عنايه للمتزوجات (فكره + متجدد)

ام الزبير هلا والله وغلا

ولا يهمك يالغاليه تابعي وشاركيني عنايتي وصدقيني ان شاء الله راح تنبسطي

حتى اذا كنتي مشغوله

وانا في مشاركتي التاليه بكتب لكم الي سويته هاليومين

بسم الله نتابع

انا تكاسلت لاني كنت مشغوله مع اهلي وانتم ما رديتو فاجلت الموضوع

اذا بتحمسوني اكيد بكمل وبكمل لين نوصل مع بعض لنتائج مرضيه بس الي بيتابع برنامجي ويستخدمه يقول عشان اعرف كم الي متابعيني

يالله توكلنا على الله ياجميلات


::

اول ما قمت من النوم
بدأت بالفطور الصحي والخفيف بسم الله
خبز توست وقطعة صغيره جبنه وخضار تعرفون كلمة خضار هههههه هذه الي ماناكلها الا وين ووين
ودائما مع الاكل مو لحالها ناكلها هههههه
ادري انكم تعرفونها بس اكيد ما ناكلها بحرص
يعني شي بسيط ممكن يخليكي تتغيرين لان الخضار مره مهمه للبشره والشعر
وانا ما اكتشفت هالشي للاسف الا بعد ما جاني نقص الحديد
بدات افهم قيمة الخضار والفاكهه وشرب الماء
الله يهديني ويثبتني يارب ويعافيني من هالنقص في الحديد لانه اذا كثر معدل النقص تتضاعف الاعراض ويصبح صعب تفاديها
المهم شوية خس على شوية جرجير على طماطم على عصرة ليمون كذا ولا احلى
والفاكهه اذا كل يوم تفاحه
اللحين البرنامج الغذائي ماراح اسهب فيه لاني ما ابغا احوس في المشاركه واضيعكم معاي هههه
::
المهم بداية العنايه
حطيت زيت في شعري وحطيت على جسمي خلطة الوزير
الزيت 3 ساعات تقريبا والخلطه من ساعه لـ ساعه ونص تقريبا
وفي هذه الاثناء جهزة عدة الاستحمام
اخذت معي زبديتين صغار وحده فيها سدر وورد وحليب وماء
والثانيه سكراب خصصته فقط لرجلي مع الساق ويداتي يعني كميته قليله
وليمونه
ودخلنا حمام الهنا
غسلت جسمي وشعري من الخلطه والزيت
وحطيت السدر بس على وجهي عشان ابغاه ياخذ راحته مع السدر لين اكمل شغلي
وبديت السكراب على رجلي وساقي ويداتي وهاتك يافرك فرك لين خلصت غسلت السكراب
وفركت بالليمون الاماكن الي مضايقتني
ووزعت باقي السدر على جسمي

