صمت الوداع

السلام عليكم ورحمة الله وبركاته

هلا...هاي اول مشاركه لي في هذا المنتدي الرائع...واتمنى تنال اعجابكم...صمت الوداع

فارقت من لا كان ودي أفارقه

عقب الصلاة وتوها الشمس شارقه


الفجر يوم الناس تسعى لرزقها

أنا عيوني بازرق الدمع غارقه


يبكي وانا أبكي يوم وقفت أودعه

والكل منّا يذرف دموعٍ حارقه


سلمت ويديني باياديه ترتجف

وايديه بيديني من الخوف عارقه


واقفا وانا أقفيت والصمت حيلتي

عز الكلام ودمعة الياس فارقه


حسيت كن القاع حدري تزلزلت

يوم إلتفت لي واستهلت غوارقه


سرقت من دنياه لذات دنيتي

برضاي سارقني وبرضاه سارقه


همي وهوجاسي وحبي وغيرتي

للي بوسط القلب ناصبٍ بيارقه


رجعت للمطلاع حزينٍ ملتجي

والقلب مني طارق الهم طارقه


ضلعٍ ورا المطلاع شوفه يريحني

عسى المطر يسقيه لا لاح بارقه


كتبت في عاليه حرفي وحرفها

ورسمت قلب الحب والسهم خارقه


ذكرى غرامٍ مات من قبل ينولد

بفراق من لا كان ودي أفارقه

والسموحه...اذا طولت عليكم....واتمنى اسمعك رايكم في القصيده...على فكره ترى هاي القصيده منقوله...:shy: