صديقتي وزوجها ومواقع الزواج

صح والله نسيت اقولكم ..

زوجي مسافر قمت اتصلت عليه .. خفت لايكون متزوج علي
وقلت له عطني امك اكلمها وكلمتها
وعشان اتأكد اكثثثثثر .. قلت له عطني اكلم خالتك ههههههههههه

والله لما قالت لي شكيت فيه وجلست أزن يا انه يرجع او انا اروح له
الرجال مامنهم أمان إلا من رحم ربي

١- ان تكون متزينه وعلي سنقه ١٠ طول اليوم ليس رادع للزوج ان يفكر بإمرإه غيرها . . افهموا يا بنات ان الرجل ليس جسد فقط . . ارضي نفسك وحبيها واحترميها وعيشي ملكه حتى هو يحس بهالشي ويعاملك مثل ما تعاملي نفسك . .
٢- وليش تدعين علي زوجها .. مهما كان لا تتدخلين بقوه خصوصاً بهالمواضيع . . هذه امور شخصيه وفي اشياء انتي ما تعرفينها بعلاقتهم فما تقدرين تتدخلين ولا تنصحينها . . هي الي تعرف زوجها وتعرف مفاتيحه وشخصيته
٣- ليس كل رجل يدخل مواقع الزواج ينوي الزواج . .
٤- المصارحه بهذه الحاله معناها ان اتجسس عليك . . انا لا اثق بك .. انت عاري جداً امامي وصغير ..... لا يوجد رجل بالعالم سيتقبل هذا الآمر فلتنتبه
٥- يجب عليها ان تبحث عن ثغرات بحياتها وما ينقص حياتها لتسترجع زوجها ، ساعديها بذلك بدلاً من افتراض حاله الانفصال . . او حصر الزوج بالزاويه

اممممممم .. انا ماقلت لها انفصلي عنه
قلت لها لو انفصلتوا !!!

قالت انها تحبه وبتظل تدعي له

وانا ماجيتها هي اللي جتني .. وقلت لها لا تدققين
لأن لو ماكان مسجل بموقع زواج بتلاقيه في مكان ثاني .. بلرينقو
هوز هير .. بي بي

او مواقع الشاتات ..

ولما كنت بدعي عليه .. من حرقة قلبي
وكنت بتحسب عليه حطت يدها ع فمي وقالت لي لو دعيتي عليه مابي صداقتك

هذي صديقة الطفولةة وزوجها صديق زوجي
هذا اللي خلاني الحيييين اتصل عليه واسأله متى بيرجع او انا بروح له ...

وانا اللي مستغربه منه ..

زوجها ليش مايبغاها تحمل !!
انا تزوجت بعدها وحملت .. واجهضت لما كنت بالسادس

والحين بس ارتاح شوي وافكر احمل ان شاء الله

هي تقول يمكن يبغى يخلص من الديون اللي عليه

هي ادرى بزوجها
الله يهدي سرهم .. ويرده لها

يا أختى ليس كل الرجال يحبون الاطفال رجال كثر يحبون الدلال الذى يعيشون فيه فى حالة عدم إنشغال الزوجة بالأطفال ويخافون من التغيير الذى يطرأ على حياتهم بعد إنجاب الأطفال ولهم كل الحق فالمرأة غصب عنها وليس بإرادتها تتخلى عن أمور كثيرة كانت تفعلها قبل الحمل والإنجاب لعدم توفر الوقت أو الجهد لفعلها وإن ضغطت على نفسها لادائها تصاب بالضغط العصبى الشديد والإنفعال الشديد لذا إياكى من أن تكبرى فى رأسها فكرة الإنجاب أتركيهما لحالهما يتخذان قرارهما عندما يشعران بإستعدادهما الكامل لهذه الخطوة المهمة فى حياتهما
وبالنسبة لمواقع الزواج كما قالت إينانا هناك رجال كثر يدخلون هناك فقط من باب الفضول والإستكشاف صحيح هى خطوة خطرة لأن فى أحيان كثيرة يتحول الفضول إلى نتائج لا تحمد عقباها ولكن ليس الحل بالمصارحة أو البكاء

