ابي اسال
انا كتبت موضوع اني اتعالج نفسيا
لمده طويله جدا
من اكثر من 6 سنوات
انا من السعوديه من الرياض
ابي اسال
انا رحت للدكتور وقال استخدمي العلاج لمده 3 شهور ونص
المهم
قال مايحتاج تجون استخدميه 3 شهور ونص ولايحتاج تجون
امي سكتت ولقاالت شي بالبدايه
سالته يعني خلاص ماراح توديننا له
هاوشتني وصرخت علي
لا اشوف الله يحيينا مدري وش
يعني بجلس عمري كله عند الدكتور النفسي
مااعيش حياتي
كل يوم ابوديك مره ثانيه
ويقولي خلاص مايحتاج
وتوديني مره ثانيه
الى متى يارب
تركت كليتي بعد 3 سنوات من دراستي بتخصص الجغرافيا
تركت الكليه وش اكثر من كذا تعالجني لوش
قلت انا بستخدم العلاج زي ماقال الدكتور بس خلاص ماله داعي اروح مره ثانيه
ماابي ياناس ماابي نفسيتي تعبانه خلاص ماابي اشوف الدكتور
او الموت احسن
كبدي بتطلع من مكانه
او يمكن انا مكتبو لي الحزن والتعاسه والياس طول العمري
ماعمري حسيت بالفرح حتى بالاعياد ماعمري حسيت اني مبسوطه او فرحانه
دايما حزن وتعاسه وكابه
ودكتور نفسي ومشاكل مع امي
ورسوب رسوب رسوب
وعدم وجود صديقات ومشاكل مع امي
وجهي كله حبوب وجالسه اعالج بشرتي
كنت اروح الكليه مواصله وتعبانه
اول مافكرت اني اترك الكليه وجلست بالبيت ماقدرت اتاقلم على الوضع الجديد
وبعدين تعودت
تعودت ان حياتي كله رسوب تعودت ان ماعندي صديقات
تعودت على قسوه امي
تعودت ان وجهي دايم في حبوب
مره كنت قاعده مع زميلتي بالكليه لوحدنا وقلت لها لو امي تموت
في احد عنده ام قاسيه مثلي ولا بس انا اللي امي كذا
قاسيه وبقوه
تعودت تحرجن قدام اصحاب المحلات بالسوق
وقدام الحريم بالمشغل
وقدام الناس بالاجتماعات
حسبي الله ونعم الوكيل
مدري انا مكتوب لي التعاسه والحزن والياس ولا
انا وش سويت
طيب الدكتور قال استخدمي العلاج 3 شهور ونص ولاعاد تجين
ليش تهاوشين وتقول يصير خير
هو قال لاعاد تجون
ياست ماعاد ابي اعيش
حياه تقصر العمر