بنات / ببكي من شعري - منتديات عروس

g

georgie

عروس نشيطة

19-01-2013 | 10:57 AM

السلام عليكم ورحمة الله تعالى وبركاته

الفزعه الفزعه الفزعه

بنات انا تعرضت لاكتئاب شديد بعد فقدان والدي الله يرحمة شعري تساقط واكتشفت
مع الايام فيه فراغات لها سنين ماراحت غير كذا رحت لعيادة للعناية با الشعر حوالي 3000 الالف ريال خسرتها على ابر الميزو غير الشامبو هات و والحبوب ومااستفدت شي :mad:

سالت اذا كانت ثعلبه ؟! اكدت لي مو ثعلبه بس الغريب اهتم فيهاا مابين شي << جد مضايقتني مرره
صرت انحرج من شعري ومو عارفه كيف اهتم فيه كويس عشان يطلع با المستوى المطلوب

استخدمت حبوب زيت كبد الحوت حسيتهاا زادت وزني واضطريت اتركهاا

بنات تكفوووووووووووووووووووووووووووووووووووووووووووووووووووون
شعري تالف جاف قصير باهت :'(

ج

جوري ناردين

عروس مشاركة

19-01-2013 | 12:30 PM

ان شاء الله البنات بفيدونك

أ

ألماسيه

عروس فضية

19-01-2013 | 12:54 PM

والله قبل قبل كل شئ رحمة الله على والدك و أوسعه فسيح جناته
موضوع الشعر طالمه أنك رحتي للعياده حاولي تروحي مكان تاني أو عياده تانيه معليش يمكن أنتي الحين نفسيتك مكتأبه و ماعندك أمل في العلاج لكن حاولي مره تانيه عل الله يبعتلك الشفاء
و أنصحك بقراءة القران في زيت الزيتون و دهن شعرك به بعد قول بسم الله الشافي المعافي
و واضبي على الإستغفار حتى فوق الألف مره في اليوم على نية علاج شعرك
هذا يلي اقدر اقدمه و ارجو لكي السعاده و الرضى في حياتك

ز

زينةالمنتدى

عروس جديدة

19-01-2013 | 09:50 PM

الله يغفر لابوووكي ويرحمو ويجعل عظامه بالجننننننننننننه
انا كان شعري ما كان يتساقط الله وكيلك كان يطيح كنت امسك الشعره يدي وتطيح وتتكسر
استخدمت زيت عافيه مع الحلبه وعرضته للشمس 10 ايام صراحه وبدون مبالغه وقف التسساقط بس لازم 3 مرات اسبوعيا
وفي خلطه الاخت غنوه الكل يمدحها بس ما جربتها يقولو تخلي الشعر باروكه
ولو ماتبي شعرك يتساطه وانتي تتحميه جيبيه كله على وجهك وحطي الشامبو من ورا وافركيه بشويش وانتي تمشي لا تستخدمي مشط استخدمي فرشاه
وبعد الاستحمام بالماء الدافئ اغسلي راسك بماي بارد بس مو مرره بارده يعني شوي لجل تتسسكر مسامات الشعر وما يتساقط