بل بالبحث عن الثغرة الباقية التى سمحت له بالخروج من عشها أو حتى التطرق بنظره وفضوله بعيدا عنها وأيضا قد ينفع أن تحكى له عن قصة من مخيلتها عن مشكلة لزوجة على النت اكتشفت بالصدفة أن زوجها يدخل مواقع الزواج وكيف أن هذا دمر نفسيتها كثيرا وتستغل الفرصة لكى تخبره بموقفها لو وضعت فى موقف مشابه وكيف أن زوجها سيسقط من نظرها بفعله هذا وأن حياتهما ستدمر وسعادتهما ستتلاشى لأنه هو من بدأ بمعول الهدم فى النقر فى جدار سعادتهما

وأن هذا تصرف طائش من زوج المفترض فيه أن يكون مسئولا على قدر كبير من المسئولية
وفى نفس اللحظة تخبره أنها ترى أنها إستحالة أن تمر بنفس الموقف لأن زوجها يختلف عن اغلب الرجال وانها تثق فيه كثيرا وفى رجاحة عقله وأنه إن وجد أن هناك ما يفتقده بشدة فى زوجته فإنه سيحاول أولا مساعدتها فى تنميته والبحث عنه وإيجاده لكى يدوم هذا البيت الذى تعبا فى تأسيسه وإرساء قواعد سعادته وإستقراره فهى بهذا تضعه فى مأزق بينه وبين ضميره ورغبته فى أن يكون فارس أحلام تلك المرأة وأن يكون عند حسن ظنها وثقتها فيه

ونصيحة أخرى لا تحاول البحث مرة أخرى خلفه

صدقينى التجسس على الأزواج لا يأتى إلا بكل شر وقلق ودمار للإستقرار

أسأل الله ان يصلح لنا أزواجنا جميعا

اختكما فى الله أم سلمى

عندي سؤال كيف جاء ع بالها انها بتحصل زوجها في موقع زواج ؟؟؟؟؟
اكيد ماعملت هالشي والا وهي متيقنه انه بيتزوج
شوفي اختي والله العظيم الرجال حتى لو فوقهم ديون ع عدد شعر راسهم وانهم يريدو
يتزوجو هيتزوجو حتى لو زيدو في الديون
بخبرك عن حالات الى اعرفها
صديقتي دائما تحصل زوجها في النت وماكانت تشك فيه وشوفي سبحان الله جاه اتصال طاريء وقام ونسى مايمحي
السجل عنده في النت ع المواقع الى يدخل فيها
دخلت هي وحصلت انه داخل في موقع حق الزواج ومشارك فيه وغير مواقع الشات تخيلي حصلت بياناته
كاتب في ملفه انه متزوج وانه ماعندهم اطفال وانه ظروفه ماديه صعبه ويريد يتزوج ع وحده تقدر ظروفه والخ والخ والخ
يعني بالله ايش اريكم في هالشي ؟؟؟ ماتحملت هي وع طول كلمته لما جاء وقال لها في البدايه دخلت اتسلى ومعرف شو
وفي النهايه اعترف انه يريد يتزوج ولعلمكم اقسم بالله انهم عايشين في شقه وبالايجار وكمان فوق راسه ديوووون
وكان ببدايه زواجهم يقول لها ماريدك تحملي حتى يخلص من الديون وهي فجاه بعدها بكم سنوات تقريبا 6 سنوات
مرضت وطلع حاجه في رحمها وانه ماتقدر تحمل الا بطوووووووول العلاجات والمتابعات وقد يجلسو سنوات حتى تتعالج
وشوفو الحين عرف ينطنط عليها ويقول لها انه بكل جراه يريد يتزوج علشان اولااااااااااااااااااااد شفتو كيف قهرررررر
اصلا هو عارف محد بيرضى فيه وهو كله فوقه ديووون وكمان لابيت خاص له ولاشي الا ساكنين في الايجار علشان كذا دخل مواقع الزواج لانه كثير منهن وانواع الى موظفه وماتريد الزوج يصرف عليها بس تريد الستر والى تريد تعيش وتتستر مع شخص حتى لو ماعنده كسره خبز
لهذا

انصح صديقتك انها ماتواجهه لانها اذا واجهاته هيعصب الاول تناقشه في الحمل وتقول انها تريد تحملللللل
واذا رفض وقال دين مادين هذاك الوقت تقول له كيف ديون وكل طفل يجاب رزقه
واذا بعده يعاند وشافت راسه يابس تكست منه وتخليه
بس تراقبه من بعيد لبعيد في المواقع الزواج وخليها تشارك هي وتدخل عليه ع اساس انها وحده مشاركه
وخليها تدردش معاه وتعرف ايش تحت راسه
هذاك الوقت بتعرف ايش ناوي وخليها تسجل كل كلامه معاها المهم قولي لها ماتفتح الاشتراك في الجهاز عندهم خليها تفتحه عندك
وخبو هالسالفه وانتي كمان لاتخبري زوجك يمكن يخبر صديقه ويحذره
اصلا الرجال مالهم امان
تحذري اهم شي خليها تدخل في اللعبه الى هو مسويه هو داخل ومشارك طيب شاركي وادخلي بس لاتسجلي بياناتك صحيحه دخلي باسم غير
وصغري عمرك
وبعدها ادخلي ع ملفه وسولفيه وشوفي لوين بيوديكم السوالف حاولي تعرفي ايش الى خلاه يفكر انه يدخل هالمواقع الزواج
وان طلع الرجال فعلا متوكل ويريد يتزوج هذاك الوقت كشفي الامر وخليه في امر الواقع
ويكون تعلم درسه
بس اهم شي قولي لها لاتبين له اي حااااجه خليها زي ماهي تعامله بمحبه وبكل شي وانتي اوقفي معاها
وهالامر الموضوع محد يعرفه لازوجك ولا اي مخلوووووق
الله يوفقكم ان شاء الله نزوه ويعقل ويقول لها احملي يارب الله يوفقكم يارب

وصلت لها ردودكم
وقالت انها امس مانامت جلست تفكر وش اللي يخليه يسوي كذا

وقالت انها تحبه ويحبها وتساعده في ظروفه الماليه
ماتحب تنكد عليه وتستقبله بالأحضان

تدلله وتدلعه تبغى تغير مزاجه من الدوام
وتقوله الكلام اللي يحب يسمعه ..

وقالت انها مو مقصره معه وهي اول تسمعه يكلم احد من اهله
امه او ولد عمه .. يقول فلانه طيبه والله طيبه ما ابغى اظلمها ..

يعني ما شكت انه يسوي كذا
قطعت قلبي المسكينة .. حتى لزوجي يقوله فلانه انظلمت معي

ومره يمزح معها .. قالت انه يقول لها وش رايك ننفصل ويتزوجك واحد يعزك ويدلعك
ولما سألتها وش ردك عليه !

قالت .. انا احبه وراضيه بالعيشه معه ع الحلوة والمرة

وسألتها كيف كشفته !
قالت انها طلبته اللاب توب .. وفتحت قوقل وحطت السهم على البحث
وطلع البحث القديم اللي هو دخل عليه
ومنهم موقع الزواج ...

وتعرفون فضول الحريم فتحته بس زوجها مسجل الخروج
بس اسم العضويه يتخزن

ولما جت عندي جلست تحووووس لما لقت اسمه
قلت لها لا تفتحينه .. بس اصرت تتأكد وفعلا زوجها

حاط صورته اللي بيوم زواجهم .. و رقم جواله وايميله
وكاتب متزوج ماعنده اطفال والزواج شرعي او مسيار

عشان كذا بكت لما تعبت
انه حارمها من الأطفال بسبب ديونه .. وهي راضيه فيه
وتقول انها صابره ع ظروفه

يعني لو ربي فتحها عليه بيتزوج
ع قولة سلفتي ..

الرجال تصبرين انتي عليهم .. وهم ماهمهم
من جد مامنهم امان

السلام عليكم ورحمة الله وبركاته
عزيزتي اقواس توفي
قولي لصديقتك للمستقبل اي موقع زواج يدخل زوجها عليه ان كان ممكن ان تعمل عنه تبليغ فالتفعل
ولكن لاتجعله يعرف لابدخولها للموقع ولابتبليغه ولتستخدم كل قدرتها على الانكار على انكار اغلاقها لحسابه او التبليغ عنه
وان واجهها وهو واثق من كونها هي من بلغت عنه او الغت حسابه
بسؤال هل هانت العشرة؟ بحيث تريد ان تتزوج علية؟
ولكن الاسلوب الان ليس تهجمي ولكن عتاب
ولتسكت بحيث تعرف جوابه وتجعله ينهي كلامه وتعرف وجهة نظره
واحتمال زوجها يريد قضاء وقت واللعب على الفتيات الغير متزوجات وليس الارتباط الفعلي
لكن انا لو منها اعمل كل الوسائل بحيث لايصل زوجي لهكذا موقع حتى لو اكسر الحاسبة وانكر
المهم قولي لصديقتك الانهيار والبكاء لايعطي نتيجة ولكن التركيز والهدوء هو ماينفع
ان كان زوجك صديق زوجها لاتعطوه خبر بالموضوع اي موضوع دخولها لنفس الموقع لتتجسس على زوجهاولكن قولي لزوجك ان كان يتحدث مع زوجها ليطرح عليه كأنما يجس نبضه انه سمع عن مواقع زواج (ليعرف رأي زوج صديقتك بالموضوع)ثم زوجك يخبرك لتخبري صديقتك ماهو السبب الحقيقي لدخوله لهذا الموقع
لكن اهم نقطة سيرة الموضوع لاتفتحها الزوجة مع زوجها الاان هو بنفسه واجهها
عندها يصبح مذنب ويصبح مقر بذنبه
سواء كان غرضه اللعب على البنات
او لاسامح الله الزواج
ولاتخافي لن ادعي على زوج صديقتك فأنا لااعرفه
اسأل الله الهداية لزوج صديقتك
وان يهدي بيوت المسلمين ويكفينا شر هذه المواقع
سلامي
اختك لارسا بغداد

