بنتي عندها امساك

الله يعينج ويساعدها
جربتي دوا الغازات ؟ يمكن يساعد

حبيبتي ربي يشفيها ويريحها ياااارب احس بمعاناتها يعني احنا الكبار لما يجينا الامساك شوفي شنو يصير لنا شلون الاطفال مساكين ؟ ,,,

شوفي بالنسبة للتحاميل كثرتها تسبب الامساك ! والسبب ان جسمها وخصوصي القولون خلص تعود ان فيه شي هو اللي يساعد ع اخراج الفضلات بالتالي يريح نفسه وما يفرز المواد ويحفظ الماء ويمزجه مع البراز وانتي بكرامه ( حتى يكون لين وسهل خروجه ) فيفقد قدرته على التحكم بشغله ...

وانتي الكتكوتة كم عمرها ؟؟ هل هي بعمر تقدر تاكل فيه لانك قلتي عن البرتقال وهالاشيا ؟؟ او للحين صغنونة ؟؟ ... اذا كانت كبيرة كفاية فاذن اشتغلي معاها ع الالياف ( فواكة , خضروات , خبز اسمر , قمح , سلطة خضراء ) وبعد كل وجبة من الالياف عطيها كمييية حلووة من المااي حتى لو رفضت استبدليه بعصير البرتقال مع اللب وزيدي معاه شوية ماي بدون ماتدري وهالطريقة يبغي لها صبر لان مو بنفس اليوم تطلع النتيجة يعني من يومين لثلاثة وبتشووفين شلوون بترتاااح لان بيطلع كلشي مرة وحده وبعدها بينتظم الخروج عندها ( وانتي بكرامة ) ,, هاذي الطريقة عادة الافضل وطبيعية ونستخدمها حتى للمرضى ولكن مثل ماقلت لك تحتاج صبر وبمجرد انه يشتغل القولون خلاص ينظم نفسه ...

الطريقة الثانية اذا كانت للحين صغنونه وهي وضع مسبب للتخريج واللي يحتوي ع بكتيريا وخمائر مثل ( لبن او روب زبادي ) طبعا تعطينها بكمية ربع او اقل من ربع ملعقة صغيـــــــــرة ممزوجه بالماء لان مثل ماقلت لك احنا نبغي مجرد نزيد كمية البكتيريا اللي تخلي المعدة تتحرك بشكل اسرع وتحفز الامعاء ومنها القولون للحركة ...

الطريقة الثالثة ,,, تخلينها تتحرك اكثر او انتي تسوين لها تمارين من الصبح مع شرب كمية من الماء ( هالشي يحفز المعدة وتنبه باقي الاعضاء عشان تحرك اللي بداخلها عشان تطلعه ) ...

الطريقة الرابعة ,,, الادوية الشعبية مثل ... خيار الشمبر هذا مفعووله سحرري بنفس اليوم تشوفينها خرجت ! عن نفسي بنتي كان فيها امساك من ايام الاربعين والوالدة الله يطول بعمرها عطتها ملعقة صغييره خيار الشمبر ( بعد نقعه بالماي ) وفعلا نفس اليوم خرجت بعد معاناه لاربع ايام طبعا هذا ماتكثرين منه لانه بسرعه يحول التخريج لاسهال ... اما الدوا العشبي الثاني هوو ( النبات ) حطيه بأي شي او حتى مع مااي ومرقدوش اطفال وان شاء الله بتشوفينها تخرج ...

وسلامتها الكتكوووتة ان شاء الله

ماي و شكر أحسن و أفضل حل ..

ماي ساخن شوي مثل اللي تسوينه للحليب .. و شكر شوي وايد زين

ربي يشااافيها ياا رب

وديهاا عند اخضاائي ثااني ...

وان شااء الله البناات بيفيدوونج اكثر

اختي العزيزه..كيف عطيتي طفله عمرها شهرين عصير برتقال؟؟؟ و تحاميل ؟؟؟ مفروض تودينها الطبيب يشوف شو اللي مسبب الامساك..الطفل لين يكمل 6 شهور ما يصير يدخل بطنه شي غير حليب الام او الحليب البديل...وديها الطبيب اختي وما عليها شر باذن الله

طيب هل سألتي الطبيب عن حليبها يناسب لها ولا لأ ؟؟

لأن غالباً المسبب الأول للإمساك عند المواليد تغيير الحليب من نوع لنوع ثاني بدون استشارة ..

ياعمري الله يشفيها توها صغيره ع العصاير

والخربطه الطبيب يقول الطفل اذا تعود ع التحاميل مايخرج الا فيها

نصيحتي لك ادهني فتحة الشرج بزيت زيتون حطي ع عود اذن ودخلي شوي بفتحة الشرج

وثانيا اذا ترضعيها صناعي خففي الحليب يعني نقصي المكيال
وشربيها قليل مويه بعد الرضعه

وطمنينا عليها

تسلموا حبايبي على السؤال والمساعدة بس انا غلبت قبل خمسة ايام اتبرزت وانتو بكرامة لحالها بس وعليها لليوم وبس تبكي اضطريت وحطيتلها تحميلة بس بغير الاخصائي واروح لواحد ثاني ان شاء الله واخبركم شو بيقول

عادي ياقلبي تصير للآطفال
عيالي كذا حتى عيال آختي
شربيها فنجان عصير برتقال طازج
وعند تغيري الحفاض لها آمسحي بزيت سمسم على الشرج تدليك بيدك
بالنسبه يومين عادي علشان صغيره ولدي يجلس ثلاث آيام ثالث يوم العصر يجيه براز
آهم حاجه سوي مثل ماقلت لك
الله يحفظها لك وتشوفيها عرو[BACKGROUND="70 #FFCCCC"][/BACKGROUND]س

الله يشفي بنتك توها صغيره على الخلطات والتحاميل وديها طبيب والاخت التفاحه بنتي عندا سنتين ونص ومعها امساك جاااااامدتبكي بقوه من تقريبا خمس شهور وهي بعذاب وديتها دكتورين ومانفعت علاجاتهم مجرد مااقطع عنها العلاج يوم اويومين ترجع زي قبل والله مسكينه حالتها تقطع القلب وتحزن ودي اجرب خيار الشمبراللي قلتي عنه بس مدري له اسم ثاني لأني ماعرفته وسمعت ان زيت البقدونس بالصيدليه وحده بوحده للامساك يدهن به المصاب من تحت بس ماحصلته عندنا وعلى فكره يااختي التفاحه عندي استفسار عن الزبادي بنتي تموت عليه وماتحب تاكل شي مامعه زبادي ومنعتها منه قالولي انه يمسك البطن ويزيد الامساك هل المعلومه هذي صحيحه وجزاك الله خير

الله يعينك ويفرج همك