ساعدوتني

السلام عليكم و رحمة الله و بركاته ...
اختى بجد انا محتاجة مساعدة لاني مو قادرة و لا اعرف كيف اتصرف ..
انا متزوجة صار لي 3 اسابيع من واحد لا يقرب لي و لا شيء
اكبر عني ب 20 سنة و متزوج 2
في البداية ما كنت اعرف على بالي وحدة بس هو عقب الملجة قال لي وقتها ما في فائدة اقول شيء
هو وقت الخطبة قال لنا انه اهله و الكل يعرف بزواجه بس ما حد راح يحضر لان الزواج الثاني مش مهم عندهم ..
و قال انه زوجته تعرف بزواجه و راضية
علما انه مهري كان 10000 و ابوي خذ مهري كامل و قال ماحد يلمسه لوقت الحاجة و زوجي دفع لي عقب 3000 عشان اجهز عمري كامل و المبلغ ما كان كافي لصالونات علما اني كنت محتاجة وايد لحمام مغربي جلسات وايد عشان علامات الحبوب في كامل جسمي ... بس كل شيء صار بسرعة و تم الملجة و الزواج باسبوع ...و حتى ما سويت العرس بس حفلة صغيرة في البيت .. و ليله الدخلة و حتى الحين زوجي ما ممارس وياي الا الجماع بس حتى ليله الدخلة على طول سوي وياي الجماع بدون كلام و لا شيء حتى ما هدي بالي و حتى اليوم ما باسني و لا قال لي كلام حلووو و ما يجي البيت الا عشان يمارس الجماع و يروح و ما نام في البيت الا ليلتين بس و عقب عرفت انه ماحد من زوجاته و اهله يعرفون عني ... و عقب زواجي باسبوع اغمي على و صار لي الم شديد في ظهري و بطني و طلع عندي التهاب بول ... و ما مكلمة علاجي لان زوجي طلعني من المستشفي على مسوولته لانه كان يوم عرس اختى و عقب ما صار عنده بيزات عشان اكمل علاجي ... و هو حتى الحين يعانرني و يرمي كلام جارح و يقول انه متقرف مني و ما اشوفه الا نادر يجي يحاول يمارس وياي الجماع بس لما يشوف التهاب يعصب و يروح و مرات يمارس وياي الجماع من ورا رغم من الالم اللي احس في ... و هو حتى ما يحس فيني .. من يوم عرسي ما صار بيننا كلام و لا طلع وياي و سولف او ضحك وياي ... هو وايد متهم بالنظافة لدرجو هوسة لدرجة ما يبي ياكل اي شيء من يدي و لا حتى كوب ماء و لا يعجبه شيء اسوي حتى لما احاول ارضيته ما يعجبه و يقلب السالفة على ... و يتكلم وياي باسلوب جاف وايد .. ما يحس فيني ابدا ... و الله احاول اتقرب منه و ارسل له رسائل و مسجات رومانسية بس ما في فائدة حجر ما يحس ... و من يوم زواجي يتركنى في الشقة لا تلفزيون و لا شيء في البيت بس غرفة نوم و يروح عني ما يجي الا يجيب الاكل و يمارس الجماع و يروح ... و دوم يسالني لو احد تحرش فيني او سمحت لاحد يلمسني على انه و الله ما حد تحرش فيني و لا يلمسني و قل له مليون مرة بس ما يصدق ما ادري ليش ...
تعبت و الله العظيم تعبت احس لحظات ودي اطلب الطلاق ما صار لي الا 3 اسابيع و حياتي جي كيف عقب علما انه زوجي مطوع و يحافظ على صلاته و يخاف ربه ... بس وياي انا ما اعرف ليش يتصرف وياي جي ... تكفون ساعدوتني شو اسوي وياه