تكفون دعوة و نصيحة الله يوفقكم

السلام عليكم ,
هذه اول مشاركة لي في منتداكم الكريم , فتحت محل نسائي لفساتين السهرة و خذيتها و خذيت الوكالة من ماركة امريكية حيل ممتازة , وجبت من كل فستان قطعه وحدة علشان تتميز صاحبة الفستان ,و اسعاري من 1500 الى 2900 ريال , طبعا هذه اسعار منافسة,وزدت في المحل اكسسوارات من كل الانواع الكلاسيك و الهبات مثل السبايكي , الحية و غيرها و طبعا كميات محدودة و الحين صار لي سنة بس ما قدرت احقق ارباح .... البضاعة على الموضة وستايل ...الاسعار معقولة .....الايجار عالي 12000 ريال شهريا............و محلي ديكوراته فخمة .... قعدت في المحل بنفسي علشان اعرف السبب هل هو نوعية البضاعة ....السعر ......الخدمة ...........واكتشفت إن المكان هو السبب ....المكان ما عليه اقبال ... انا فتحت المحل في مجمع تجاري سكني مو مول ... والي استغربه ان سبلاش قريب من محلي وعليه اقبال ..بس المحل ما عليه اقبال و لما يدخلون على زبائن يقولون لي إنه اول مرة يشوفون المحل مع انه صار له سنه ....ز اسفة طولت عليكم بس من الغصة الي فيني .. شقى العمر كله في المحل .... ابغي منكم دعوة بظهر الغيب بأن يوفقني الله و يفتح علي ابواب الرزق ...و ماهي الطرق و الاساليب الي تنشط المحل ...تكفون في انتظار دعواتكم و نصائحكم .:035:
وجزيتم الجنة.