استفسار .. بنات الأحساء

الله يرزقك الذريه

أنا كنت ساكنه الرياض والحين نقلت الشرقيه

ومثلك محتاره وين اروح اسوي أشعة الصبغه


حبيت ادخل ادعي لج الله يرزقج وكل من يتمنى

ام فارس
تسلمين اختي على الرد

والله يرزقك يااااارب


وينكم يا بنات الاحساء

الله يرزقكم الذرية الصالحة قريبا..

انا من الاحساء بس ما عندي خلفيه في هالاشياء

بس اذا تعرفي نجوى في الادريسي روحي لها لعل وعسى تفيدك لانها قدييييمه قدم جدي
وموفقه ان شاء الله

اللهم أطعمنا بالذرية الصالحة جميعاً يارب العالمين

انا سويت الصبغه فب الحكومه
مستشفى الولاده ولاطفال بس ماذكر دكتور او دكتوره لان قبل ٥ سنوات تقريباً او زود
والله يكتب لكم الحمل السليم المعافه ويرزقني

تسلمون حبيباتي على ردودكم

بس بسال عن رايكم عن مستشفى الولاده
لاني اخذت تحويله من المركز لمستشفى الولاده
بس اللي سمعت عنه ان مواعيدهم بعيده
لكن العلاج مامره سمعت عنه

اللي تعرف عنه شي تقول لي
والله يعطيكم العافيه

اختي انا سويت اشعة الصبغة في مستشفى الولاده
بالنسبه لي ارتحت لهم حيل وفي فرصة يحولونج على التخصصي في الرياض اذا اضطر الامر لعملية انابيب لا سمح الله
المستشفيات الخاصه بس اهم شي الفلوس تحاليل وادويه واشعه

اختي شفاء طمنتيني

سوتها لك دكتوره ولا دكتووور

تالم ؟؟؟

بس سمعت عن مواعيدهم مررره بعيييده

حملتي بعد الاشعه ولا ؟؟

سووري طولت عليك بالاسئله ..
بس لاني بسويها ومررره خااايفه

لا تخافين اختي
لا انا ما حملت بعد الاشعه وحولوني على الرياض بعد كورس علاجي
بالنسبه لتألم اكذب عليج اذا اقول لج لا بس تراها فتره بسيطه بتحسين بآلام مثل الدوره وبعدين يسحبونه خلاص
ممكن ينزل دم معاك خذي احتياطك ، وبتحتاجين تريحين كم يوم
اللي سوتها دكتوره ضخت الماده والدكتور كان واقف جنبي يشوف الشاشه بس ما يشوف من جهته شي
هالكلام قبل سنين ، توني رايحه المستشفى وشفت الاوضاع تغيرت وحتى الدكتور اللي دخلت عنده رجال مو مره
ونفس الشي تحاليل واشعه ومواعيدهم صحيح بعيده بس بالنسبه لي كان شي مريحني لان انا اصلا ما احب المستشفيات
بس وقت اللي كانت الدكتوره تتابع التبويض كنت كل شهر اروح ارقى فوق الدور الثالث تقريباً مو ذاكره
اختي انا الحين عندي بنت توكلي على الله وروحي على الاقل علشان تطلعين من عذر نفسج
واهم شي الاتكال على الله
الله يرزقج الولد الصالح البار

تسلمين ياقلبي
وان شاء الله بتوكل على الله هالشهر وبروح
اشوف لي موعد
وان شاء الله يكون اول موعد ثاني يوم من الدوره
عشان اسوي التحاليل

والله يسمع منك ان شاء الله

انتي بعد كم سنه من زواجك حملتي ؟؟

الله يفرح قلبج وان شاء الله تحملين بدون ما تحتاجين علاجات
بس الانسان ما عليه الا انه يتوكل على الله وياخذ بالاسباب
انا حملت بعد 7 سنوات
كم صار لج انتي متزوجه؟

الله يسمع منك حبيبتي
ابدددااا ماااحب المستشفياات وهالعلاجااات
الله يعييين

انا صار لي اربع سنوااات وشهررر بالضبط
وان شاء الله احمل طبيعي ياارب
اخااف من الحقن والانابيب مااحب اسووي هالاشياء
الله لا يحوجنا لهاا

مساء الخير ياقلبي أخبارك إن شاء الله تمام ..

شوفي ياقلبي أنا كنت مثلك وكنت اراجع في مستشفى الولاده وكانت مواعيدهم طويلة
واللي كنت اراجع عنده كان إستشاري يعني كان دكتور ..
لأنه كان عندي تلخبط بالدورة وإنتي بكرامة والغلط اللي كان يسويه كان يعطين كورس ادويه من غير فحوصات

وزوجي رفض إنه اروح ويكشف علي رجال غيرناه ورحت مستوصف خاص ( مستوصف داهم ) وكان فيه دكتورة
الله يذكرهاا بالخير إسمهاا وفاء كانت ممتازه سوتلي فحوصات وتحاليل وطلع عندي هرمون الحليب مرتفع
وهذا الشئ اللي كان ماخر حملي ..
بس الحمد الله مع كورس الادوية اللي تابعتهااا معهااا خلال 5 شهور حملت واللحين عندي ولد وبنت الله يحفظهم
ويحميهم من كل شر ويهديهم ..

إذا عندك مجال سوي تحليل هرمون الحليب وشوفي إذا كانت نسبته زينه ولا لأ قبل لاتوسين الصبغه ..
والله يكتبلك ويكتبلي وجميع المسلمات بالحمل الطبيعي والسليم يارب ..

عندك مستوصف المغلوث دكتوره توحيده بس ززززحمه عليها

ليالي
الله يحفظهم لج يااااارب
ويرزقك بالحمل قريبا ان شاء الله

انا قبل سويت تحليل الهرمون وتحليل الغده
طلع عندي تحليل الغده سليم
وتحليل هرمون الحليب طلع اشوي مرتفع وعالجته
لمدة شهرين تقييبا بس ماصار حمل

اللهةيكتب لنا كل خير ياااارب

لجوونه
تعالجت عند توحيده شهرين
بس ماكملت عندها

على فكرة يا عبق الورد انا حملت بعد ما تركت كل العلاجات وبقى على الحقن المجهري لي شهر بس
بس ارادة الله فوق كل شيء
يوم وقفت كل الادوية حملت
الحمد لله رب العالمين
لذلك تفاءلي وعيشي حياتك
الله يرزقنا واياك الذريه الصالحة بدون علاجات ولا مستشفيات ولا هم ولا بطيخ

شفاااء

الحمدالله ان ربي عطااااج
والله يرزقك قريبااا باخو او اخت لبنوووتج الله يخليها

وانا الحمدالله متوكله على الله
ومتفائله ان الله بيحقق حلمي قريباا


تسلمين الغاليه ع ردج
الله يرزقك ياااارب