العلاج النفسي..... رايكم فيه؟؟

السلام عليكم ورحمة الله وبركاته

أختي العذراء76

ولو اني لم اقرأ مشكلة صديقتك لكني انصحك وبكل شده انك ما تقترحي عليها هذا الاقتراح

ففي القرآن والدعاء والاذكار اكبر علاج نفساني

صدقيني الدكاتره النفسيين ماوراهم الا عوار الراس والحبوب اللي ما وراها اول ولا آخر :down:

تحياتي لكي ولصديقتك وان شاء الله يفرج عنها عما قريب

السلام عليكم ..

تسلمين الغالية!!

والنعم بالله... بالعكس أنا أشجعها وهي ماشاءاله مب مقصرة!! تدعي ربها الليل والنهار...

والله يسمع منج ويفرج همها وهموم الجميع يارب العالمين!!

بس في دكاترة مايعطون حبوب... يعني أنا فكرت يمكن تكون طريقة زينة إنها تنسى...

تعرفين كلامهم في خبرة ونصايحهم منها فايدة...

لأنها لما تطلب مني النصيحة أحس ماأعرف شو أقوللها...

أطلب منها تنساه تقول ماأقدر... ماأعرف أنا احترت معاها!!

بس تسلمين يانورة وربي يجزيج خير يارب....

بس الدكاتره بيذكرونها بالسالفه من اول ويديد ... يعني بيتعبونها نفسيا زياده ...

انا اعرف وحده ودوها اهلها عند الطبيب النفسي .. ولما عطوها الدوا خذته كله مره وحده يعني 60 حبه في وقت واحد ... .. شبه منتحره .. بس الله عطاها عمر ثاني .. بعد ما كانو اهلها يشهدون عليها في العنايه المركزه ..

اللهم اني اسألك العفو والعافيه والصحة الدائمه ..

الله يرزقها بالرجل الصالح .. يحبها وتحبه .. ويكونون على قلب واحد يا:shy:رب

مشكورة ياغاية والله إني خفت!!

شو 60 حبة ها قمة الانتحار!!

لا حول ولا قوة إلا بالله!!

الله الغني!!

ويارب الله يستجيب دعوتج إلها والله كريم!!

انا أشوف انه ما فيها شي إن الواحد يسير عند طبيب نفساني

ماأدري ليش الناس ينظرون نظرة غريبة للإطبة النفسانيين أو للي يتعالج عنهم .. المرض النفسي مثله مثل الأمراض الثانية يحتاج علاج .. ومو شرط بالأدوية ..

أنا بصراحة مريت في حياتي بظروف صعبة وكنت أصلي دوم واذكر ربي بس بعد كنت محتاجة لحد يسمعني ولحد يبين لي انا شو وشو أسوي ..وووووو

وسرت عند أخصائي نفسي والحمد لله رب العالمين وايد ارتحت..يكفي ان الواحد يقدر يفضفض ويطلع كل اللي في داخله وهو حاس بالأمان ان اللي يخبره مستحيل يخبر حد أو انه يشمت فيه أو أي شي ثاني..
والحمد لله ما عطاني أي دوا ولا أي خرابيط..

نصيحتي لصديقتج انها تسير عند طبيب نفساني يكون تمام، والله يبعد عنها وعنكم كلكم الهموم والاحزان
آآآآآآآآآآآآآآآآآمين..

العلاج عندي

تقوم آخر الليل وتصلي

لأن صلاة آخر الليل تبعث في النفس الطمئنينه

والراحة

بعدين دكتور نفسي ماينفع

لأن دكاترة النفس اغلبهم مرضى هم انفسهم

ماهم قادرين يعالجوا انفسهم بيعالجووو الناس

ما تصير

لكن تصلي آخر الليل

وتدعي ربها

لأن الله ينزل إلى السماء الدنيا ويقول هل من داعي

يدعيني فأستجيب له

هذا والله ولي التوفيق

بعدين انصحيها إنها تبدأ في حياتها صفحه جديده

يعني كل شي راح ترمي ورى ظهرها

هذا بعد الصلاة

تحياتي

الـســــــــــاهــــــــر

سلام عليكم
انا راي من راي الاخ الساهر وفوق هذا تحاول تشغل وقتها وتختلط بالناس وتجلس مع اهلها دوم لا تجلس وحدها وشوي شوي ان شاء الله بترتاح

أنا أشوف أنها ممكن تعالج نفسها بذكر الله بالصلاة والقرآن (ألا بذكر الله تطمئن القلوب) وتحاول تنسي نفسها بإختلاطها مع الناس وتشغل نفسها بأمور آخرى وفي نفس الوقت إذا إضطرت أن تراجع دكتور نفساني فاليش لأ..ترا هالدكتور ممكن يدلها على الطريقة الصحيحة لتخلص من هالوهم إللي هي عايشته..
في الاخير: طبعا أكيد الشافي هو الله - سبحانه وتعالى- و هالدكتور ممكن يكون مجرد سبب من الله عشان يخلصها من اللي فيها...