ا

انفاسـﮱگ دخـﮱون

عروس ماسية

19-01-2013 | 11:19 PM

استخدمي حبوب من شركه جي ان سي حبوب بيوتيين وفيه عندهم حبوب تجي بكرتونه بصراحه انا استخدمتها وماتفتح الشهيه وفيه حبوب اسمها Priorin N بس شويه غالييه
ثاني شي انتبهي لنوعييه الاكل اللي تاكليينه اشربي ماي واييد
سوي لج عصيرات طبيعيه خاصه عصير الجزر اعصريه بنفسج مع برتقال وشاي الزنجبييل وشاي البانونج اكلي السبانخ والجرجيير الاشياء الخضره زي البقدونس والكزبره والبروكلي والبيض
والحليب مع التمر ابتعدي عن الاكل الدسسم اللي فيه زيوت وسكريات وكثري من الفواكه قد ماتقدررين ومن السممممممممج
غيري نوعيه الشامبو اللي تستخدممينها لانه المعروف اذا تعود الشعر علىى توعيه معينه من الشامبوهات ماتاثر فيه استخدمي شامبو فيشي الاحمر للتساقط ومعاه الانبولات سعرهم الاثنيين يقارب 170 تحصليينه بالصيدليات
شعرج لا تغسلينه واييد يكفي 4 مرات بالاسبوع والماي يكون فاتر لان الساخن يضره ولا ييتي تغسلين شعرج خففيه بماي فاتر ولا شطفتيه خلي عندج غرشه ماي معدنيه اضيف لها ملعقه عسل وعصير نص برتقال تعطي لمعان وحيويه للشعر
حمام زيت فاتيكا سويه مرتتين بالاسبوع انصحج باللي غطاه بنفسجي والثاني عندهم بالحبه السودا جربت انواع ومامشى معاي الا فاتييكا
سوي لج منقوع الزعتر اللي اهو الاوريغانو اغلييه وخليه يبرد وحطيه لج بالثلاجه ولا تتحمتي بالشطفه الاخيره شطفي شعرج فيه بس ماترجعي تغسلينه
لا مشطتي شعرج لا تمشطينه وهو مبلول وياليت تخفين من الاستشوار ودلكيه التدلييك مفييد للشعر ركزي ع التدليييك ولو لاحظتي الهنديات كله يسوون مسجات بشعورهم خاصه الفروه لانها اكثر منطقه بعيده عن القلب ودلكيه من تحت راسج باطراف الاصابع وبحركه دائرريه
مشطي بمشط خشبي واسع وفرشاه خشبيه تلقينهم بودي شوب اقسميه لنصين وابدي مشطيه من تحت لفوق وبعدين شعرج اللي ورا جيبيه قدام وانتي منزله راسج لللارض يساعد ع تحرييك الدوره اليومييه ومشطيه قبل النوم
سوي لج اسبوعيا ماسك حليب وعسل
او ماسك الحبه السودا المطحونه مع عسسل وزيت السمسم تخلطينهم وتوزعينه على شعرج وتلفينه بفوطه دافيه وعقب تغسلينه
في شي واييد حلو بتقوليين ريحته وع بس بيفيدج الثووم حبيتي سمعتها من الدكتوره خذي لج فص افتحيه من الوسسط وافركي فيه فروه راسج لين تحسين انه حرج وحطي عليه اي زيت يناسبج
وفييه شي انا دوم اسويه يخلي الشعر حلو القهوه اغلي قهوه بدون اي اضافات بس ماي تركيها تبرد وصغفيها واضيف لها ملعقه كبيره عسل واستخدمينه بالشطفه الاخييره ولا تغسلينه خليه جذيه يعطييج حيويه ولمعان
شعرج بين كل 45 يوم قصي اطرافه وتصدقي عنه وعندج ايضا بخاخ لوقف التساقط بالصيدليه اسالي عنه ناسيه اسمه والله

g

georgie

عروس نشيطة

20-01-2013 | 10:37 AM

جوري ناردين/ شـــاكرة مــــرورك أختـــي

g

georgie

عروس نشيطة

20-01-2013 | 10:39 AM

om huss / الله يعطيك الف عافيه ويسعدك في الدنيا والاخرة ساخذ نصائحك بعين الاعتبار .. شكررا

g

georgie

عروس نشيطة

20-01-2013 | 10:44 AM

زينةالمنتدى / الله يسعدك كثير مدحو في زيت عافيه بس ماجربته الله يجزاك كل خير

g

georgie

عروس نشيطة

20-01-2013 | 11:18 AM

انفاسـﮱگ دخـﮱون / الله يسعدك دنيا واخره نبهتيني عن شغلات ماكنت منتبهه لها الله يوفقك لما يحبة ويرضاه ممتنه لك

ش

شوق العسل

عروس جديدة

23-02-2013 | 05:57 AM

اه ياشعورنا بس بكيتيني معك فراغات مفزعه عندي الله يشافينا يارب ويرجعلنا شعورنا بصحه وعافيه

م

مغتربة سدني

مشرفة سابقة

23-02-2013 | 09:23 AM

زيت فاتيكا بالصبار والثوم والجرجير

استخدميه 3 مرات في الاسبوع اقل شي تخليه ساعة في شعرك و غطي شعرك بالشور كاب