السلام عليكم ورحمة الله وبركاته
اللهم صل ِ على مُحمد وآل محمد
اخواتي انا في حيرة من أمري في هالموضوع صارلي سنتين تخيييييييلوا مدة التفكير وبدخل الحين السنه الثالثه
من كثر التردد ..
مشكلتي هي :
كنت متغربه في نفس ديرتي ادرس بالرياض وانزل كل ويك اند الشرقيه ..!
في البدايه كنت متحمسسه مره مره درست لكن انصدمت درجاتي مب نفس المجهود اللي ابذله ..
الشرح انصدمت منه يدرسوني كاني عارفه المنهج من قبل ويقولون يا الله انتي افهمي واشرحي
الدكتورات بعض منهم مافيهم رحمه والبعض الآخر ماتشرح زين واضطر اني احضر محاضرتين لنفس المادة
محاضره عند الدكتوره اللي تدرسني [ وماتفهم] ومحاضره عند الدكتوره اللي [تفهم ] وماتدرسني تخيلوا كيف الضغط
وفيه دكتورات حليوات ينعدون عن الاصابع ويريحونج نفسيا ويشجعونج
ولو حاولت تغيير الشعبه يقولون مغلقه ومافيه الخ وكله السيستم عطلان على لسانهم ..
خصوصا اني متغربه فاجي اول اسبوع واظل 3 ايام لين ما يتعدل سيستمهم او انه اوقف على باب المكتب لين ما يخلصون اكل قهوه وحلا وانا مثل اللوح واقفه ذل لأبعد حد
واللي درست بجامعة الملك سعود تعرف شلون انظمتها
كنت كل ترم لازم احمل ماده واصررررريت بعزيمتي وقوة ارادتي اني اتخرج ولو على قص رقبتي صرت ما انزل الشرقيه اذاكر واكرف والنتيجه مب نفس اللي ابيها اتعب اتعب لين انسدت نفسي ورغم كل هذا قلت شي بديته لازم انهيه
الدراسه المفروض اخلصها خلال 4 سنوات لكن خلصتها بـ 6 سنوات وبمعدل طاااااااايح جدا
ل 3 اسباب
حمل مواد اولا
التعب النفسي ثانيا
وان جامعتنا تتحكم بالجدول يخلوني احيانا ادرس في الترم 4 مواد اومادتين وهالشي انا ما عرفته الا متأخر انه كل ماحذفتي ماده تاخرتي ..
ماكان عندي احد يفهمني .. وهذا سبب ثالث
وبكذا خلصت طااااقتي كلهااااا في دراستي وتخرجت بمعدل زفت ..
وبنفسيه تعبانه ..
مرت سنه وانا بالبيت مرتاااحه اتعافى من الم الرياض وغربتها ومن الطاقه اللي خلصتها في الجامعه
والتحطيم من الدكتورات
وقتها كان عندي اخو يدرس بثالث ثنوي تخرج
وطلعت له بعثه الى أمريكا
أهلي [ أمي , ابوي] قالوا لي روحي أمريكا ويا اخوج وادرسي لغه
قلت لاااااا لااااااا تكفيني الرياض وتحطيمها كل طاقتي خللللللصت [ وماعاد عندي العزيمه للاصرار والاراده ]
ومرت سنه واخوي بأمريكا ...
وخلال السنه وهم يعرضون علي وانا رافضه الموضوع بسبب عقدة الرياض وتفكيري
كيف اني كنت اذاكر وما اجيب [ غير انه جتني فتره ما استووووعب ]
شلون بدرس لغه ما اعرفها او امشي حالي فيها [ متعوده دراستنا بالسعوديه بالعربي ماعدا الاقسام الصحيه , للتوضيح توهم قالبين المناهج الى انجليزي بالجامعات]
كل هذي اشياء طرأت على بالي
اكمل خلال السنه هذي
اخذ ت كورس مدته 3 شهور بالكمبيوتر [ تغيير لنفسيتي وان ابي احرك نفسي شوي من الكتمه ]
وفعلا اخذته وانبسط جدا ..
ومرت السنه الثانيه ..
والعرض قائم من ابوي [ روحي لاخوج امريكا ]
شاف حالتي لا طلعه لا روحه لا جيه لاني عفت كل شي بالسعوديه ما احب اطلع ابدا الا مع اختي لما نتسووووق اما باقي الايام جالسه بالبيت انكتم كتمه عكس لما اسافر دول الخليج الباقي ارتااااح
ولما يشوفني صار يترجاني اطلع مع صاحباتي واتمشى بس خلاااص مالي نفس احس كل شي هنا مكتوم على نفسي
عفت كل شي بديرتي ..