وشويتين وغسلته وخرجت من الحمام وانتم بكرامه

طبعا بعد الاستحمام

نفس برنامج الترطيب مايحتاج اعيده

وقبل النوم

غارنيه حول العينين
مرطب الشفايف
ترطيب الاقدام والايادي
وترطيب التشققات في الفخذ

احب انام بدون خرابيط

وبرنامج اليوم التالي بكتبه ف الرد الجاي

اول ما قمت من النوم غسلت اسناني
وغسلت وجهي بالغسول الي ما ارتحت الا بعد ما عرفته الله يسعدها هالدكتوره الي وصفته لي
والله يابنات والله انا وجهي ولله الحمد عمره ماعرف الحبوب او الدهون
بشرت وجهي مختلطه ومايدهن كثير بعد ما تزوجت اشتريت غسولات
منها كلين اند كلير وهملايا وغيرهم وغيرهم
وجهي انعدم صار يفرز دهون كثير وتعبني واتفاجاأ بالحبوب في الجبهه ومنطقة اسفل الفم الدقن يعني
وبدأت المعاناة اشتري وابتلي اشتري وابتلي حتى اني كرهت شي اسمه ترطيب وجه
لين رحت لهالدكتوره اسمها حنان طيب ( سعوديه )
وشكيت لها حالتي قالت عندي لك غسول طبيعي وطبي وخالي من الصابون والكحول
انا خفت في البدايه قلتلها يادكتوره ترى الغسولات تناسبني بس اول استخدام بعدين الثاني والثالث الاحظ ان بشرتي صارت دهنيه
كلمتني بثقه خذي هذا وبعدين نتكلم قلتلها والمرطب يادكتوره والله مايجلس وجهي قاطعتني وقالت استخدميه طيب وبعدين نتكلم وهي تضحك
قلت خليني اشوف واخذته على بركة الله
اول شي عجبني ف الموضوع انه متوفر في الصيدليات مو بس عند الدكتوره عشان اضمن السعر ما يتغير وانه متوفر في كل مكان
ثاني شي اول ما غسلت وجهي زي اي غسول ناسبني
ولكن الي عجبني ولفت نظري ان من اول غسله راحت اللمعه الي كانت مضايقتني ياسلام ماشاء الله تبارك الله
قلت بسم الله بحط اللوشن حطيته طبعا نقاط مو تغرفين وتقولي اني كذابه هههههه
المهم حسيت وجهي نظيف وفرش بعد اللوشن انا كذا انبسطت
يوم ورا يوم لقيت الحبوب صغرت ونشفت صارت نقاط تتلمس في الجبهه
بدات اتفائل لان وجهي ولله الحمد ماعمري شفت فيه حبه واللحين مستمره عليه وان شاء الله على طول
الغسول السحري بالنسبه لي واكثر من رائع هو غسول فيشي (VICHY) والمرطب من نفس الشكره



الصوره من النت طبعا

والله يا بنات قد ما امدح ما تصدقون افظل غسول استخدمته للحين
:
:
نجي دحين بعد غسل الاسنان طبقة المرطب المكثفه الي كانت على شفايفي يبغالها تقشير
واقشرها براس الفرشاه بدون مايكون فيها معجون لان المعجون يسبب سمار في الشفه والجلد الي حولها وقشري وعيشي بعدها باحلى شفاه ناعمه ونديه وطريه ياسلام

وبعدها كنت صايمه ما فطرت ولكن اخترت فطوري يكون لبن وثمر
وبعدين على العشاء كذا يكون قطعة خبز اسمر او توست مع جبنة قليلة الدسم
واذا تبغي تشربي شي اختاري قهوه لايت او شاي وبديل سكر
انا استخدم تروبيكانا
واحاول اشرب كميات مويه كثير ولكن اللحين صايمه الايام البيض
فما اقدر اشرب كل شوي

المهم عنايتي لهذا اليوم
ماحطيت زيت لاني قررت يوم وترك او يومين ف الاسبوع لان شعري دهني
حطيت كريم جلسرين وليمون على جسمي لمدة ساعتين
ودخلت الشاور ومعايا ملح اليوكو وغسول الجسم
اليوم مافي غسل شعر طبعا
وفركت بعد ما غسلت وشطفت جسمي بالشور تبغي وخرجت

وعملية الترطيب ما تغيرت حسب الجدول
انا مخليه نظام عنايتي بالجدول يوم مكثف ويوم خفيف
عشان انا محتاجه نتائج سريعه وما ابغا ف نفس الوقت اتعب بشرتي

عنايتي ف يدي ورجلي لهذا اليوم
جلسرين سائل وليمون وخليتهم ساعتين وبعدها غسلت بالليفه وفرك
وبعدين ترطيب احيان اخليها كذا لمدة ساعتين واحيان البس قفاز الي يجي اكياس
مو الي يجي مطاط زي حق الدكاتره لا استخدم الكيسي

وقبل النوم نفس النظام تقريبا

عنايتي في وجهي: سكراب وقناع ولكن مو كل يوم نفس القناع ولا كل يوم سكراب
الى الان ما سويت ولا شي لوجهي غير كذا لاني مبسوه من الغسول
واذا سويت شي بكتبه لكم

