عرسي قريب .. ممكن تساعدوني؟؟؟ للنساء فقط

ع

عروس شرقية

عروس متألقة

02-11-2003 | 01:44 PM

السلام عليكم ...

انا مشتركة جديدة ... وعندي مشكلة ، انا لفيت على كل المواضيع بخصوص الفساتين والتسريحات ومكياج ... ولكن مو عارفة ايش اللي يناسبني ... ممكن تساعدوني

أولا انا سمراء برونزية .. طويلة يعني162، ضعيفة يعني (47)، وشعر طويل يعني طول ذراع المرأة .. وناعم ...لونه بني ... يالله ممكن تساعدوني في:

أولا: اختيار لون فستان الملجة + وتصميمه + تسريحته+ مكياجه.

ثانيا: اختيار لون فستان الخطوبة + تصميمه + تسريحته + مكياجه.

ثالثا: اختيار تصميم لفستان الزواج + تسريحته + مكياجه + مع ذكر خطوات التي يجب أن أعملها قبل أسبوع من الزواج .

رابعا: أقمصه للنوم ...

خامسا: أثاث للشقة ... أهم شيء غرف نوم ...

وبس ...

ممكن تساعدوني ........

لكم تحياتي

عروس شرقية

ش

شذا قطر

عروس جديدة

02-11-2003 | 10:55 PM

السلام عليكم ورحمة الله وبركاته
:o انا مثلج محتاجة هالمساعدة بكل خطواتها

أولا: اختيار لون فستان الملجة + وتصميمه + تسريحته+ مكياجه.
انا رحت السوق وشريت لي قطعه دانتيل لونها ازرق مع كريب ابيض
وشريت قطعة ثانية ورديه وللحين ما رحت الخياط ان شاء الله بكرة بروح وبصراحة محتارة اللي بيطلع حلو بلبسة :o

ع

عروس شرقية

عروس متألقة

05-11-2003 | 03:39 AM

محد عبرنا ....... ليش ما نستاهل ........:eek2:.

حرااااااااااااااااااااام الحقوا علينا قبل فوات الاوان ونلبس أخياش .....:pain:

يالله عاد شدو حيلكم ساعدونا ....... احنا ما نطر منكم ...

جزاكم الله الف خير

X

XxSnow WhitexX

مشرفة سابقة

05-11-2003 | 06:09 PM

السلام عليكم ورحمة الله وبركاته..

ولا يهمج ان شاء الله بنقدر اننا انلبي طلبج الغاليه.. بس حبذا تذكرين لنا انتي من وين عشان يسهل علينا مهمة البحث..

أولا: اختيار لون فستان الملجة + وتصميمه + تسريحته+ مكياجه..
عزيزتي اختاري اللون الي يناسب بشرتج والالوان الي تناسب البشره البرونزيه هي: السماوي.. البرتقالي الفاتح.. السموكي.. البنفسجي الفاتح.. العشبي..
فاكيد المكياج بيكون على لون الفستان صح..
خلي الصالون الprofitional والكوافيره الممتازه اتسويلج وتختار الشي الي يناسب ملامح ويهج.. وتسويلج التسريحه المناسبه لshape ويهج..
وعن الفستان خذي شي من ذوقج.. وما يكون منفوش.. وهو على حسب القطعه حبيبتي..

ثانيا: اختيار لون فستان الخطوبة + تصميمه + تسريحته + مكياجه..
نفس اجابة السؤال الاول بس خذي الالوان الخفيفه مثل الوردي والسماوي والاخضر الفااااااااتح..

ثالثا: اختيار تصميم لفستان الزواج + تسريحته + مكياجه + مع ذكر خطوات التي يجب أن أعملها قبل أسبوع من الزواج..
فستان الزواج+ التسريحات+ المكياج عزيزتي بحط لج روابط خاصه عنهم وانتي اختاري الي يعجبج..

رابعا: أقمصه للنوم..
روحي لمحلات: نعومي ولاسنزا اذا كان متواجد في منطقتكم.. عندهم اشياء تهبل للعروس..

خامسا: أثاث للشقة ... أهم شيء غرف نوم ...
الغاليه على حسب الاذواق.. انصحج باللون الأحمر.. أنا خذت أثاث لغرفة نومي باللون الاحمر تحسين بالرومانسيه بهذا اللون..
وخلي الصاله باللون الأزرق أو الأخضر أو الأصفر على حسب الذوق..

وان شاء الله قدرت افيدج.. لي عوده مره اخرى مع الروابط ان شاء الله.. :smile:

X

XxSnow WhitexX

مشرفة سابقة

05-11-2003 | 06:32 PM

السلام عليكم ورحمة الله وبركاته..

شوفي هالروابط فيها كل شي يخص العروس.. وان شاء الله يفيدونج:

* فستان:
هو على حسب ذوقج وخليه على حسب ما يرضيج..

اكثر من 100 فستان للعروس الان في عروس

فساتين الزفاف الجديده وصلت

فساتين بيضاء جديده مني لكم يا عروسات

------------------------

* التسريحه:
هو على حسب شكل الوجه..

تسريحات للعروس يديده مرررررره بسرعه قبل لتصير جديمه

------------------------

* المكياج:
هو على حسب لون الماسكه+ الكوشه+ البطاقه..
وهذي الالوان بتناسبج وايد.. مب شرط الالوان المهم فكرة المكياج عامه..

ودعائج هو هدفنا.. :smile:

د

دهن عود معتق

عروس مبدعة

05-11-2003 | 06:59 PM

:clap::clap::clap::clap::clap::clap::clap::clap::clap:

والله ـني اموت فيج ياأحلى سنو وايت

X

XxSnow WhitexX

مشرفة سابقة

05-11-2003 | 07:06 PM

السلام عليكم ورحمة الله وبركاته..

أخجلتي تواضعي الغاليه "دهن عود معتق"..
وان شاء الله استفدتي من الموضوع.. :shy:

ع

عروس شرقية

عروس متألقة

06-11-2003 | 03:06 AM

مشكووووووووووووووووورة عنوني على مساعدتج لي ......

والله اسعدتيني ، حسيت انه في ناس تهتم في بنات البحرينين

انا بحرينية .......

بصراحة ما قصرتي وفييتي ...وكفيتي ... والله يعطيكِ ألف عافية

وراح أدعي لج بالجنة

تستاهلين يا أم الخير ((سنو وايت ))

ولكِ تحياتي عزيزتي

عروس شرقية

X

XxSnow WhitexX

مشرفة سابقة

07-11-2003 | 03:07 PM

السلام عليكم ورحمة الله وبركاته..

يا هلا ومرحبا باهالي درة الدرر البحرين..
تسلمين على هالرد الحلو..

وان شاء الله بنات البحرين ما بيقصرون معاج..