دائما اقول حطمتني هالديره ليش اطلع ..
في خلال السنه الثانيه طلع برنامج اعانة العاطلين ومدتها سنه [ حافز ] يعطونا اعانه ويدورون لنا على وظيفه
وكنت اول المسجلات وخلصت كل شي مطلوب مني من اجرراءات بالرغم اني كنت قاطعه الأمل جمله وتفصيلا لانه عندنا يقولون مالا يفعلون ..
الا اني تفاجأت انهم صدقوا وصرت مؤهله لأخذ الاعانه من الدفعه الأولى ..الحمدلله وصرت متفائله
بالرغم انه شروطهم تعجيزيه وغبيه وفاشله .. لكن استلمت الاعانه كامله لمدة سنه ودرست كورسين ثانيين
لكن ما توظفت ولا حصلوا لي وظيفه ..
صرت ارسل سيرتي الذاتيه في كل مكان ولا أحد يتصل ..
الحين قريب السنه الثالثه
ورد ابوي وامي فتحوا العرض [ يا الله خلص حافز واستلمتيه روحي لأخوج أمريكا ] وانا سا كته قلت يبى انا ماعندي معدل وانت بتدفع وميزانيه ومدري شنو قال انتي ماعليج ..
وهم فتح الموضوع قبل 3 أيام قال جربي شهر
وبصراحه ...
خايفه ومتردده الكل يقول لو سافرتي بترتاحين بتنبسطين وابوي يقول روحي وانبسطي درسي لغه جربي شهر ولو ماعجبج الوضع ارجعي ..
ردت عقدة الرياض رجعت لي ..
والتردد رجع لي ..
والخوف جاني ..
ماعندي قوه مثل قبل مخي صدا ..
وبصراحه جلللست هالمره أفكر بجديه ..
لا يكون انا اطير فرصة ذهبيه وانا ما ادري ...
وزارني اقول الامام علي : « انتهزوا فُرص الخير فإنّها تمرّ مرّ السحاب »
نصايحكم ..
ورايكم ..!!
اقتراحاتكم ...!!
حطوا نفسكم بمكاني :'(
ملاحظه : لو قلت موافقه بروح مع أخوي خلال 6 أسابيع من الآن
للعلم عمري الحين 28 سنه عشان تخاطبوني على قد عمري:)
اللهم صل ِ على مُحمد وآل محمد
اخواتي انا في حيرة من أمري في هالموضوع صارلي سنتين تخيييييييلوا مدة التفكير وبدخل الحين السنه الثالثه
من كثر التردد ..
مشكلتي هي :
كنت متغربه في نفس ديرتي ادرس بالرياض وانزل كل ويك اند الشرقيه ..!
في البدايه كنت متحمسسه مره مره درست لكن انصدمت درجاتي مب نفس المجهود اللي ابذله ..
الشرح انصدمت منه يدرسوني كاني عارفه المنهج من قبل ويقولون يا الله انتي افهمي واشرحي
الدكتورات بعض منهم مافيهم رحمه والبعض الآخر ماتشرح زين واضطر اني احضر محاضرتين لنفس المادة
محاضره عند الدكتوره اللي تدرسني [ وماتفهم] ومحاضره عند الدكتوره اللي [تفهم ] وماتدرسني تخيلوا كيف الضغط
وفيه دكتورات حليوات ينعدون عن الاصابع ويريحونج نفسيا ويشجعونج
ولو حاولت تغيير الشعبه يقولون مغلقه ومافيه الخ وكله السيستم عطلان على لسانهم ..
خصوصا اني متغربه فاجي اول اسبوع واظل 3 ايام لين ما يتعدل سيستمهم او انه اوقف على باب المكتب لين ما يخلصون اكل قهوه وحلا وانا مثل اللوح واقفه ذل لأبعد حد
واللي درست بجامعة الملك سعود تعرف شلون انظمتها
كنت كل ترم لازم احمل ماده واصررررريت بعزيمتي وقوة ارادتي اني اتخرج ولو على قص رقبتي صرت ما انزل الشرقيه اذاكر واكرف والنتيجه مب نفس اللي ابيها اتعب اتعب لين انسدت نفسي ورغم كل هذا قلت شي بديته لازم انهيه
الدراسه المفروض اخلصها خلال 4 سنوات لكن خلصتها بـ 6 سنوات وبمعدل طاااااااايح جدا
ل 3 اسباب
حمل مواد اولا
التعب النفسي ثانيا
وان جامعتنا تتحكم بالجدول يخلوني احيانا ادرس في الترم 4 مواد اومادتين وهالشي انا ما عرفته الا متأخر انه كل ماحذفتي ماده تاخرتي ..