واذا حابين انزل لكم جدول كامل او برنامجي الغذائي اطلبو ولا يهمكم
وغير كذا اي سؤال انا حاضره
ولكن ابغا حماس وتفاعل
ابغا نشجع بعض على الاهتمام والتنظيم سواء زوجك موجود او لا
واليوم لسه عنايتي له راح اكتبها بعد ما اعتمدها وانتهي منها

بالنسبه للرياضيه انا ما احب الرياضه

يا امشي على السير نص ساعه

يا استخدم جهاز الهز 10 دقايق

يا ارقص مصري ههههه ولكن احاول بدون موسيقى

يا ادور في البيت بطريقه عشوائيه

وكل هذه الحركات حسب كلام اخاصائيين التغذيه مفيده جدا لتحريك وتشغيل عملية الايض (حرق الدهون) في الجسم

وكافيه تماما للي ما يحبون يعملو رياضه او ماعندهم الوقت الكافي لها

بالاضافه لشرب كميات من الماء

نسيت اكتب لكم النتائج في هاليومين

اكيد ماراح تكون وااااو ولكن نسبيه

وجهي ولله الحمد قلت لكم خفت الدهون والحبوب صغرت وبدات تختفي
وبشرتي ماشاء الله تبارك الله اكثر صفاء ونقاوه ولله الحمد

يداتي ورجولي شوية تحسن خفيف ولكن الاماكن السمرا مازالت مصب اهتمامي
التفتيح فيها نسبي جدا ولكن النعومه ماشاء الله تبارك الله ياسلام عليها

جسمي بدات اثار الشمس تروح ولكن مو بالشي المذكور جداً ولكن بالنسبه لي حاسه بفرق

شعري لا جديد مو معقوله من اول حطه زيت بيصير باروكه هههههه ولكن حلمي ان شاء الله

اسوي تمشيطة ذيل الحصان وشعري طويل وغزير ما اتفشل منه اهئ اهئ

ان شاء الله ربي يكتب لي شعر كذا قولو امين

انتظر مشاركاتكم حبيباتي

اليوم جمعه

اكتفيت اخذ دوش بالسدر وخلاص

وترطيبات المعتاده

عنايتي الاسبوعية


اسوي سكراب لجسمي مرتين في الاسبوع سكر و ملح و زيت زيتون يعطيك نعومة حلوة

للقدم طشت واحط فية ملح وماء وليمون 20 دقيقه اخرجها وافركها بحجر البركان اقص اظافري وابردها وادهنيها بفازلين

ترطيب للجسم جلسوليد اضع عدة زيوت جلسرين سائل جنين القمح زيت الجوجبا ليمون فازلين زبدة الكاكاو


لليدين ضعي في طشت شوفان وليمون وملح شوية شامبو وخليها 20 دقيقه
تكوني مجهزة صحن فية ملح ومقشر مشمش وليوم وبكربونات الصوديم وفرشة اسنان وافركي يدك
نعومة وتفتيح

المشكلة وقت اختباراتي وقت مايجو ضيوف اهمل نفسي واعيد من اول وجديد


ع الاجازة الكبيرة باجرب الحمتم المغربي

ما شاء الله الله يعطيك العافية وبإذن الله ربي يوفقني

ما شاء الله ذكريات الامل عنايتك جميله وسهله

بسالك بخصوص عنايتك باليدين كم مره تسوينها وهل تفتح مفاصل الاصابع ؟؟

المكونات كلها عندي بس ابغا اعرف اذا نتائجها واضحه او لا

ام الزبير كان ودي تكتبي لنا مشاركه منك تنورين بها الموضوع

:
:
:
انا حاليا احط مرتين زيت ف شعري

ومستمره ان شاء الله على برنامجي ان شاء الله ما يجي اخر الشهر الا والنتائج كلها واضحه

بالنسبه للحين في نتائج نسبيه

ارحظ تفتيح في يديني ورجليني ومفاصلهم ولكم مازالت المفاصل اغمق

ولكنها تحولت من البني الغامق الى الفاتح

اتمنى نحصل على النتائج المطلوبه كلنا

بالتوفيق ولي عوده