السلام عليكم ورحمة الله وبركاته:
كيفكم يا صبايا انا حابه اكتب عن موضوع بهم كتير ناس متلنا لانه هالشي صار معي وكنت مفكره انه شيء طبيعي وانه ما في شي تاني مأثر في.
يا صبايا عشان تعرفوا اذا كان تاخر حملك طبيعي وانه ما في شي تاني مأخر حملكم لاني في البدايه كنت مفكره انه ما في شي وانها ارادة رب العالمين، بس ربنا ما بريد نرمي كل شي عليه ربنا بقول اسعي يا عبدي وانا بسعى معك وهون بلشت اعرف انه في شي مش طبيعي عندي وكانت اعراض كتيره موجوده عندي وبالآخر عرفت انه هاي اعراض سحر وعمولات معموله الي بالذات:
الأعراض:
1- اول ما اتجوزت صار عندي وجع ظهر مش طبيعي حتى اني سويت كل الفحوصات وما خليت شي يعتب علي وكل الفحوصات كانت تحكي ما في شي الا انه وجع الظهر ما راح من عندي الا لما اتخلصت من اثر العمولات علي.
2- الدوره كانت تيجيني بوجع فظيع وكنت افكر لاني اتزوجت اتغير جسمي وكنت اضل موجوعه اسبوع كامل قبل ما تيجيني.
3- نفسيتي تعبت كتير الفرح والتفاؤل اللي كان في قلبي اختفى صرت احس بالخوف والقلق من كل شي حتى الابتسامه اختفت من وجهي وكله بدون سبب وكان سببه السحورات.
4- النوم حتى النوم ما كنت ارتاح كنت اشوف احلام مخيفه ودايما احلم بقطط سوده لاحقتني، واحلم باشيائي تضيع مني واضل طول الحلم وانا ادور على اغراضي وما الاقيها وكله بسب الاعمال.
5- الامل الموجود صار يختفي شوي شوي حتى انك بتصيري فاقده الامل انه يتحقق شيء من اللي بتتاملي انه يصير .
6- الهم والنكد من اي سبب بسيط، يعني بصير مشكله بينك وبين زوجك لاتفه الاسباب.
هادي بعض من الاعراض اللي كنت احس فيها وما كنت اظن انه هاي اعمال وسحورات لاني ما كنت آمن بهيك شغلات إلا لما اتغير الوضع كله صدقت بعد ما حسيت وشفت بعينه شو صار، وجع ظهري اختفى والحمد لله رب العالمين ما عدت اشعر بوجع نهائي، والدوره صارت تيجيني بدون وجع والحمد لله رب العالمين، وهلىء صرت انام وارتاح في النوم وما عاد شي مأثر في وبصحى وانا مرتاحه، والامل رجع اتجدد عندي وهو اللي خلاني اقبل على عملية الزراعه اللي عملتها ونجحت باذن رب العالمين ، والحمد لله اختفى النكد والهم من حياتنا وصارت حياتنا طبيعيه متل اي زوجين بكونوا متزوجين.
يا بنات انا كتبت هالموضوع عشان كل وحده متاخره في الحمل تبحث عن سبب تاخر حملها اذا ما كان في سبب طبي واذا كانت تعاني من هاي الاعراض لاني بالاول فكرتها شي طبيعي لكن ما كان فيها اي شي طبيعي، وهالشي خلى 8سنين تروح من حياتي هباء وتكون حياتي نكد وهم لاني ما عرفت السبب من الاول ، بس ربنا ما بنسى حدا من فضله من علي واكرمني بتوم وان شاء الله ربنا بحفظهم من شر الانس والجن والشياطين .
يا بنات في شغلات ما بتروح بسهوله يعني بمجرد انك تقرأي قرآن او تذكري أذكار الصباح والمساء، لني كنت كل يوم أقرأ سورة البقره كامله، وكنت أقرأ سورة يس ودعائها، وكنت أستغفر كل يوم حتى 1000 مره وما زلت على الاستغفار والحمد لله ، بس الاعمال المعموله على نجس وبكون موكل فيها شياطين بكون من الصعب اخراجها بالقران والدعاء وبس،و في الها طرق معينه لتطلع من جسم الانسان عشان يرجع متل ما كان.
فيا رب كل وحده من الصبايا تقرأ الموضوع وتاخد حذرها في الايام الجايه وتنتبه لنفسها وتبحث عن سبب تاخر حملها هاد اذا ما كان عندها سبب طبي يمنعها من الحمل لاني ما كنت اعاني من اي شي لا انا ولا زوجي والحمد لله رب العالمين ونشكره ونحمده على فضله وكرمه علينا.