ماكان عندي احد يفهمني .. وهذا سبب ثالث
وبكذا خلصت طااااقتي كلهااااا في دراستي وتخرجت بمعدل زفت ..
وبنفسيه تعبانه ..
مرت سنه وانا بالبيت مرتاااحه اتعافى من الم الرياض وغربتها ومن الطاقه اللي خلصتها في الجامعه
والتحطيم من الدكتورات
وقتها كان عندي اخو يدرس بثالث ثنوي تخرج
وطلعت له بعثه الى أمريكا
أهلي [ أمي , ابوي] قالوا لي روحي أمريكا ويا اخوج وادرسي لغه
قلت لاااااا لااااااا تكفيني الرياض وتحطيمها كل طاقتي خللللللصت [ وماعاد عندي العزيمه للاصرار والاراده ]
ومرت سنه واخوي بأمريكا ...
وخلال السنه وهم يعرضون علي وانا رافضه الموضوع بسبب عقدة الرياض وتفكيري
كيف اني كنت اذاكر وما اجيب [ غير انه جتني فتره ما استووووعب ]
شلون بدرس لغه ما اعرفها او امشي حالي فيها [ متعوده دراستنا بالسعوديه بالعربي ماعدا الاقسام الصحيه , للتوضيح توهم قالبين المناهج الى انجليزي بالجامعات]
كل هذي اشياء طرأت على بالي
اكمل خلال السنه هذي
اخذ ت كورس مدته 3 شهور بالكمبيوتر [ تغيير لنفسيتي وان ابي احرك نفسي شوي من الكتمه ]
وفعلا اخذته وانبسط جدا ..
ومرت السنه الثانيه ..
والعرض قائم من ابوي [ روحي لاخوج امريكا ]
شاف حالتي لا طلعه لا روحه لا جيه لاني عفت كل شي بالسعوديه ما احب اطلع ابدا الا مع اختي لما نتسووووق اما باقي الايام جالسه بالبيت انكتم كتمه عكس لما اسافر دول الخليج الباقي ارتااااح
ولما يشوفني صار يترجاني اطلع مع صاحباتي واتمشى بس خلاااص مالي نفس احس كل شي هنا مكتوم على نفسي
عفت كل شي بديرتي ..
دائما اقول حطمتني هالديره ليش اطلع ..
في خلال السنه الثانيه طلع برنامج اعانة العاطلين ومدتها سنه [ حافز ] يعطونا اعانه ويدورون لنا على وظيفه
وكنت اول المسجلات وخلصت كل شي مطلوب مني من اجرراءات بالرغم اني كنت قاطعه الأمل جمله وتفصيلا لانه عندنا يقولون مالا يفعلون ..
الا اني تفاجأت انهم صدقوا وصرت مؤهله لأخذ الاعانه من الدفعه الأولى ..الحمدلله وصرت متفائله
بالرغم انه شروطهم تعجيزيه وغبيه وفاشله .. لكن استلمت الاعانه كامله لمدة سنه ودرست كورسين ثانيين
لكن ما توظفت ولا حصلوا لي وظيفه ..
صرت ارسل سيرتي الذاتيه في كل مكان ولا أحد يتصل ..
الحين قريب السنه الثالثه
ورد ابوي وامي فتحوا العرض [ يا الله خلص حافز واستلمتيه روحي لأخوج أمريكا ] وانا سا كته قلت يبى انا ماعندي معدل وانت بتدفع وميزانيه ومدري شنو قال انتي ماعليج ..
وهم فتح الموضوع قبل 3 أيام قال جربي شهر
وبصراحه ...
خايفه ومتردده الكل يقول لو سافرتي بترتاحين بتنبسطين وابوي يقول روحي وانبسطي درسي لغه جربي شهر ولو ماعجبج الوضع ارجعي ..
ردت عقدة الرياض رجعت لي ..
والتردد رجع لي ..
والخوف جاني ..
ماعندي قوه مثل قبل مخي صدا ..
وبصراحه جلللست هالمره أفكر بجديه ..
لا يكون انا اطير فرصة ذهبيه وانا ما ادري ...
وزارني اقول الامام علي : « انتهزوا فُرص الخير فإنّها تمرّ مرّ السحاب »
نصايحكم ..
ورايكم ..!!
اقتراحاتكم ...!!
حطوا نفسكم بمكاني :'(
ملاحظه : لو قلت موافقه بروح مع أخوي خلال 6 أسابيع من الآن
للعلم عمري الحين 28 سنه عشان تخاطبوني على قد عمري:)