كل وحدة اتقولنا عن اغرب عرس راحت لة

أنا مره رحت عرس وحده من ربعاتى والصرااااحه كانت وايد متشجعه علشان تتطلع للمعازيم ولكن يوم طلعت البنت أستوا ويها أصفر وصدرها يطلع وينزل من كثر ما تأخذ أكسجين وتريد أتصيح وأنا من شكلها خفت أنه يغمى عليها وخواتها قاعدين يهدووون فيها لين ما ركبت الكوشه وعدى هذا اليوم على خير :D2:D2:D2


ومره رحنا عرس ويوم يت زفة العروس دخلت العروووس وهيه تمشى بتكبر وتضحك وتلوح للمعازيم وفرحانه ويوم وصلت الكوشه طلبت كوب ماء وقعدت تشرب والناس يضحكوووون ولكن بعد 10 دقائق دخلت العروس الحقيقيه والصرااااحه كان موقف خطير.


:D2:D2:D2:D2:D2

:D2:D2:D2:D2:D2دخلت العروس الحقيقيه والصرااااحه كان موقف خطير

كانة برنامج صادواة :D2:D2

مواقف غريبة :eek2:

سلام عليكم ..
مرحبا خواتي شلونكم ..
انا ما احضر اعراس وايد اللهم اعراس الاهل بس ...
ذكرتوني بعرس كنت رايحته .. لما اقعدوا المعرس والعروس عند الكوشه يات ام المعرس عشان تقط البيزات والحلاوه على راس المعرس والعروس ... اليهالوه اركضوا لهم .. ما سمعنا الا ضحك .. ليش ان ياهل من اليهال الله يهداه دش داخل فستان العروس واهيه انحرجت والمعرس ميت ضحك عليها :D2...
ومره من المرات .. كنا رايحين عرس اخت المعرس تهاوشت مع اللي تصير للعروس اظن كانت اللي تصير للعروس تعلق على فستانها انه وايد عاري .. فقامت البنت اخت المعرس المينونه شقت فستانها كله وطلعت لها ملابسها الداخليه .. :down::down: صحيح قليلة ادب ...

مواقف تضحك والله لا يبلانا .. واتمنى يعدي زواجي باحسن ما يكون ..
في أمان الله

تخيلو عروس كل عرسها مرتب ويجنن ولما يجي وقت دخلة المعرس تقوم امه تقول اخاف على ولدي من العين وتتفاجأ العروس بعمامها وخوانها داشين بدون المعرس لكن مشت الموضوع عشان المعازيم مايحسون
وقومي انتي يا ام المعرس قولي للمعازيم يطلعون للعشا عشان تدخل المعرس من الباب اللي من خلف الكوشة وام العروس فقيرة ساكتة
واللي زاد وغطى اخت المعرس اللي لماتشوف وحدة قامت ترقص تنزلها وتقولها بلاش رقص خليع وتهاوشت مع اللي تطق وتقولها انها حاطة موسيقى خفيفة مع ان العروس يابت لهم فرقة بدون موسيقى وللي تطق يحليلها استحملت عشان خاطر العروس انتو لو كنتو مكان العروس ايش بتسوون
على فكرة العروس هذي انا
بس فديته ريلي دخل غصبا عنهم وخذني وطلعنا نصور في الغرفةوبنات خالتي كملو رقص وانبسطو وايد بعد ماراحت اخته الملقوفة
وامي المسكينة ولا نطقت مع ان اخت المعرس وامه متدينات بس ماتوقعتهم جذي
الحمد لله على كل حال بس تصدقون ان زوجي لين الحين مكسور خاطره من اللي سووه على العلم بان طا ف على عرسي 7شهورطولت اسمحو لي بس من القهر
:down::down::down::down:

من صدقكم بنات
فيه مواقف زي كذا
كله كوم واللي تزوج الرقاصه كوم صدق مو صاحي محد غصبه

الحلوه
ماعليه تيك ات إيزي
دايم يصير عندنا مواقف كذا ناس يحبون يخربون حتى لو كان العرس عرسهم
:smile:

:D2:D2:D2:D2:D2

بمووووت من الضحك

فعلا مواقف تضحك ووايد قصص غريبة

كل هذا يصير في الاعراس

:D2:D2:D2:D2

al7elwa80
اللة يوفقج ان شا اللة

والله شي صعب :smile: بالعكس لازم يخافون على العروس مش المعرس:smile::smile::smile:ذكريات