ذكرتيني بصديقتي تقول دايم حتى الطير المنتف يطير! لو حاط براسه عرس اعرس من زمان!
بعدين كل وحده تعرف زوجها زييين اذا كشفتله اوراقها هل بيتضايق؟! او بيعترف اذا تجسست عليه ممكن هالشي يخليه يبغضها بعض الرجال اكره ماعندهم هالحركه وكمان تجلس تلعب عليه ممكن تكسر اشيا بعلاقتهم ماتتصحح... بس برضو هي تعرف زوجها اكثر مننا هل لو لعبت عليه بعدين واجهته بيقلب السالفه ضدها! ويمكن يطلقها عشان يقول ان هي تتجسس عليه وياخذها حجه...الله يفرج عليها انا بالنسبه لي بستخدم الاب قدامه مثلا يكون ققاعد عليه واقوله بس بسوي بحث سريع واكتب اول حرف من اسم الموقع واكيد بيطلع الهيستوري بقوقل واسوي انتر بالغلط! اكيد بينجلط...ممكن من هالنقطه تنطلق تقوله الله وش هذا لايكون تدخل هالمواقع من وراي-بضحك طبعا- بينخرش حزتها وبيتوب هههه

لارسا ياقلبي
تبغيني اقول لزوجي اني مثلا قرأت قصه عن وحده زوجها يدخل موقع زواج !!

ههههههههههههه .. زوجي ملقوف اكثر مني وبيسجل
اعرفه والله

خليني كذا لا افتح عيونه ع شي انا في غنى عنه
والله ما اقوله شي .. لو رحت عند اهله وقلت له صار وصار

يروح يقولهم فلانه قالت كذا وكذا ... عشان كذا ما احكي له شي

بس انا قلت لصديقتي .. لاتفتشين وراه بتتعبييييييين
وقلت لها كأنك مادريتي وان تقفل حسابه .. و سألها تسوي نفسها ماتدري

وتقوله يعني مسجل بموقع زواج وانقهرت لأن حسابك تقفل !!
وبكذا تنقلب الطاولة عليه هو

والله صرت اخاف من الرجال كلهم ..
ابو زوجي فجأه قالنا انه متزوج وفجأه جاب زوجته وفجأه عم زوجي تزوج
وجابها عندنا و الحين صديقتي !!!!!

والله ثم والله .. زوجي ماتركته بحاله امس
اقوله فلان متى بترجع .. فلان انت وين جالس الحين واقوله لو بتتأخر
راح اجي لعندك

يقولي وحشتيني مع انه سافر السبت بالليل .. قلت له احلف اني وحشتك
صرت أشك فيه هو بعد ههههههههههههههههه

وجلست اوصيه ع نفسه ..
اقوله صلواتك لاتتركها و بنات الحرام انتتتتبه منهم ترى مابينفعونك

وجلست اخوفه بالقبر والقيامه
حتى قالي لايكون بتموتين وتحطين وصيتك .. مادرى باللي سواه صديقه

انا لابتوب زوجي منطول وكل يوم يتنقل من يد ليد

شوي عندي شوي عند اخوه
واحيانا عند عيال عمه وابوه يستخدمه ... عشان كذا مايسوي شي
ولا بيكشفونه اخوانه

بس لو فتحت له سالفة موقع زواج والله ليسجل هذا إذا ماكتب عزابي
ههههههههههههههههههه

احلى حلوه
انا سويت اللي قلتيه .. لقيته يدخل شات

وفتحت القوقل طلع لي اسم الشات
قلت له .. الله الله .... ربي فضحك وانا اضحك

قال وش فيه وجالس يسحب اللاب وانا ماسكته اقوله خلني اشوف بلاويك
قال قولي وش شفتي يمكن مو أنا !!!