تحياااتي..

قطرة_ومطر:shy:

أقوول حبيت أضيف شي..أنا توني ذكرت دعاء عجييب سبحان الله وإللي جربوه يشهدون بهالشي وأنا وحدة منهم..وإن شاء الله لاجربته ما بتضطر تراجع حد بس خليها تردد هالدعاء من قلبها...المهم ما بطول عليج وإليكي
الدعاء:

عن أبي الحسن الشاذلي:
قال -رضي الله عنه- بت ليلة في غم عظيم فألهمت أن أقول:

" إلهي مننت على بالايمان والمحبة والطاعة والتوحيد وأحاطت بس الغفلة والشهوة والمعصية, وطرحتني النفس في بحر الهوى فهي مظلمة وعبدك محزون مهموم مغموم قد إلتقمه نون الهوى وهو يناديك نداء المحبوب المعصوم نبيك وعبدك يونس بن متى ويقول: (لا إله إلا أنت سبحانك إني كنت من الضالمين) فإستجب لي كما إستجبت له وأيدني بالمحبة في محل التفريد والوحدة, وأنبت على أشجار اللطف والحنان, فإنك أنت الله الملك المنان, وليس لي إلا أنت وحدك لا شريك لك, ولست بمخلف وعدك لمن آمن بك, إذ قلت وقولك الحق (فإستجبنا له وأنجيناه من الغم وكذلك ننجي المؤمنين) ".



تحياااتي..

قطرة_مطر:shy:

أول شئ أود أن أشكركم على نصايحكم وآرآكم

والله ماشاءالله عليكم ماقصرتوا!!

أختي s2s2s ودي لو تقولين لي عن الدكتور النفسي إللي رحتيله... لأني أنا ماأعرف أي واحد أقترح عليها!!

وللأعضاء الباقين!! والنعم بالله والله إنها تصلي مثل ما قلت ياأخي الساهر هي تصلي الليل والحاجة والاستخارة!! بس تعرف بعدها مصدومة وماعندها حد تكلمه غيري!! وأكيد هي تعرف إني مش دايماً متفرغة إني أسمعها أو الأصح إنها يمكن مش مستفيدة وايد من نصايحي....

مثل ما قلت أنا ماعندي غير كلمة إنسيه بس هي تقول إنتي ماتعرفين إحساسي؟؟ بعدها المسكينه عايشه وهم إنه يرجع لها...

وعشان هالسبب أنا فكرت بالطبيب النفسي...

وأشكركم مره ثاني وجزاكم الله خير...

مشكورة الغالية قطرة_مطر

وجعله في ميزان حسناتك يارب!! وإنشاءالله كلنا بندعي بها الدعاء!!!

تسلمين!!

عزيزتي
قولي حق صديقتج ان مهما الدنيا دارت الله بياخذلها حقها من الي ظلمها ولو كان بعد سنين
صدقيني كلام نابع من تجربة
بس مثل ماقالوا الاخوات اهم شي تتقرب من ربها بنية صادقة وتوبة وتحسن الظن بالله
ولازم تتاكد ان الظلم ظلمات يوم القيامة
وانتي ادعيلها وادعيلنا ان تمر الايام ونضحك على هالماضي
لان دعوة المسلم لاخيه في الغيب مستجابة
تحياتي
ريف

أختي مافيها شي تروح دكتور نفساني
بس اهم شي انها تلجا الى الله بالدعاء انه يريح بالها ويعوضه خيرا
انا ماقريت قصته بس مافيها شي تروح طبيب نفساني يمكن من الله فرج

تشوف طبيب نفسي أفضل إلها وتتوكل على الله

:eek2:

العذراء76
الله يسلمج من كل الشر إن شاء الله..وحاضرين :smile:


تحياااتي..

قطرة_مطر:shy: