السلام عليكم خواتي
بدش بالموضوع على طول
الله يسلمكم عندي ولدي عمره سنتين يعني تقريبا سنتين الا شهر وسرته وايد بارزن لي بره
وهالشي مو يديد اهو من ولدته وسرته كانت بارزه لان كان يستعسر ويصيح وايد ليمن ابرزت
وقتها وديته الدكتور قالي ان ليمن يحبي راح تدخل عادي
وسألته عن حركة الربط
حركة الربط الله يسلمكم الي موعارفتها ان اييبون امية فلس او شي مدور صغير ويحطون عالسره ويربطون بحبل مثل الحزام
المهم انا ماسويتها لان الدكتور قال هذا كله كلام فاضي فما سويتها
وفعلا اسم الله عليه من بلش يحبي احس دشت وصارت عاديه ما حسيت شكلها في شي؟!!!
بس الحين قمت اشوفها بارزه وايد والكل يسألني باستغراب ان ليش سرته بارزه
مع ان اسم الله عليه عادي ما احس يشتكي منها او تعوره
بس شكلها يخوفني
الله يخليكم الي عارفه تفيدني والي موعارفه ترفعلي الموضوع بدعوه ياعسى ربي يعطي كل وحده فيكم الي تتمناه وخير لها اللهم امييين
سرة ولدي تكفون خواتي طمنوني ،،،،
ن
19-11-2012 | 04:55 AM
«
19-11-2012 | 05:08 AM
ياليتك ربطتيها بالفلس نحنا برضه نستعمله وفي احزمه بالصيدليات لها الشي
نصيحتي يالغاليه روحي وديه عند دكتور جراحه علشان يكشف عليها ويطمنك اكثر وماتخافي فوضي امرك لله
وانا من وصفك اتوقع طبيعي بس علشان تطماني اكثر وديه طبيب
والله يبلغك فيه كل خير ويريح بالك
نصيحتي يالغاليه روحي وديه عند دكتور جراحه علشان يكشف عليها ويطمنك اكثر وماتخافي فوضي امرك لله
وانا من وصفك اتوقع طبيعي بس علشان تطماني اكثر وديه طبيب
والله يبلغك فيه كل خير ويريح بالك
م
19-11-2012 | 05:32 AM
اعتقد لازم تراجعي الطبيب
r
19-11-2012 | 08:28 AM
وديه عند الدكتور لا تترين اكثر .. وما عليه شر ان شاء الله اختي ..
ا
20-11-2012 | 08:20 AM
ان شالله يارب ماعليه الا العافية
بس لازم توديه دكتور ويشوفه لان احيانا مو دائما يكون انتفاخ السرة وبروزها يكون سبب فتق لا قدر الله
انا مابدي خوفك بس حتى تطمئني اكثر واصلا الفتق مايخوووف يعني ... وان شالله ابنك مافيه غير الخير والعافية يارب
بس لازم توديه دكتور ويشوفه لان احيانا مو دائما يكون انتفاخ السرة وبروزها يكون سبب فتق لا قدر الله
انا مابدي خوفك بس حتى تطمئني اكثر واصلا الفتق مايخوووف يعني ... وان شالله ابنك مافيه غير الخير والعافية يارب
k
20-11-2012 | 09:17 AM
ما عليه شر حبيبتي وديه حق دكتور احسن عشان تتطمنين
ع
20-11-2012 | 09:56 AM
اخوي كذا مثل ابنك الله يسلمه عمره اخوي سنة وعشره شهور ومن ولادته سرته بارزة مرة
مثل الاصبع شكلها من كثر ماهي طالعه وديناه للدكتور قال بس يكبر شوي بسوي لها كوي
وربطناها بالفلس فضه بس ما استمرينا هم يقولوا انها ينفع لها الربط والله يعلم بس الحمد لله الان نزلت كثير
وصارت احسن من اول وما سوينا لا كوي ولا شي
الله يعافي ابنك ويسلمه
مثل الاصبع شكلها من كثر ماهي طالعه وديناه للدكتور قال بس يكبر شوي بسوي لها كوي
وربطناها بالفلس فضه بس ما استمرينا هم يقولوا انها ينفع لها الربط والله يعلم بس الحمد لله الان نزلت كثير
وصارت احسن من اول وما سوينا لا كوي ولا شي
الله يعافي ابنك ويسلمه
ل
20-11-2012 | 02:15 PM
ماله شر بس تطمني احسن عند الطبيب
ن
24-11-2012 | 03:51 PM
بعد قلبي خواتي لا خلى منكم ولا عدم تسلمون وماقصرتو وربي يبرد على قلوبكم ويفرح كل وحده باللي تتمناه ان شاء الله
وديته الدكتور وقالي اي بارزه بس عطاني موعد تاريخ 15/1
وقالي لازم يكمل سنتين فلي يوم الموعد بيكون باذن الكريم مكمل سنتين وشهر وقتها بيقرر
يعطيكم العافيه حبايبي
وديته الدكتور وقالي اي بارزه بس عطاني موعد تاريخ 15/1
وقالي لازم يكمل سنتين فلي يوم الموعد بيكون باذن الكريم مكمل سنتين وشهر وقتها بيقرر
يعطيكم العافيه حبايبي
ا
27-11-2012 | 09:43 PM
حبيبتي ماعليه شر ان شاء الله ,, هو المفترض ماتكون بارزة بارزة بس ببداية الشهور ممكن بسبب الامساك والاسهال فممكن تصير بس بعد ينخاف بهالوقت من الفتاق لانه نسبة من الاطفال تصيرلهم بشكل مفاجأ والسبب ممكن يكون الامساكـ او الانتفاخ او وراثي ... فمن جذي مثل ماقال الدكتور بالاول يكمل السنتين وبعدها يسوون له فحوصات يتأكدون ان ماعنده مشكلة بالجهاز الهضمي ككل لان مو شرط الفتاق هو اللي يسبب هالشي وممكن انه مجرد انتفاخ من الغازات اوو تجمع للبراز وانتي بكرامة فانتي شوفي نظام ابنك بالتبرز اولاا وثانيا زيدي له كمية المااي بغذائه وشوفي شلوون يتغير وضعه وربي يشفيه وان شاء الله مافيه الا كل خيرر ياااااارب ..