جاوبوني.. يزاكم الله خير

هذا الشخص لاتنفعه الاستخارة لأنه لايصلي
وترك الصلاة كفر قال تعالى ( وما منعهم أن تقبل منهم
نفقاتهم إلا أنهم كفروا بالله وبرسوله .. الآية) 54 التوبة



ابــ داحم ــو

مشكور أخوي أبو داحم على الرد.. وجزاك الله خير

طبعا تارك الصلاه كافر وهذه معلومه مش يديدة..

الصراحه انا كنت اشوف الشيء هذا سبب كافي للرفض..

بس اللي خلاني أسأل السؤال .. مره وحده سألت شيخ في اذاعه عن واحد متقدم لها.. وهو ما يصلي أو يصوم.. بس هو من أهلها و أهلها موافقين عليه.. وهي ما تباه لأنها ملتزمه.. قال لها الشيخ توافقين عليه وانتي اللي بتخلينه يصلي وتحاولين معاه لين يصير ملتزم ويخاف ربه و و و .. وطبعا انتي بتاخذين أجر....

الرد هذا خلاني أفكر.. طيب اذا قبلته وتزوجته واّخر شيء ما قدرت تغيره؟؟؟ ترضى بالنصيب؟؟

وشو الصح.. انها ترفضه؟؟

والله احترت.. أعرف ان المراّة المفروض انها تحاول بس الشيء هذا اذا هي تزوجته وعقب عرفت انه ما يصلي.. ولا أنا غلطانه؟؟

واذا هي عرفت في فترة الخطوبه وقبل الملكه .. تتركه؟؟

وايد اسئله أعرف.. بس شو أسوي.. الشيء هذا محيرني وايد.

العنيــــــدة™

نعم ترفض لأن العقد سيكون باطلاً
والدين مقدم على الأعراف وغيرها



ابــ داحم ــو

جزاك الله خير جزاء أخوي.. مشكور وما قصرت



العنيــــــدة™

في كتاب وايد ممتاز عن الاستخاره وفيه كل شئ تبينه

اسم الكتاب هو كشف الستاره عن صلاة الاستخاره

وعلاقتها بالعقيده الصحيحه المختاره

تاليف ابي عمر عبدالله بن محمد الحمادي