تولهت عليكم والله

مرحبا خواتي ومبروك عليكم الشهر وينعاد علينا وعليكم إنشاء بالخير

اسمحولي على هالغيبه ....

صدق يقولون الغايب عذره معاه انا صارلي اسبوع ونصف ما دخلت النت

طبعا الحين بقولكم ليش ...

:eek2:

:confused::confused::confused:

انا اسقطت يعني اجهضت مع اني توني في بداية الشهر الثاني ... يافرحه

ما تمت والله اني حزنت بس الحمد الله ايماني بالله قوي وادري (قل لن

يصيبنا إلا ما كتب الله لنا ) وادري هذا نصيبي واكيد خير انا اجهله

بس تعرفون كنت مستانسه ويالسه اعد متى بربي واجهز نفسيتي للحمال

بس قدر الله ماشاء ...

خواتي ابا اسالكم عن شي امي تقولي هذا الشي مب طبيعي وخصه

هذا الاسقاط الثالث يعني دخلت مرحلة الخطر ثلاث اسقاطات متتالية

المهم ان امي تقول اكيد حد مسولج شي وخصه انا قبل حملت يوم كنت

بيبي يعني عمري 15سنه اول حمال لي والحمد الله ما كنت اعاني من

شي وحملت بسرعه بعد العرس بشهرين بس الحين ما ادري شو فيني

والحين امي حاشرتني تقول تعالي اوديج مطوع يقرا عليج وانا الحمد الله

مش مقصره من صلاه وقرايه ودعاء والله تعالى هو اللي يعلم ...

بس تقولي خذي بالاسباب وتمت تسرد لي قصة وحده تعرفهم بنتهم

سقطت سبع مرات وبعد ما قرا عليها المطوع حملت ويابت ولد يجنن

وقالولها ان الجن يسكن في الرحم ويأما يمنع الحمل اول يحدث حمل بس

ما يخلي يكمل عاد هذي حالتي يصير حمل بعد الحبوب والابار ويطيح

سبحان الله مع التحاليل والفحوصات كلها سليمه وزوجي الحمد الله مافيه

شي .. بس شو اقول لاحول ولا قوة الا بالله العلي العظيم (اللهم اجرني

في مصيبتي واخلف لي خيرا منها )

ادري طولت عليكم بس حابه افضفض شوي واسمحولي على الغيبه