رجعت بعد فترة انقطاع عنكم

ونعم بالله
بس ننتظر القصه حبيبتي

هلا فيك حياتي بذكر[SIZE=3]ك
[SIZE=3]والحمدلله على رجوعك وباخبار حلوة والف الف الف الف مبروك وربنا يتم حملك على خير
[SIZE=3]منتظرين للتفاصيل لا تتاخري علينا
[/SIZE][/SIZE][/SIZE]

نبدأ بالصلاة والسلام على افضل الخلق والمرسلين محمد صلى الله عليه وسلم اما بعد:
انا يا صبايا كنت من النشيطات في المنتدى وكنت على تواصل مع الجميع لكن الظروف كانت اقوى مني منعتي اني اكمل تواصلي طبعا انا كنت من المتاخرات في الحمل يعني صار الي 9 سنوات متزوجه ولم ارزق باولاد وطبعا المشكله كانت دائما انه ما في شي عند الطرفين يعني انا وزوجي سليمين 100% بس ما صار حمل طبيعي، طبعا بعد 5 سنوات قررنا انا وزوجي نعمل زراعه اطفال انابيب وطبعا عملتها ونزلت موضوعي بهديك الفتره http://forums.3roos.com/3roos470813/ وحملت طبعا لكن الحمل ما استمر ونزل قبل 3 اشهر ما يكملوا الحمد لله على كل شيئ ، بعدها كررت العمليه اكتر من مره حتى اني سويت زراعه بحدود 7 مرات ولا مره زبطت الحمد لله على كل شيء، فقررنا انا زوجي نروح عمره على امل انه ربنا يرزقنا بالذريه الصالحه ورجعنا واحنا متاملين بانه راح ربنا يرزقنا ونويت اني اعمل كمان مره زراعه لكن فشلت للاسف وهون بدأت المضايقات من كل افراد اسرة زوجي ومعاملتهم معي
بدون سابق انذار وخصوصي حماتي ام زوجي ، وصارت تحكي لزوجي هاد مرتك ما راح تخلفلك بالمره وانا كان عندي امل في رب العالمين على اساس انه ما في عندنا مشاكل ومافي شي منعاني منه لكن حماتي وقفت بالمرصاد، وفي هداك الوقت كان عنا اجنه مجمده قررنا نرجعها لكن حماتي ما رضيت وعادتني وكانت بدها تجوز زوجي ، وباعتبار انه زوجي بحبني كتير وحابب انه يخلف مني على اساس اني حلوه كتير وراح اخلفله اولاد حلوين وقف في وجه اهله وعملنا ترجيع للاجنه ، وفي هديك اللحظه اجت حماتي تحكيلي انه ما راح تزبط وانه انا عمري ما راح اخلف ولا راح اصير ام نهائيا، انا سالتها وانتي كيف متاكده انه انا ما راح اخلف ما دام الامل موجود عند رب العالمين حكتلي انه انا متاكده وبعرف ميه بالميه انك ما راح تخلفي وهون بدات معاناتي لما اهل زوجي وحماتي وقفوا لزوجي انه يتجوز علي...............

حبيبتي ليش ماتكتبي الموضوع كامل
[SIZE=3][SIZE=3]وا[SIZE=3]لله انه الوحدة فينا تفرح وتتف[SIZE=3]ائل بحمل اختها المتاخرة بالحمل فياريت [SIZE=3]تبشرينا باللي يعطينا الامل[/SIZE][/SIZE][/SIZE]
[/SIZE][/SIZE]

الحمدلله ألف ألف مبروك ويارب يفرحك بشوفه وهو بخير وسهاله
وننتظر البقيه

بانتظار تكمله القصه وان شاء الله تبشرينه فيها بحملك

الف مبروك على الحلم والله فوق كل شي ورحيم بعباده وله حكمه بكل شي ننتظر القصه حبيبتي لاتتاخرين

الحمد لله ع سلامتك
والله ناطرين تكملي قصتك ع خير :)

