زوجــي الخـائــن

بسم الله الرحمن الرحيم
السلام عليكم ورحمة الله وبركاته

انا حزينه جدا وما عرفت احل مشكلتي :'(
اتمنى تنصحوني وتساعدوني وجزاكم الله خير
حاولت اختصر بس اتحملوني شويه حبيت اوضح كل شي واطلع شويه من المكتوم بقلبي

انا متزوجه من فتره والحمدلله

كنت اعتقد ان زوجي افضل زوج وكنت اعتقد انه انسان يخاف الله وعنده ضمير
كنت اصدق كل كلمه يقولها لي
وابدا ابدا ما اشك فيه ولا اشك بكلامه
والشك بعيد عني
كنت اشك بنفسي وما اشك فيه :'( بس للأسف

بداية القصه
تزوجنا وبعد زواجنا بفتره قصيره تقريبا شهر وأيام زوجي سافر لندن للدراسه
ظل بلندن فتره تقريبا سنتين وانا بعيده عنه ما قدرت اروح معاه بسبب ظروف دراستي
والحمدلله الظروف بالبدايه كانت صعبه
لكن شهر 7 اللي فات قبل رمضان سافرت لزوجي لان كان عندي اجازه
وظليت معاه لمدة شهرين رمضان والعيد وكنت سعيده والحمدلله حملت بأول حمل

اكتشفت اني حامل بلندن وكنت سعيده وزوجي كان سعيد والحمدلله

بس بعدها اكتشتفت اشياء كثيره ما كنت اعرفها
ياليتني اكتشفتها قبل الحمل بس الحمدلله قدر الله وما شاء فعل

بالبدايه زوجي كان طالع الدوام والشقه مافيها تلفزيون ولا نت ولا شي يسليني
كنت اتسلى بالتنظيف
وزوجي قال اذا حسيتي بملل افتحي لاب توبي في مسرحيات حلوه وافلام كوميديه وافلام كرتون ووو

سمعت كلامه وقلت بتسلى وفتحت الاب توب دخلت على الملفات بس مالقيت شي ؟؟!!!
استغربت وظليت ابحث عن الملف وابحث
تذكرت ان زوجي يخزن كل شي بالداتا
دخلت وتفاجأت بملف محادثات ماسنجر :'(
ومكتوب ايميلات بنات ،، قطوه ودلوعه وشوشو ووووو !!!!!!!!!!!!!

انصدمت بس قلت اكيد في شي غلط ؟؟؟؟
دخلت على المحادثات اتأكد وافهم شنو الموضوع ؟

تفاجأت بمحادثات حب وغرام
والاعظم اني تفاجأت بمحادثه مع وحده محادثه خطيييييييييييره :'(
كلام قذر كلام ما اقدر اقوله
و زوجي فاتح الكاميرا والبنت فاتحه الكاميرا يشوفها وتشوفه بدون ..... انتم فاهمين

:'( انصدمت صدمه عمري

والبنت الثانيه فاتحه المايك وسوالف ويقولها صوتك حلو واشتقت لصوتك

يعني باختصار مصخره وقلة ادب :'(

ماصدقت عيوني قلت مستحيل زوجي يكون خائن وكذاب ويمثل علي الاخلاق ؟

وطبعا يكلم البنات من ايميل خاص انا ما اعرفه بس سجلت ايميله عندي قلت يمكن احتاجه

وانفجرت وبكيييييييييييييييت لحد ماتعبت وخلصت دموعي من الصدمه
وفجأه رجع زوجي

بالعاده انا افتح له الباب لما اسمع خطواته برا وارحب فيه واسلم عليه
بس طبعا بهاليوم الوضع كان يختلف
دخل شافني متغيره وحزينه وصمـــت
قال شفيج؟

باختصار صارحته وفتحت المحادثات وتركتهم على الاب توب وقلت له اني عرفت كل شي
وكملت بكي وقلت له انا مصدومه انك طلعت خاين وانا ما استاهل هالشي

وهو اصلا كان حاذف كل المحادثات ومنظف الاب توب بس هذا الملف كان موجود بالصدفه ربي كشفه على حقيقته

المهم اعتذر وقال انه كان يتسلى وانا بعيده عنه ؟!!!!