الحمد لله على كل حال بس اللي قريته اصعب بوايد من موقفي انا والحمد لله زوجي معاي ولو انه امه بروحها اللي كانت تحن على امي تبيني له بس يوم العرس ما ادري ايش صار فيها
وانا قلبي مب اسود بس والله انكسر خاطري على زوجي اكثر من نفسي لانها وايد متحكمة فيهم لكن الحين الحمدلله كأني طلعته من جهنم

:D2:D2:D2:D2:D2:D2

تحياتي للجميع

أنا رحت عرس الصراحة ما شفت ولا بشوف مثله بحياتي
الزفة صوت صياح وعويل
البنات اللي بالزفة كلهم لابسين أسود في أسود
وبعدين دخلوا 6 نسوان شايلين تابوت وحطوه فوق مسرح الكوشة واحنا ولا ندري شالسالفة
وصراخ ونياح وصياح وعويل (الصراحة خفنا)
وبعدين طفوا الليتات وخلوا ضوء على المسرح طلع المعرس من ورا وفتح التابوت وطلع العروس منه
بدت أغنية الزفة والزغاريد والرقص

صراحة أغرب عرس شفته بحياتي

ولا أنصح الخوات انه يفكرون يسوونه

وتحياتي

gazala:D2:D2:D2عرس ولا عزا شو افكار غبية والله

gazala
من صجج ؟ ذكروني بمسلسل بافي :D2
الحمدلله و الشكر في احد يسوي بعرسه جذي :s2

سوالفكم وااااااااااايد حلووووووووة :up:

ما تنمل :smile:

أختي مره رايحه عرس وحده من صديقاتها وهي كانت
متملكة على زوجها ثلاث سنين اوكي وبيوم العرس
صار كل شي عادي دخلت وقعدت على الكوشة ودخل المعرس
وقعد جنبها خمس دقايق بسسسسسس وبعدين من غير
لا يقول حق احد مسك ايد العروس وطلع فيها بره هههههههه :D2
اللهم لا شماته والطقاقة والمعازيم كلهم مستغربين من تصرفه
لان الطقاقة كانت تغني وخواته يرقصون استغربوا اللي بالصاله
كلهم ولما ركبت السيارة لاحظت العروس ان تصرفاته غريبة يعني يضحك من غير
سبب ويتكلم بطريقة غريبة واكتشفت انه مريض عقلي :confused: :s2
الله لا يبلانا وتطلقت منه بعد ثلاثة ايام .. :confused:

الله يوفقكم يارب ويهنيكم ويبعدكم عن المشاكل ان شاالله

تحياتي
قمراااء

سوالفكم حلوة :D2:D2:D2

ياهلاومرحبا...

ذكرتوني بيوم عرســـي والله حالة...
كان يوووووم ...بس كان حلو مررررررة...
رتبناه انا وزوجي ...

اول شئ قبل العرس تخيلو من الي وداني الصالون...زوجي كنت طبعا مغطية وجهى ...وحنا اصلا كنا مملوكين من شهرين...المهم هو اصر انه هو يوصلني الصالون ويجيبني..

هونزلني الصالون وراح هو صالون رجالي....
وبعد تقريبا ساعتين رجع كنت خلاص مخلصة... وانا كنت طالبة منه يلبس بدلة كتغييير ...!!!!!!:smile:

وكان طالع قمر ماشاء الله عليه..بس الوقت كان بدري الساعة..ثمانية.

تمينا نلف بالشوارع بروحنا والسيارة مزينة...وكل من يمر يزمر وفي ناس من الشارع تمو يزفونا خخخخ ويزمروا...

لحد مااتصلت اختي وقالت يالله تعالوا...