في اول سنة 2012 رجعنا الاجنه وكانت مجمده طبعا وللاسف ما نجحت وهون اهل زوجي ضلوا وراه حتى زوجوه وانا كنت ما اعرف شي بس بعرف انه قرروا يزوجوه ، واتجوز زوجي وحياتي كلها صارت مخربشه ومش عارفه شو بدي اعمل ، وزوجي ما رضي يطلقني على اساس بحبني وبدو اياني ، لكن المشكله مش هون المشكله انه مرته الجديده ضلت حامل على طول وبعدها اكتشفت شغله ما كانت تخطر على بالي نهائيا وهي انه حماتي كانت ضل تسقيني وتطعمني اكل من عندها بس ما بحكي الا حسبي الله ونعم الوكيل على كل ظالم لانها من الاساس ما بدها اياني لابنها واكتشفت اشياء ما بتتصدق انا من حد ما اتجوزت زوجي صار عندي وضع ضهر مش طبيعي وكنت اعاني معاناه رهيبه من الاوجاع جتى الدوره كانت تموتني من الوجع وانا ما كنت اعرف شي ، كانت حماتي عاملتلي اعمال اني ما اخلف مش بس من ابنها ولا من اي حدا تاني وكان العمل موكل في رحمي انه ما يستقبل اي حمل نهائي بالاول ما صدقت بس يوم ما طلعوا الاعمال مني واختفت الاوجاع وحسيت براحه نفسيه كبيره اتاكدت انه كان في اعمال في جسمي لاني ما كنت آمن بهيك شغلات.
زوجي رجعني لعنده وقلي جربي لعله خير الي والك والامانه هو ما فرح بحمل المره التانيه لانه نفسه يخلف مني وبس ، ولما عرفت حماتي اني رجعت انجنت حتى انها دخلت علي في بيتي وانا نايمه ومعها كيس في اغراض بدها تعمل شي في الدار بس لما شافتني بالدار طلعت وانا انفزعت كتير منها ورحتلها اراجعها حكيت ليش قاعده في دار ابني اطلعي منها روحي انتي عمرك ما راح تخلفي وراح تصيري خدامه لاولاد الزوج، وكانت ضل تكب اشياء باب داري وعلى طول الممر علشان وين ادعس تكون كابه عليه ، ومن كتر المشاكل اللي عملوها اهل زوجي قرر انه يطلعني من عندهم ورحنا استاجرنا بيت تاني وابعدت عن امه ، وبلشت حياتي تتغير كتير سبحان الله ما بصدق الانسان الا لما يشوف بعينه.
بتصدقوا يا بنات انه حماتي اتقفت مع حماة زوجي الجديده على انهم يطلقوني ويقعدوا المره الجديده مكاني وكانت نيتهم عاطله من الاول بس على نياتكم ترزقون.
بلا طول سيره هلىء بعد ما خلصت جسمي من الاعمال والسحورات اللي كانت موجوده في رحمي بالخصوص قررت اني اعمل زراعه علشان اكسب الوقت معي لانه مرته حامل وبدها تولد على اول السنه وطبعا عملتها ونجحت باذن رب العالمين لانه جسمي صار نظيف من اي شي واتقبل الرحم الحمل وانا حامل هلىء بتواءم الله يرزق الجميع ولا يحرمهم من بيت حدا يا رب ، وطبعا زوجي فرح كتير وحتى الان مش راضي يحكي قدام اهل وخصوصا امه انه انا حامل خايف من امه تعملي شي يسقطني وحتى الان امه بتحكيله ليش معيشها معك هاي مش راح تخلفلك صرصور كان زوجي يحكيلها وكيف انت متاكده تحكيله انا متاكده انها ما راح تخلف بالمره وانا وياك والزمن عشان هيك زوجي خايف من امه وحماته الجديده يعملوا شي الي ولحملي .

صدقوا يا بنات ما كنت متوقعه انه سبب تاخر حملي اعمال وسحورات كانت معموله الي شخصيا، وهلىء انا كتير بخاف من هيك شغلات وبضل احصن حالي اول باول لانه كنت كتير اتساءل وشو السبب بما انه ما في عندي مشاكل بالمره شو السبب اللي اعاق حملي لهاي الفتره بس الله كبير وما بنسى حد وربنا يمهل ولا يهمل وانا ضل املي في ربي كبير انه راح يجي يوم واصير في ام واكون عيلة بتخصني الحمد لله على كل شيء.

الحمدلله انه تم الحمل وما اصدق في ناس حاقده لهالدرجه ونيتهم سوده الله يكقيج الشر ويثبت اللي في بطنج بس نصيحه لازم حماتج ما تعرف كلش بالخبر لنهايه الحمل والله يرزق كل محروم يا رب

ادعو لي يا بنات اخلص حملي على خير وسلامه وربنا يقر عيني برؤية اولادي بين ايدي قادر يا كريم لاني خايفه كتير عليهم

في بيت أبوي;16413188:
الحمدلله انه تم الحمل وما اصدق في ناس حاقده لهالدرجه ونيتهم سوده الله يكقيج الشر ويثبت اللي في بطنج بس نصيحه لازم حماتج ما تعرف كلش بالخبر لنهايه الحمل والله يرزق كل محروم يا رب

تسلمي يا رب وربي يثبت اللي في بطني حتى موعد ولادتهم واشوف بين ايدي لاني والله اتعذبت كتير وربي عالم بحالي وشو صار معي الحمد لله رب العالمين.

لا حول ولا قوة الا بالله

الله يتمم حملج على خير والف مبروك

والله يعطيج على قد نيتج

ام فارس 11;16413402:
لا حول ولا قوة الا بالله

الله يتمم حملج على خير والف مبروك

والله يعطيج على قد نيتج

مشكوره ام فارس

الله يتمم حملك ع خير وتشوفي اولادك بحضنك عاجل غير آجل ، وما أوصيكي بالصدقة
بس ممكن تفيدينا كيف ومين طلعلك هالاعمال ، لانه ممكن حدا من الصبايا معانا يستفيدوا

beesan;16414004:
الله يتمم حملك ع خير وتشوفي اولادك بحضنك عاجل غير آجل ، وما أوصيكي بالصدقة
بس ممكن تفيدينا كيف ومين طلعلك هالاعمال ، لانه ممكن حدا من الصبايا معانا يستفيدوا

تسلمي اخت بيسان وانا ان شاء الله راح اكتب موضوع يستفيدوا منه الصبايا عشان يتاكدوا من انفسهم اذا كان معمول الهم اشي او لا لانه في اعراض كتيره وبعدها اختفت باذن الله تعالى لما اتخلصت من الاعمال هاي.

الف الفرالف مبروووووووووووك والله يثبت حملك حبيبتي
ويكفيك شر من به شر ..

الف مبروك حبيبتي والله يثبته لك وتقر عينك بشوفتهم
والله يبعد عنك شر حماتك ويرد كيدها في نحرها