ارجو المساعدة

السلام عليكم ورحمة الله وبركاته . ... اشتقتلكم كثير والله ...انتو مثل اخواتي واعز كمان لهيك بدي احكي مشكلتي باختصار ويا ريت تساعدووووني باقرب وقت .... انا بنت عمري 22 سنة مثلي مثل اي بنت ثانية بتحلم يكون الها بيت وعائلة وتستقر وبالاخص انها صانت نفسها وما بعمرها راحت يمين او شمال ع الصراط المستقيم لكن المشكلة مو فيا انا ...بنت حلوة ومتعلمة ومخلصة جامعةومن عيلة محترمة اي حد بيتمنى يرتبط فيها لكن المشكلة باهلي بوالدي بالاخص ...كل ما يتقدملي حد بيرفض مع العلم انه اختي اللي اصغر مني وافق على زواجها وهي يا دوب 18 سنة وزوجها كان لا جمال ولا مال ولا تعليم ولا بيت حتى وهيها الحين عندها اطفال .... حاولت افهم ليش هيك عم يعمل مرة بيتحجج بالبعد مرة انو مو مركن علي تصورو !!!!!!!!!!!!!! اربع سنين بجامعة ساكنة بعيدة عنهم حط ثقته فيني والحين ما عاد يركن علي افتح بيت واستقر فيه اخر مرة تقدملي شب حافظ لكتاب الله عن طريق صاحبة لالي ونزلت مرة هون وحكتولي نصيحة اقبلي وبالفعل تشجعت وعجبتني كل مواصفاته خاصة انه صاحب خلق ودين ووالدي رفض واهان الجماعة كمان بشكل ما بتتقدرو تتصورو حتى ما قبل يجو كضيوف وسكر التلفون بوجههم بالصوت العالي اكثر من مرة... انقهرت كثير وحكيت معه وقلتله انه الشب منيح وصاحب دين بكفي حافظ للقران قالي مستعد اعطيكي لانسان بوووذي كافر ولا اقبل بهاد....والله من يومها وانا عم اتعذب انا ما بدي غير هالانسان لاني متاكدة انه سعادتي معه خاصة انه دلني على حفظ القران كمان عن طريق اخته وقدي استخرت رب العالمين وكل مرة اتعلق بزيادة بهالدرب.... سامحوني طولت عليكم بس من قهري من تصرفات والدي اللي وصلت للاهانة وطول عمره هيك بيتعامل معي واحيانا للضرب ولدرجة يعايرني بالاكل مرات او بشكلي او او او .... وبسب مسبات سوقية بالشارع انا ما بسمعها ... وانا مع العلم بحفظ قران وبعمري ما حكيت مع شب ولا خنت ثقة اهلي ..كله ظلم بظلم الشب عفكرة بده يرجع يتقدملي كمان كم شهر وانا مستعدة ارفض كل الناس لعله وعسى الله يوفقنا سوا رغم تفكير والدي بالرفض عشان البعد بينا وبين اهله مسافة 3 ساعات بالسيارة ما بده يدفع مواصلات وقال عشان الناس ما يصيرو يقولو كيف عرفها واكيد الانترنت اله علاقة..يعني مهتم لحككي الناس ومو مهتم لكلام رب العالمين وسعادة بنته....يعني ولا اشي ..احترت بترجاكم ساعدوني كيف ممكن اقنع والدي بانه يقبل خاصة بعد ما عرفته انه بالعقلية هاي ..حتى الصلاة ما بيأديها ولا بصوم ولا اشي ....من الاخر ما بخاف الله فيني وبكرهني كثير وكأني مو بنته البكر وياما تمنى الموت لالي وما زال ولو انه والدي بحكيها بكل صراحة مو مسامحته...بانتظار نصايحكم حبيباتي ..بحبكن كلكن ...لا تنسوني من دعائكم كمان