الله يجزكم خير ...انا بحاجتكم ساعدونى ...

ا

ام ع الله

عروس جديدة

27-10-2003 | 02:17 PM

بسم الله الرحمن الرحيم ...

السلام عليكم ورحمة الله وبركاته ....

الى اخواتى اتمنى النصحه لي ....ابي حل لي حياتي ...خلاص اتمنى الموت ولا اعيش مثل هاذي الحياة ..

مشكلتى مع زوجي انا هلحين صارلي سنه واربعة شهور من زواجي ..

لكن عندى سنين على البوس الى انا عايشه فيه ...بدت مشكلتى بعد

شهرين من زواجي يوم حملت بولدي ... كان يقول انه ما يبي اولاد

وكان يبيني انزله ...ويحاول بي طريقه انه يسقطه كان يظربني على

ظهري ..ويرميني على الجدران ..وقولي مابيه انتى جبتيه غصب لي ...

انا مابي اولاد..ومرت على فترة الحمل ..كلها اهواش ..ومرض ..انصبت

بتسمم الحمل ...(الضغط) ...وجبت ولدي في الشهر الثامن بعمليه قيصريه ...

خوفنا" على من الموت ...او الجنين يموت ...ولدت في مستفي خاص على حساب هلى ..

ليش؟ انه كيف يدفع لى ايش بقول هله ....اختها ماترضا ..ليش ماولد في مستشفي حكومي ..

على العلم انه مقتدر ...ومع كذا صبرت وما قلت شي ..وبعد الاربعين رجعت البيت

ورجعت للهم والغم ...ضرب وصراخ واهواش ...كذا مره اساله ليش يعاملنى بهاذي الطريقه يقولي ...

مدري انا كذا ...مايبينى اقوله جيب اوشيل اوحط ...يهاوشنى اذا غيرت

شيء بلبيت .ياولى تكون سويت مصيبه .مايرضا لي اطبخ بلبيت يقولي

توصخينا ..اذا جلسنا مع بعض على التلفزيون اذا اقوله حط هاذا شكله حلو ..يهاوشنى ..

وقولى قومي نامى مع ولدج فكينى منك ..وانا على هاذا الحال ...

اشوفها وقت النوم فقط ..دوم جالس عند هله ....يكل عدهم ..يجلس عدهم ....

بيتنا مثل الفندق ..ادخل البيت ...على طول انام ..يجلسنى الصباح يلاا روحي بيت هلج ..

لاتجلسين توصخين لي البيت ...وهلحين حنا بشهر الصيام ...انا افطر عند هلى واهو عند هله....

مليت ذي الحياة ...اذا بغيت شيء ..يقولي خلي ابوكى اوصلك ..

اذا رجعنا البيت يفتش شنطتى ...واذا ناقصه شيء ياولى ..وين صرفتي فلوسك ...

وين رضعات ولدك وين بدلته وين لبس ...وين ..وين ..

اصبحت هلحين عصبيه جدا" ..... مااقدر اسمع كلام حد على طول اعصب واصارخ ...

ضغطى على طول يرتفع ..جانى قولون عصبي ...لدرجه انى اخاف هلحين على ولدى من عصبيتي ...

واذا اناقشه بي موضوع الى في يده يصفعنى فيه ...ومع هاذا كله ...

قلته اذا انت ماتبيني طلقنى ولا انى اعيش هاذا العذاب ...

(ام امساك بمعروف او تسريح باحسان ..) يقول انه يحبني وما يقدر يعيش من دونى ...

ويجلس يبكي على رجلى ...انا احس انه طيب بس ليش يعملنى كذا ..

على العلم انه في فترة الخطوبه كان يحبني بجنون ...وكان ما يرفض لي طلب ...

وعلى العلم هله يكرهونى وما يحبونى مع انى احاو ل اتقرب لهم باي طريقه ...

اذا رحت زرتهم اختى الكبيره مو متزوجه ..ماترد على السلام ...ومع كذا

ادخل واجلس ...وبكل صدر رحب ...ياخذون من ولدي ..ويتفحصون فيه

ليش شعره كذا وليش هاذا كذ ...اختى عندها ولد بعمر ولدي تاخذ يد

ولدها وتحطها على راس ولدي وتخلى يمشع راسه ..واذا ولدى حط يده

على راس ولدها تجلس تهاوش ..وتقول انا ما ارضها ..
ابي حل لانى احس انى ابي اموت ....من ذي العيشها ...

انا احبه ....مع كل هاذا الى مسويه فينى .....كيف اصلحه معي ...ساعدونى ...

انا اسفه على الاطاله ...اعذرونى
الله يجزيكم الف خير ...

حزن ..:cry:

ا

الملاك الحزين

عروس برونزية

27-10-2003 | 02:52 PM

السلام عليكم ورحمة الله وبركاته

يا اختى بصراحه ما عندى خبره ولا اى فكره عن الحل

الا هذا الدعاء

الله يصبرك و يفرجها عليك قريب و يصلح لك زوجك
الله يصبرك و يفرجها عليك قريب و يصلح لك زوجك
الله يصبرك و يفرجها عليك قريب و يصلح لك زوجك

امين

ص

صباح

عروس متألقة

27-10-2003 | 03:42 PM

يمكن زوجك يعاني من مرض نفسي او يمكن اهلة يحرضونة عليك لكن اختي لا تسكتين وتضعفين ترى يتمادى في تصرفاتة الجئي الى اهلك ما دام ان الامور وصلت الى هذة الدرجة ولن يكون اسوء من هذة الحالة خلي اهلك يوقفونة عند حدة ويتفاهمون معة يمكن يعرفون شئ انت ما عرفتي ترى اهلك راح يكونون اقدر منك على حل الامور واذا ما تعدل الوضع بعد تدخل اهلك ولا عندة استعداد الرجال انة يت:up:غير للاحسن اطلبي الطلاق وكوني حازمة في طلباتك حتى يحسب لك حساب اذا هو فعلا يحبك وباقي عليك الله يفرج عليك وعلى كل مسل:shy:م ومسلمة

إ

إبداع جديد

عروس جديدة

27-10-2003 | 05:42 PM

الله يرزقك الصبر
ويفرج عنك هالكربه قريبا
ويصلح لك زوجك
ويرده لك
وأنا أقول لك لا تتصمتين على هذا الحال وحاولي اصلاح الامور بحكمه
واستشيري من تظنين ان عنده المشورة النافعه
وبإذن الله ستجدين الحل

د

دموع وردية

عروس ذهبية

27-10-2003 | 06:20 PM

بسم الله الرحمن الرحيم

السلام عليكم ورحمة الله وبركاته

أختي العزيزة لقد حزنت عيك كثيرا وعلى مأساتك التي تعيشينها :confused: وما اقول الا الله يهدي لك زوجك.

بس عندي حل وان شاء الله ينفعش وهو اكيد بينفعش بس لازم تصبرين شوي بعد وهو انك لازم تقراين كل يوم سورة المؤمنون لانها نافعة بين الزوجين الي على طول عندهم مشاكل وبعد سورة يس تراها واااااااايد مفيدة وفظيعة ولازم تداومين عليها بشكل يومي ولمدة شهر او اكثر.

والحل الثاني بعد انك تصارحين زوجك. اذا صحيح الي يقوله بانه يحبك ليش هالضرب وكل هالمشاكل الي يسويها فيك واذا ما جاب نتيجة كلمي احد من اهلش يكون له مكانة عنده ويسمع منه زوجك يعني يتكلم معاه بالهدوء وحاولي اول شي يكون كل شي بالهدوء وبدون عصبية وباللين وبعدين اذا بعد ما نفع كلمي احد من اهله مثلا ابوه او خاله او عمه او اي احد يتقبل منه الكلام وهذي الخطوة ما تقومين بها الا اذا كلش ما قدرتي تقنعينه في البدايه وحتى قبل ما تكلمين اهلك يكلمونه.

والله يفرج همك وغمك وان شاء الله تسمعينا الاخبار الطيبة بعد كم يوم ان شاء الله :up: .

س

ساروونة

عروس جديدة

30-10-2003 | 07:38 AM

up

ا

ام ع الله

عروس جديدة

31-10-2003 | 12:34 PM

بسم الله الرحمن الرحيم...

مشكورين اخواتى على النصحيه ...وجزاكم الله الف خير ...

الله لا يضيق عليكم ابد ...

ومشكوين مرة ثانيه ...

حزن

ل

لولــي

عروس رائعة

31-10-2003 | 01:06 PM

أنا أنصحج على طوول تسيريين وتخبريين أهلج باءلي يصيير لك وهم يتصرفوون ...

والله يفرج كربج إن شاء الله

ا

ام ع الله

عروس جديدة

31-10-2003 | 01:32 PM

السلام عليكم ورحمة الله وبركاته..

اخي حصه ....

تعرفي انا ما احب اخبر هلى ...لانه الوالده مريضه ...وما ابيه تشيل همي ..

يعنى ما ابي الج الى حد الا اذا حسي انه معاد لي صبر ابد ...

وانا انشاء الله بديت بنصيحه اختى الكئيبة والله يعطنى على قد نيتى ...

ومشكورين جزاكم الله الف خير

ب

بدوية العين 2

عروس مشرقة

31-10-2003 | 07:25 PM

الله يعينج الغالية على بلواج و يصبرج ...أسأل الله أن يهدي زوجج و يخفف عنج ... أنتي استمري في مناقشته و إذا ما فاد اقنعيه أنه يروح عند طبيب نفسي يمكن لأنه مريض نفسيا ( كيف يقول يحبج و يبكي لانه ما يبي يطلقج بس يعاملج بهالطريقة السيئة؟) شكله اصلا مب طبيعي ...خلي هالشي بينج و بينه طبعا ... و الله يصلحه إن شاء الله ...

