خلطه للتبيض

عزيزتي اللمسه السحرية

يعطيج العافية حبيبتي على هالوصفة وانشالله بجربها ... وانا كنت أعاني من هالكريمات اللي أستخدمها وتقشر ويهي بشكل محرج ما يرضى يروح بسرعة وكنت أستحي أطلع واقعد ايام في البيت على ما يروح .... بس إذا مثل ما تقولين ان ما نلاحظ التقشير فبإذن الله بجربها .... ومشكورة ويعطيج الف عافيه اختي.

اللللللللللللله على المشاركات الفعالة
بس قولي لي وين ممكن أحصل على هالكريمات ؟
وأكيد ما لها نتائج سلبية على البشرة ترى ما لنا غيرها :)

اهلين اختي اللمسه...

انا جربت هالخلطه..
وقام وجهي يخبص ويصفق..


<<<<<<<لا تصدقونها

عموما اختي مشكوره على هالمعلومات الفيده..
نرى منك الجديد دائما انشاءالله..


يالله سلامو عليكم


زهووره

:D :D :D :D

عزيزتي الغالي زهرة الحرية

تحياتي الطيبه وبعد عزيزتي اذا انتي جربتها هاي الوصفه على كلامي انا فانا والله ما كتبتها الا امس يعني هاي المده مب كافيه على انج تحصلين على نتائجها بين يوم وليله وهي وصفه مب سحريه حالها حال الوصفات ولأني جربتها وشفت نتائجها فقلت اكتبها لكم يمكن تستفيدون منها مثلي وبعدين يا الغاليه البشره مب نوع واحد وانما انواع واذا الوحده تشوف ان بشرتها ما تتحمل هاي الوصفات فاحسن لها ان ما تجربها وبعدين اي وحده تستعمل التقشير واذا طلعت في الشمس اكيد ان بشرتها تحمر لان نحن في فصل الصيف والدنيا لابجه تخيلي الوحده منا بدون ما تحط اي شي تطلع في الحر :mad: تنكوي فكيف وهي تحط هاي الكريمات واذا انها حبت تحط هاي الكريمات فلازم في البدايه تقعد في البيت وفي جو بارد لان شي طبيعي ان بشرتها اول ما تحط الوصفه تحمر ويمكن انها تلاحظ ان ويها انتفخ شويه بس مالازم تخاف لان يومين وبتختفي وبتتعود البشره على الوصفه وانشاء الله تشوف نتائجها الحلوه :) وهاي الكريمات تحصلونها في الصيدليات او الاسواق يعني متوفره في السوبرماركت والجمعيات ;)