موقف محرج تعرضت له اليوم

في رأيي التصرف الي تصرفتيه في قفل الباب بقوووه في حد ذاته عبرتي له عن استيائك من تصرفه

وردك ان الباب لما يكون مافيه ادب يحتاج تكسير

خلاه يشعر با الاحراج ووضح له اكثر انه الي سواه غلط و انك ماتبغين تشوفينه

وبصراحه تصرف راائع منك

الى هنا ويكفي لاتوصلينها للمدير العام لأن هو ماتعدى عليك وعلى حقوقك

انتي بشخصيتك وبذكاء حتى لايحط راسه براسك ويعاندك في امور عملك توقينه عند حده

بس جد قليل ادب

شنو يعني كل ساعه تتسبحي انتي وزوجك ؟!! حتى لو طايحه الميانه مو شاهر ظاهر قدامك يقولها


ويمكن يبغى يشوفك هل انتي من تبع ها البنات الصايعات المايعات اذا تبسمتي من كلامه

او احمر وجهك قدامه او او او حتى يبدأ يمد حباله لك

اذا تكرر الموقف 4 او 5 مرات تقدري تتفاهمي مع المدير العام مو عن طريق شكوى

ان هذا الموظف مضايقك موقادره تنجزي عمل بسبب افعاله وتذكرين له المواقف وتقولين له ليت توجد لي حل واكون شاكره

هذا رأيي

ههههههههههه شو هالشغلة
اتركي الشغل كله :)
وان ما عجبك شوفيلك مسدس فضي براسو

اختي العزيزة ,, انا برأيي مايحتاج توصليها للمدير لانه ما اساء لك بالدرجة الأولى وحتى للبنت اللي كانت معاه واللي كانت قليلة ادب اكثر منه لانها تكشف اسرار حياتها الخاصة جدا والمصيبة الاكبر انها لرجل اللهم لك الحمد والشكر !! ...

مثل ماقالت الاخت مرجانة انتي عبرتي عن استياءك من حركته ورديتي عليه واحرجتيه واذا اعادها بعد لا تسكتين وعبري عن هالشي ,,,, وبالنسبة لتعاملك معاه خلك رسمية جداا وخليه يحس انك متقززة من حركاته لحتى هو نفسه يستحي على عمره ومايجي يتعامل معاك الا بكل احترام ....

فعلا انه ما يستحي على وجهه.....يمكن ما يكون يكلم احد(يمثل)...وغرضه يشوف ردة فعلك ويستدرجك,,,او ممكن يكون فعلا يكلم وحدة مااااا تتقي ربنا,,,بس لو طنشتيه وسويتي نفسك مااا سمعتي شي احسن....والله معك حق تتقززي منه

برافو عليكي
اللي سويتيه كفاية
لكن لا قدر الله لو سوا اي حركة ثانية قدمي فيه شكوى

تصرفك عين العقل .. وما فعلتيه رسالة تحذير شديدة اللهجة ما اعتقد انه بعدها بيتجرأ مثل هالمره ، ومره ثانيه ان طلب منك تتصلي بآحد قولي اسفه عندي شغل ومنتظره مكالمة مهمة بخصوص العمل وهو يقدر يستعمل اي هاتف آخر . . لا تعطيه وجه وما ضنتي اهو اساساً رح يتجرأ بعدها . . انتي وقفتيه عند حده خلاص كفيتي ووفيتي وآمر شكايتك له للمدير العام غير مستحب لانه اول انذار له ان كرره بعدها تصرفي بشكل اكبر وبلغي المدير . .

السلام عليكم ورحمة الله وبركاته
اختي الغالية كلامه غير اللائق وغير المحترم لم يكن معك بل كان مع امرأة اخرى لاتمت لكي بأي صلة
تصرفك اعطاه رسالة انك لايمكن ان تعطيه وجه وانك لايعجبك الكلام الغير اللائق لذا لن يضع نفسه بموقف يحرجه ويتمادى معك بالكلام
لكن هذا لا يعني انه سيخجل او سيندم على تصرفه
وبكل الاحوال انتي غير مسؤلة سوى عن نفسك فقط
لكن ان تمادى بالقول او الفعل فمن حقك ان ترفعي شكوى بحقه للمدير
سلامي لكي
اختك لارسا بغداد

