكررررف تجي تتلقف وتطلع قسم بالله تجي 10 دقائق وتطلع بس تشوف كيف مستوى النظافة الحمد لله أنا نظيفه بس والله احيانا لو اقعد يوم ما مسحت يصير فيه غبار خفيف وأنتوا عارفين الاطفال وحوستهم هي من قبل احمل وهي تحب تدخل فجأة بس بعد الحمل زاااااااااااااااااادت وش الحل ساعدووووووووني صرت انقل همها اكثر من هم البيت احيانا اكون تعبانه وأعقد أنظف عشان لو جت وعشان ما تقولون ام زوجك مثل امك عادي ترى هم حاطين حواجز ورسمييييييييييييين قسم بالله ان مجلسهم الرجال مدري وش لونه ولا قد عمري دخلت الا مجلس الحريم والصاله والمطبخ عشان اساعدهم بالعزايم عطوني رأيكم بمشكلتي ولكم مني اجمل الدعوات بالسعادة والتوفيق