المطلقة الصغيرة

انا مش عارفة ابدا ازاى كلامى لكن اتمنى انى مطولش عليكم حكايتى بدات وانا عندى 20 سنة للاسف مليش حد غير امى وانا اما قريبنا بعاد عننا اووى بمجرد انى خلصت كلية جالى عريس ورغم انى مكنتش مقتنعة بيه الا ان امى غصبتنى انى اتجوزة بحجة ان ملناش حد وهو كان مركزة كويس لكن كانت صفاتة التناية وحشة جدا عصبى اووى وابن امة جدا ، المهم انى اتزوجتة وكانت النتيجة انى اطلقت بعد جواز مستمرش غير شهر ونصف وكان بناء على طلبة هو وربنا يعلم انى استحملت قلة ادبه واهانتة لية ويمكن متصدقوش لو قلت انه طردنى خلال الشهر جوازى منه اكثر من مرة وكله كان بيبقى السبب امة مرة مسالتش عليها ومرة معرفش اية وربنا يعلم انى فى حالى جدا لكن هو كان ابن امة بشكل فظيع ، المهم ان امة كطنتش راضية عنى ومش بتحبنى عشان عايزانى اروح اخدمها فى بيتها على الرغم ان معاها 4 بنات كبار وقاعدين معاها ، حتى مصبرتش عليه لما اطول معاهم :'(
وفى النهاية قالتلوه يطلقنى وهو وافق طبعا لانه ميقدرش يزعل امة
الحقيقة ان كل الى حصلى دة كان باين جدا فى الخطوبة لكن امى غصبتنى وكانت سبب همى وحزنى ، المهم رجعت بيت اهلى تانى وقلت خلاص مش هتزوج تانى حتى ماما قالتلى لو ربنا رزقنى تانى هيبقى تعاملها بشكل تانى يعنى مش كل حاجة هتعديها زى اللى قبلة وهتوقف جنبى وتحمينى وتفهم اى حد ان لى ظهر مش وحيدة وبالفعل جالى عريس تانى صحيح مكنش فية طموحاتى اللى كانت عندى قبل ابقى مدام لكن وافقت لانى عارفة انى بقيت فيه عيب الا ان العريس دة واضح انه مكنش مقتنع بيه مكنش بيرضى يكلمنى مش بيجى عندنا وانا حسيت بكدة عشان كدة قلت لماما تعتذرلهم وتبقى منى احسن لانى مش ناقصة اتجرح تانى
الا انه فى مرة كلمنى وبيحاول يعتذرلى بطريقة زووق انه مش مستعد دلوقت وكانت هنا المفاجاة انى اتكلمت معاة فى حاجات كثير منها هيسكن فين والمفاجاة ان امى مكنتش ساله على الحاجات دى خالص لدرجة انى لما سالتها قبل مكالمته الاخيرة ليه كانت قيلالى انها استفسترت منهم على كل حاجة زى مرتبة شقتة هتبقى فين وقالتلى معلومات لما سالتة فيها قالى الكلام دة مش مضبوط
\وكانت النتيجة انى عرفت ان ماما مسالتش على اى حاجة وكانت هتكرر نفس الغلطة الاولانيه
ولا سالت على مرتبة ولا شقتة لدرجة انها قالتلى انه هيسكن فى بيت عيلة وهو قالى احنا عمرنا مقولنا كدة
انا زهقت من الكذب بتاعها واضح ان التطنيش بتاعها والمساهلة مع العريس هتكررها تانى وفى الاخر انا الضحية

ارجوكم ردوا عليه انا مش عارفة اعمل اية وهى مش مقتنعة لدرجة انى مش قادرة اتكلم معاها بقالى 3 ايام وهى محاولتش انها تداوى قلبى وجروحى اللى كانت سبب فيها

مع العلم ان والدتى مقاطعة والدتها بقالها 4 سنين من غير سبب كمان كانت علاقتها بوالدى وحشة جدا لدرجة انه ايامة الاخيرة مات وهو فى بيت اخوة لانه مكنش عايز يتكلم معاها:'(:'(:badly:

يارب اعمل اية