بنات .. من فيكن دخلت شهرها وشو تجهيزاتكن؟

[COLOR=red[B][SIZE=3]] السلام عليكم ورحمة الله وبركاته
هلا والله ببنت ابوظبي
ماشاءالله....قربت ولادتج...الله يقومج بالسلامة..آمين
حبيت أعرف بس شو تجهيزات الغرفة..؟
بغيت أقولج لا تنسين الكاميرا...عشان تصوير الببيبي...:up:
مع تحياتي لج
فوانيس
:smile:

هلا خواتي:
انا بعد اسبوع بدخل التاسع ومجهزة تقريبا كل اغراض البيبي بس باقي ادوات الحمام من شامبو و كريمات مادري اشتريها الحين و الا انتظر بعد شوي !
شريتلي قمصان نوم و خيطت جلابيات بعد الولادة
شنطة المستشفى لين الحين ما حطيت شي فيها ما ادري متى ابدأ أجهزها.
بالنسبة للموعد المرتقب ماأدري بالضبط متى لان حسب الحسابات العادية في المستشفى يكون 12/12/2003 و السونار يطلع لي 1/12/2003 لان الطبيبة تقول ان الحمل صار قبل موعد اخر دورة عندي وانا هذيك الدورة يمكن تكون مش دورة بس ناتجة عن تكون البويظه.... فما م ادري بالضبط متى!!!!
:o

ماشالله علي المجهزين


تصدقون انا توني داخله الثامن ولالحين ماجهزت شي


وهذا وانا بكر اللهم شريت للبيبي ملابس وبعدين وقفت


بصراحه ماعرف شنو اجهز بعد ونسيت شيء فصلت دولاب خاص


للبيبي وحطيتله غرفه مستقله بس تصدقون انه الغرفه فاضيه


لالحين مافرشتها :smile: مادري هل انا بارده ولا معتمده علي انه


عندي وقت ولا شرايكم بنات بس امانه لاتضحكون علي.

انا م مدني استعد من دخلت شهر التاسع يوم يوم ثاني جاني الطلق وولدت

جهزي روحج بسرعة

قبل لا تولدين

أختي فوانيس :)
تسلمين ... بصراحة كنت ناسية الكاميرا ............... ربي يذكرج بالشهادة قولي آآمين :) عن الغرفة انا ناوية اجهز غرفة خاصة للبيبي ... اسوي لها ديكور والوان .. شريت سرير وطاولة تغيير البامبرز واكسسوارات بسيطة بس للحينه ما كملت 100 بالمية. وناوية اخذ سرير ثاني احطه في غرفة نومي عشان بالليل انوم البيبي قريب مني.

فتون ... لازم تاخذين لوازم الحمام من الحينه خاصة الشامبو والصابون وغيره .. وشليهم معاج المستشفى لانهم هناك ما يسبحون الولد زين ..... وبعد تحتاجين تاخذين حوض صغير للأطفال حديثي الولادة ... بتحصلينه عند بيبي شوب :)

وبخصوص تجهيزاتج ... لا تنسين تاخذين underwear خاص للنفاس ....... فيه منهن مبطنة نايلون عشان التسرب .. بس انا ما احبه .. شريت من عند مارك سبنسر على شكل ستريتج علشان القطنة اتم ثابتة. سمعت اول كم يوم يكون الدم غزير فخذي لج كمية تسد المدة :)

مارين .... الاحسن تتشرين من الحينه ... وانتي في التاسع يمكن ما يسدج الوقت وتضطرين تاخذين اي شي بدون ما تنسقين الالوان ويمكن بعد تحسين بثقل فما تقدرين تتحركين عشان تقظين شغلج :)

وووووووووووين الباقي.....؟؟؟

مشكورة اختى بنت أبوظبي موضوعك اللى يهم كل حامل ...........انا الحينة فى بداية الشهر الثانى بس ابى اخذ رايكن متى ابدا اجهز هالشغلات لانة فى بالى اشياء كثيرة اسويها :up:

مرحبا ... انا الحين في نهاية السادس :o ومن يومين رحت محل جونير وخذت ملابس داخليه وكم لابسه للبيبي لانه مسوين تنزيلات واعتقد بيبي شوب بعد مسوي تنزيلات طول فترة رمضان يعني فرصه حلوه للي يبي يجهز نفسه بسعار حلووه..

بس انا بقيت شراشف وكم لفه راقيه وما اعرف من وين اخذهم؟؟؟؟

السلام عليكم ورحمة الله وبركاته
أفضل محل لفرش و شراشف الأطفال مذركير(أطقم كاملة و حلوة)
طلوا على موضوع ( نسرينا ) -جزاها الله خير- على هذا الرابط هنــــــــــــــــــــــــــــــــا من فضــــــــــــــــــــــــــــــــلك

:smile:

:up:

أقطم مذركير حلوة واحلى عن بيبي شوب بس اسعاره غالية شوية خاصة انك بتاخذين اكثر من طقم.
تصدقن يا بنات انا مريت محل اسمه أيوب ... والله والله والله عنده نفس بضاعة بيبي شوب ومذكير والاسعار وايد ارخص ... تحسفت على اشيا شفتها هناك ارخص بوايد من اللي دفعته بس يالله البيبي يستاهل :)

أختي روابي :)
مشكورة على مرورج ... طالما توج في الثاني .. لسه بدري على التشري للبيبي .. إن شاء الله لما تدشين نص السابع .. ابدئي بالتجهيز ... لانج بتكونين عرفتي ولد ولا بنت. اخذي كم طقم مكتوب عليهن نيو بورن ... او حرفين أن و بي ... للأطفال حديثي الولادة ... وبعد كم طقم للأطفال بين 0 و 3 أشهر ....
في الوقت الحالي اهتمي بنفسج لانها مرحلة صعبة .. وحرجة .. الله يقومج بالسلامة ... وبتحسين بحلاوة هالتجهيزات اللي ادعي الله سبحانه ان يطعم هالاحساس لكل زوجة محرومة ... قولوا امين :)

أأمـــــــــــــــــــــــــــــــــــــــــــــين ياختى بنت ابوظبي




مشكورة يالغالية ...................على فكرة هذا حملى الثانى وكانة حملى الاول :shy:

اختي بنت بوظبي مبروك سلفا والله يسهل ولادتك ويطلعك بالسلامةويجعلها ذرية صالح باذنه .