بس لا طلع هو كان عنده جهاز يبغى يبيعه وسوا اعلان في الشاتات
ههههههههههههههه


ماصدقت انه مسوي اعلان لما شفت الجهاز وشفت اعلانه

ههههههههه
انتبهي لاتخبري زوجك ولاتفتحي عيونه ع هالمواقع هذا ان كان صديقه قد فاتحه عن هالمواقع او لا
المهم
مثل مانصحتكم فوق خليها تعمل هالشي الى قلته لكم لانه والله ثم والله حركاته نفس زوج صديقتي
والرجال اصلا مالهم اماااااااااااااااااااااااااااااااااااان والله
يقولو ديون ماديون وحتى لو مدحو الزوجه ليل ونهار بس لو جاتهم بنت ابليس تلعب بعقلهم ينسون
الشهامه والايام الصعبه الى الزوجه وقفت معاهم فيه
الله يكون في العون المهم خليها تتقيد بالخطوات الى قلتها لكم فوق وان شاء الله يهتدي ويعرف مقدارها
والله فعلا حركاته نفس حركات زوج صديقتي ونفس البيانات كتب لهم
سبحان الله منهم هالرجااااال الله يهديهم ويحفظ لنا ازواجنا

الله يكون بعونها ويسخر لها زوجها ان شاء الله ....

عن نفسي انصحها ببساطة تكشف اوراقه بس بطريقة حلووة منها تعرف الموضووع ومنها يرتاح قلبها من هالحيرة ...

خله تقوله ان فلان زوج فلانة اوو حتى شخص معيين تعرفووه من بعييد خبر اهلها اوو امها انه شاف صورته مع بياناته بأحد مواقع الزواج فتسأله هل هذا صحيح ومن هني يبتدي النقااش بالطريقة والاسلوب اللي تشوف انه يتناسب مع شخصية زوجها ....

واما الفضوول فكل انسان عنده قدر من الفضوول والرجال بطبيعتهم ما ان تفتح عينهم على شيء معين الاا ينشرونه لأصدقاءهم !! ههههههه فما اتوقع ان الرجال مايعرفون عن المواقع الاباحية او الزواج وانما هالشي يعتمد على الشخص نفسه ومدى ايمانه بأن الله عالم ومبصر باللي يسويه اولا ومقدار احترامه لنفسه ثانيا ولزوجته ثالثا وهالشي اتوقع انه يشكل رادع له ....

موضوع الحمل هو امر تناقشه مع زوجها واعتقد ان باسلوبها تقدر تقنعه به وخصوصي بعد مصارحته بموضوع الموقع اعتقد بيوافق ع طوول ههههههههههه ,,, ويقولون لناا احناا كيد النسااا !!!

اقواس
يعني هذا طريقه لطيفه للمعاتبه والسؤال انا احبذها صراحه بدل ماتعلقين مشنقته وتفكرين بافكار تودي وتجيييب
اخرتها بيطلع زوج صديقتك طفشان وداخل يطقطق وهذا اغلب الظن! عشان كذا لاتهبل بعمرها وتجلس توسوس انه خلاص بكره بيدخل بالعروس لاقدر الله ههههههههه

همسه: انا قريت مشاركاتك وعرفت انك سقطتي من قريب الله يعوضك حبيبتي وفعلا ونعم الصديقه بوقت مثل هذا تحاولين توقفين جنب صاحبتكF: الله يعوضك بالخلف الصالح قريييب ويرزقك ع قد نيتك

يسلمو حبيباتي ع الأهتمام

والله المصيبه ماردت لي خبر .. صرت احاتيها
قعدت اقول ليتها ماقالت لي

وليتني ماشفت اللي شفته
صرت اشك بزوجي والله .. لأنه صديقه الأقرب له

عشان كذا ما اقدر اقوله اني قرأت مشكله بالنت .. راح يعرف اني قاصده
ولا اقدر اقوله ومايكون عارف وافتح على نفسي باب


الله يكون بعونها حبيبة قلبي

احلى حلوة .. اي والله اليوم خلصت شهر
المفروض اكون بنهاية السابع الحين .. الحمد لله ع كل حال

قلبي يعورني ع ولدي والحين محروق ع صديقتي
الله يرزقني ويرزقها

ويحنن قلب زوجها عليها