غ

غرٌِابه

عروس مبدعة

01-11-2003 | 11:23 AM

اختي ام ع الله ترى اللي يحصل لك يحصل حق كثير من البنات اللي اعرفهم

والشكله ان ازواجهم يقولون لهم احبك عقب الاهانه

بس انا بقول لك شي

بس تشوفين زوجك ضمي يدك حيل واقري سوره الاخلاص ( قل هو الله احد) وانفخي في وجهه بدون لا يحس على الخفيف

وقولي في قلبك ( اللهم ملكني قلب من احوجتني اليه ) قوليها كثيـــــر

ولا تنسين تشغلي سورة البقره دائما في بيتك وتقرينها انتي بعد

وشوفي اذا هو جا يعصب عليك ويزفك انتي ابتسمي حتى لو من ورى قلبك وقولي له انشالله وبس ولا تردين عليه بكلمه غير انشاله والله يهيدك

وصدقيني اذا تميتي كذا راح هو يحس ومالك غير الدعاء والتهجد بالاسحار

وصدقيني على الله توكلي

وعلى ضمانتي انشالله :up:

وبشريني اوكي

اي نسيت حطي بالك على ولدك حيل ودلليه واذا جا ابوه علميه يروح يبوسه اول ما يدخل يعني خل ولدك يبوس ابه

انتي توديي حق زوجك عن طريق الهدايا - الورود - واشياء يحبها

يعني ادخلي لقلبه من خلال اللي هو يحبه

وانشالله راح تستوي الاموووور بالقريب العاجل

انا اقولك عن خبره :yes:

م

مجـدي

عضو مبدع

01-11-2003 | 11:33 AM

عصبيتك هي سبب معاملة زوجك لك هذه المعامله هدي اعصابك واسمعي كثيرا للقرأن الكريم وان شاء الله تهدأين وانصحك بمعالجة سبب العصبيه عندك توددي لزوجك وكلميه برقه وحنان وان شاء الله يكون فيه الخير الكثير شوفي وجربي حاولي ونحن معك ندعو لك

م

مرموم

نائبة المشرفة العامة

01-11-2003 | 11:34 AM

ما شاء الله...أعجبني حل أختي غرٌِابه و أختي الكئيبة...

الله يوفقهم يا رب و يرزقهم باللي في بالهم...

و الله يوفقك يا أم عبد الله و يهديلك زوجك...

تحياتي...

d

darmaki

عروس جديدة

01-11-2003 | 12:06 PM

السلام عليكم ورحمة الله وبركاته
كيف الحال أختي الكريمة
بصراحة انتي فاجأتيني بهالكلمات الموجعة وما في حل أحسن من اللجوء الى الموعظة الحسنة والكلمة الطيبة حاولي انج تفهمينه ان اللي يسويه غلط ولازم يتغير واذا ما فاد هدديه انج بتروحين بيت اهلج وبتفشين كل الأشياء اللي كان يسويها معاج واذا ما فاد معاه روحي بالفعل عندهم وخبريهم علشان يحطون له حد للي يالس يسويه في بنات الناس وبعدين الانسان ما عنده غير كرامته فحافظي على كرامتج دايما

ش

شما الشامسي

عروس جديدة

01-11-2003 | 01:11 PM

بسم الله الرحمن الرحيم

السلام عليكم ورحمة الله وبركاته

اختي انا نصيحه من عندي انه يوم يدخل زوجج البيت اتقوليله بكل هدوء ونظرات حب ورمانسيه : أنا في خاطري شي ابا اقولك ايها اتنزلين ولدج بيت اهلج وتسيرون مكان هاديء وتصارحيه وطلعي كل الي في قلبج واذا ما فاد وياه قوليه طلقني وكوني مصره لان الريال يوم يشوف الحرمه قويه وعند كلمتها يتغير ولا تخلين مشاعرج تغلبج وها نصيحتي.

ل

لاليتا

عروس جديدة

01-11-2003 | 01:51 PM

حبيبتي ... الله يعينتش يارب ... والله ما فيه احسن من الدعاء ودعيه يوم يطلع واستقبليه بدعاء ..... قومي الليل وقوميه معاتش ... خليه يأم فيتش في الصلاه .. حسسيه بأن البيت قصر ومن دونه خراب.... وانه هو العمار الي في حياتش كلها .... ونصيحه...[SIZE=4]لا تنشغلين بالطفل عنه تراه هو بعد طفل بس كبيييييير يحب الدلال[/SIZE]........لا تحرميه منتش كوني انتي أمه ... وراعيه ..... واذا قادرين عقب هااطلعوا بيت بروحكم