بنااات جبتلكم اكله تسوونها بأول يوم فطور رمضان .. سووها واكشخوا

بنااااااات هالاكله مرة رهيبه وانا دايم اسويها برمضان وغير رمضان لانها تصلح بكل الاوقات
وتحضيرها سريع وماياخذ وقت
بصراحة كل وحدة عطيتها هالوصفه جتني ثاني يوم وتقولي وربي دعيتلك وقت الغدا انك بيضتي وجهي قداااام اهلي

يلا حبوباتي سووها وقولولي شلون طلعت معكم


1- نجيب توست منزوع الاطراف ونرص شرايح التوست بصينيه متوسطة الحجم (( تبيها طيقه واحدة او طبقتين على كيفك ))

2- نجيبب علبة حليب السعوديه ونرشها فوق التوست بحيث انكم ماتغرقوا التوست بالحليب بسسسس رشوه عالتوست

3- اتركي التوست على جنب

4- قطعي بصل وكشنيه على النار مع الزيت الين يحمر شوي وبعدين حطي فوقه علبتين تونة ((مصفى الزيت منها )) وقلبيها مع البصل وضيفي بهار + ملح + ربع مكعب ماجي

(( ممكن لو ماتحبوا التونة تستبدلوها بصدور الدجاج المسلوقه ))

5- حطي خلطة التونة على التوست ووزعيها تمام عالتوست

6- جيبي زبديه وحطي فيها (( 1 علبة قشطة + 2 ملعقة كبيرة جبنة بوك كاسات + 2 ملعقة كبيرة مايونيز ))
اخلطيهم سوا الين يصير كثافة الخلطة زي كثافة البشاميل

7- حطي خلطة المايونيز فوق التونة ووزعيها عليها

8- الصينيه دخليها الفرن بس تتحمر من فوق شوايه يعني



وبالهنا والعافيه


ملاحظة :

ترى الشباب ممكن يسوونها لانها سهلللله (( يلا سووها ووقتها الكل بيشهد انكم احسن شيفات ))