صباحك ورد
مثل ماذكروا البنات-ردت فعلك نبهته واعطته درس عنك
لاتخبري المدير لكن انتبهي منه يمكن يحقد عليك
كوني حذرة ولو مايحضر مكتبك يكون افضل
وان حضر مكتبك كوني رسمية مرة او اطلعي من مكتبك

ربي يوفقك

الله يكون معك و يبعد عنك ولاد الحرام يا رب و صراحة عجبني تصرفك

سويتي عين العقل بس اذا مرة تانية حاول يتمادى او يتصرف بشي غير لائق معك لا تنتظري و كلمي المدير و اتجنبي هالشخص الله يبعد عنك اولاد الحرام

مشكورات حبيباتي على ردودكم الايجــابيــة

ومشكورات على النصيحــة

وأنا للحين ما قدمت شكوى عند المدير .. بس كثير كارهه شوفته


بس الاخت M!ss CoLoRz
انا دخلني في الموضوع لان هو تكلم قدامي بكلام منحط وخارج حدود الادب وفي مكتبي الخاص .. المكتب انا جالسة فيه واأدي فيه عملي.

ان شاء الله يكلم زوجته امه خالته الجني الازرق ما مفروض يكلم احد بذي الطريقة قدام اي احد
تخيلي واحد يجي يسولف في مكتبك الخـاص ومأخذ راحته ويقول كلام قمة في الانحطاط وقلة الادب سواء يتكلم في التلفون او يتكلم في الاسلكي .

يبي يتكلم يروح اي جهنم ما مفروض يقول قدامي كلام مثل ذا .

انا تصرفي سويته بنـاء على استيائي لان هو لو ما يقصد شيء كان ما جاء لمكتبي وظل يتكلم بذا الاسلوب الخـايس

وللعلم هو من بعد ردي امس علي .. اليوم ما دخل ابدا عندي .. طرش اوراق العمل عند العامل
يعني أنا برهنت له ان الكلام اللي صار قدامي في مكتبي ما مفروض يقال

وترا عزيزتي انا بعد عندي خبرة وظيفية تمتد ل 7 سنوات وواجهت اشياء كثيرة في الوظيفة
ولو عنده سبب يخلي يشتكي عليي يروح ..

انا بعد اقدر اقول لمدير وش الكلام اللي دار بينه وبين البنت .. وللعلم انا اعرف من هي البنت اللي كان يكلمها ..

M!ss CoLoRz;16417250:

روح الصبايا

هالكلام كله انتي ما بينتيه في البداية قلتي جملة وحدة وقلتي انه كان يضحك مع بنت وماحددتي تعرفينها او لا

لو فرضا رحتي للمدير وقلتي له نفس الكلام بالضبط اللي كتبتيه اول مرة بيقول لج وبعدين؟؟؟ شنو المطلوب شنو سوا لج؟؟؟

فأنا رديت عليج بناء على اللي قلتيه

احين ذكرتي معلومات يديدة فكلامي انا بعد راح يتغير

انتي احين حطيتي له حدود عفية عليج وزين سويتي وخلج حذرة مع هالريال وحاولي بقدر المستطاع ما تحتكين فيه

الله يكفيك شـره وسـخ هذا الرجال قليل الادب وموقفك مره عجبني احسـن علشـان مره تـانيه ماايقل ادبـه معك ...

عجبتينيييييييييييي :thumbs_up:

تخيلت ضربة الباب هذي اللي كسرة المقبض ماشاااااااااااء الله عليك :I:

ولو قالعه الباب وضربتيه عالراس عشان يتأدب وتبرديلي فوادي فيه

قليل ادب :mad:

الله يهديه ويهدي الجميع

عندي حل
طلبي من مديرك يحط كاميرا بمكتبك
وقوليله في ناس تجلس عندي وسوالف
ومصخره وقلة ادب وهذا مكان عمل مو لايق اللي. قاعد يصير

وثقي كل تصرفاته بالكاميرا احسن

اهلين اختي ...

اعتقد تصرفك كان عين العقل واوصل الرساله واضحه واكثر من ذلك..

لذلك عزيزتي .. اكتفي بما حدث ... ولو حصل شيء شخصي لشخصك...

عندها تصرفي تصرف اخر..

اما الان فاكتفي بما حدث

تحياتي

ام جنى