بس حبيت اذكرك لا تنسي ضيافة الزوار يعني سلة شكولاته أو حلويات راقية ملفوفة بشكل حلو وممكن تكون نفس لون الأغراض اللي مجهزتها يعني دامها بنت أكيد بيكون اللون وردي .


والله يساعدك :flower:

wooow

تشوقت للنونو....

بس خايفه من الولاده لو انه بدرى شوى افكر فيها (انا فى شهرى 3 :o )

بس ما ادرى احس بفضول ابى اعرف كل شى عن النونو :shy:

و مشكورين على هالموضوع :up:

السلام عليكم اهلين اختي بنت ابو ظبي

انا في شهري التاسع تقريبا معك بس الموعد قبلك بيومين

يعني في 25/نوفمبر

بس هذي ولادتي الثانيه مو الاولى

وانا تقريبا جهزت كل شي شنطه الملابس لي وللبيبي

المولود ان شاء اللله بنوته ان شاء الله تصير بنتي وبنتك صديقات:D2:shy::clap:

مابينهم الا يومين

سلااااااااااااااااام

الصراااااااااااحة موضوعج واااااااايد حلو :clap:

والله يسهل عليج انشاااااااءالله

أأأأأأأأأنا بعدني في الخاااااااامس وماشتريت

أأأأأي شيء لين أأأأحين يوم بكون في السابع ببتدي

أأأأأتجهز لاني أأأأأنا أأأكمل التااااسع كلة وأأأخذ زيااادة

منه يعني عندي وقت :shy::shy:

مادري ... في ناس ياخذوون وياهم فراش للنوم في المستشفى ...

هلا بنت ابوظبي..

مشكورة على الموضوع والي لفت انظري تاريخ ولادتج لانه نفس تاريخ ولادتي:up: لكن من يومين شافتني الدكتورة وقالت لي احتكمال كبير ولادتج الاسبوع الجاي:eek2: لان الحبيب نازل تحت واصل حدة والله يسهل علينا وعلى امه محمد بس ادعوالي الله يسهل علي لاني فقيرة محد عندي هنا غير الله وزوجي وبنتي الحلوة ام الزين:shy:..


اختكم ام لولوة

السلام عليكم ورحمة الله وبركاته
شكرا اختي بنت ابوظبي على الموضوع
انا بعد في اسبوع التاسع ومجهزة تقريبا كل اغراض البيبي بس باقي ادوات الحمام من شامبو و كريمات مادري اشتريها الحين و الا انتظر بعد شوي !
شنطة المستشفى لين الحين ما حطيت شي فيها ما ادري متى ابدأ أجهزها.
بالنسبة للموعد المرتقب ماأدري بالضبط متى لان حسب الحسابات العادية في المستشفى يكون 12/12/2003 و السونار يطلع لي 2/12/2003 لان الطبيبة تقول عملت عملية تنظيف للرحم وماادري متى تكون الولادة بالضبط......
:o:o

السلام عليكم ورحمة الله وبركاته



إن شاء الله اتقومين بالسلامه ...


خذي وياج ملابس لج ولبيبي وبس ما يباج اتشلين بيت كامل لان اللهم اتمين يومين او 3 الايام وبس .....

وملابس داخليه لا تنسين مع قطن لصدرج ... اما ملابس لبيبي وقت تطلعين من مستشفى اتلبسينها بس خذي قطن لون ابيض احسن وااااااااايد .


واقومين بالسلامه ان شاء الله ...:smile:

أشكركن خواتي على التفاعل .. ما تصورت الموضوع بيكون شيق .. بس نحن الحريم انمووووووووووووووت في السوالف .. كل وحدة تبغي تعرف الثانية شو مسوية وشو تجهيزاتها :)

المهم اختي حصة .. انا فعلا شريت فراش يديد للمستشفى .. بصراحة ما احب الفرش اللي مستخدمه غيري واتخيل عليه دم وغيره ... وعادة في السفر اخذ فراش معاي الفندق :)

وبعد سويت طلبية حلويات من عند محل أطايب ... عبارة عن هدايا رقيقة للي يزورني بالمستشفى .. وكلها ورديات تول وبوكسات وملبس وورود الوانها زهري ................ ان شاء الله يطلع حلو وينال الاعجاب :)

اختي ام لولوة .. تصدقين عاد انا سرت الطبيبة يوم السبت 15\11 وقالت لي جهزي عمرج للولادة الاسبوع الياي ... بإذن الله يعني ممكن اكون انا اولد في بوظبي وانتي في الدوحة :) ادعيلي من عندج وانا بدعيلج من هنا :)

الغالية دبي2.......... زين ذكرتيني بالقطن .. تقصدين اللي ينحطن في الصدر عشان الحليب ما يتسرب؟ انا خذت منهن بس ما توقعت احتاج لهن في المستشفى :) مشكوووووووووووورة امممممممممممممموح