وبعدين احنا دخلنا سوى على اغنية (تايتنك)...ايدي بيده..
وكان المنظر رمنسي مرررة وخاصة انه كان فيه سلالم..علشان نطلع الكوشة....فهو طلع قبلي ومسك يدي علشان اطلع ومااطيح
ياحليله زوجي ...جنتل!!!:o

بس الي قاهرني شلة بنات قامو يضحكوا...ويعلقوا مع ان كل شئ كان حلو ومميز...
بس انا ماعبرتهم ...وطنش ولا سويت حركة مرة ماتو قهر اني عدلت كرافة زوجي شوي...حركااات!!!!:shy:



وبعد ما راحو المعازيم وضلوا الاهل بس قام زوجي ومسك يدي وقمنا نرقص والاهل يصفقوا ...وبعدين زفوناللسيارة ...ولا هما مستعدين....يزفونا بالسيارات بس احنا شردنا عنهم وهما يلحقونا...حشى مب عرس فلم اجنبي..وانا اضحك واقوله يامينون...بتبات بالتخشيبة..!!:eek2:

المهم احنا كنا مسلمين على اهلنا قبل ما نطلع من القاعة..
واحنا ما رحنا شقتنا ...رحنا غرفة في فندق يدوبك بدلت انا وطيران على المطار...طيارتنا كانت ...كانت الساعة ثلاثة الفجر...وسافرنا الى تركيا بس نزلنا يوم وليلة بالاردن..!!!

وهنا الاهل لما ما حصلونا راحوا الشقة وشافوا علي الباب ورقة...مكتوب عليها...احنا..بالداخل..
ولما دخلوا حاطين على السرير صورتي وصورته مال الملكة...
ورسالة ...ذكرنا فيها اننا على متن الطيارة الحين ..واسفين لاننا رحنا بدون مانقولكم...وبعدين ذكرنا لهم اسم الفندق ورقم الغرفة علشان يجيبوا منه فستان العرس...:D2


وطبعا ثاني يوم كلمناهم...وامي تظحك وتقول تسونها يا مجانين كنت حاسة...:D2:D2




المهم مرعلى زواجنا ثلاث سنوات ويوم الخميس هذا ذكرى زواجنا
ومتفقين مانشوف بعض من يوم السبت لاننا يوم الخميس الصبح بنطلع ..الى منطقة سياحية ونبات في فندق ...



وادعولى الله يوفقني ويخليلي زوجي وولدي قولوا امييين:smile:

(رد قلبي) قصتج يـنان :D2ما شاء الله


الصراحه بنات القصص فعلن شي من الخيال هههههههههههههه:eek2:

:D2:D2:D2:D2:D2

الله لا يغير عليكم يا رد قلبي ان شالله نرجع لموضوعنا اما انا عندي مواقف كثيرة

في مرة رحت عرس كانت ام المعرس عاجبتها اخت العروس بس كانت مخطوبة عشان جذي خطبت اختها المهم كانت قايلة لهم انهي معجبة في الاخت و الاخت متشققة من الفرح لان عمة اختها معجبة فيها المهم يوم العرس جات العروس وكل شي وكل مفتقد الاخت للحين ما يت وبعد شوي الا تدخل الاخت الا هي لابسة فستان خطوبة وحاطة لها مكياج عرايس وتسريحة عرايس وصايرة احلى من اختهاوكان موقف بايخ لان الكل قام اقارن بين العروس واختها وان الاخت احلى من العروس<<ما حبيتها الاخت من الموقف:down::down:


موقف ثاني
كان يوم حنا رفيقتي و الكوافيرة اتاخرت ويت الحناية وقالت ما اقدر اتاخر وتصورو طلعت صديقتي تتحنا قدام الناس من غير ما تتعدل وهي شعرها جاعد وماحطت لها مكياج والحضور متعدلين اكثر منها وكان موقف محرج الصراحة:confused::confused:

والبقية تأتي في وقت لاحق:smile:

:shy:
مرت سرت على حفلة خطوبة والا اشوف العروس تدور في الصالة وتسلم علي رفيقاتها والقهر حامله موبايل وبطاقة مدفوعهة الاجر والمعرس جالس على الكوشة يترياها هههههههههههههههههههههههه
هههههههههههههههههههه صدق مسكين؟؟؟؟؟؟؟؟؟؟؟؟؟؟؟
:D2:D2:D2

والله المواقف تموت من الضحك


بقولكم عن المواقف إللي أذكرها


بعرس بنت أخوي تقريبا سنة 99 طيروا حمام ووقفت حمامه على طرحتها وقامت تصارخ




ومره رحت عرس كانت حركة وايد حلوه كانت أغنية حبيبة قلبي لعبدالله رويشد دخلت العروس ولما دخل المعرس طلعوها من الصالة وبعد ما وصل الكوشة دور عليها ومالقاها شوي جان تدخل من باب ثاني على أغنية عبدالله رويشد
حبيبة قلبي وشلونج

:D2:D2:D2:D2:D2:D2