مع اني كنت اتصل فيه واتواصل معاه وهو اللي كان دايما يبعد ويقول عندي امتحانات ومشغول

ولما شافني ابكي قلت له ما اسامحك وربي ياخذ حقي منك وانتهى كل شي

بكى :-o <<<--- ممثل

قلت له هذي دموع الندم ولا تمثيل ؟

قال انا ندمان وحزين اني صرت خاين بنظرك وخلاص بحلف عالمصحف اني ما اعيدها

وطبعا انا مقهوره قلت اوكي احلف ومسك القران وحلف انه مايخوني بعد وان هذي غلطه

وقال انه مايقصد وانه يحبني ومايبي يخسر حياتنا الزوجيه بسبب هالتفاهات

اضطريت اني اسامحه لانها اول مره وحلف لي قلت خلاص الله يسامحه وانا حامل ما ابي اخرب بيتي وانتهى الموضوع وحاولت انسى

ولما رجعت ديرتي بديت افكر بالموضوع وأشك واحس انه مستمر بس اقول اعوذ بالله من الشيطان الرجيم

واليوم جاني احساس ماقدرت اتحمل التفكير واحساسي والشك جنني

قلت افضل حل اني ارتاح من هالتفكير بما اني سجلت ايميله اللي يكلم فيه البنات
قلت بجرب ادخل واشوف الوضع

كتبت ايميله وحطيت رقم موبايله وفعلا دخل
بس لقيت الايميل مافي احد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وين البنات ؟؟؟؟؟
دخلت على الرسايل يمكن افهم شي ؟!!!
تفاجأت برساله جديده قبل شهر <- يعني مازال يخون

بنت تقوله اشتقت لك واحبك والله يخليك ارجع كلمني
وبسمع صوتك وخلاص اي شي تبيه راح اسويه وما اعاندك
وبطيع كلامك :'( ووووووووو

وهو رد عليها وقال : نفذي اللي اطلبه وانا اكون لك واكون مطيع بعد !!!!!!!!!!!!!!

انصدمت للمره الثانيه
واعتقد انه نقل البنات الى ايميل جديد لاني كشفت الايميل هذا

:'( تعبت انا حامل بالشهر الرابع وحالتي مايعلم فيها الا ربي
وزوجي كل ما اتصل فيه يكلمني باسلوب مو حلو ويقول مشغول
حارمني من كل شي حتى الكلمه الحلوه
امرض واتعب ومايحس فيني كل يومين بالمستشفى بسبب الحمل وهو ولا على باله
ونادر اذا سأل عني

والمفاجأه انه مستمر بخيانته

المهم باللحظه اللي انصدمت فيها كان هو يتصل

رديت وحاولت اسيطر على اعصابي بس ماقدرت كلمته وقلبي يحترق
سلم علي ورديت السلام بس سألته سؤال
قلت له : انت تعتقد انك متزوج انسانه غبيه ؟ او مغفله ؟
قال لا طبعا
قلت طيب مو عيب اللي تسويه ؟
تعتقد علشان انت بلندن وانا بعيده عنك ما راح اكتشف شي؟
قال شنو فيه ؟
قلت له انت تعرف شنو فيه وفاهم عدل بس يمكن انت نسيت انك حلفت على القران
انت انسان ماتخاف الله يعني خاين وتحلف بالله كذب ؟
قال اي اي !!!!

فهم الموضوع من غير ما اشرح له

قلت له انا مو عاجبتك ؟ مو تارسه عينك ؟
قال عاجبتني وتارسه عيني
قلت طيب ليش تسوي كل هذا؟
عالعموم خلاص انا ما اسامحك وانتهى كل شي والسلام عليكم

بعدها ارسل لي يقول ما شاء الله مراقبه كل تحركاتي؟؟؟
عالعموم ماكو شي برا الانترنت لاتخافين يا مدام
واللي يحب شخص مفروض مايبحث من وراه ويفتش

<<<<<<<<--- يعني غلطان ومو عاجبه بعد

رديت قلت : حسبي الله ونعم الوكيل
وانا لي رب عظيم ياخذ حقي منك
انت ظلمتني كثير بتصرفاتك وانا تحملت بس كلنا بنتحاسب يوم القيامه وبتنعرض اعمالك امام الله وبتنعرض اعمالي والله يحكم بينا وخلاص كافي ما اسامحك بعد

رد يقولي انتي الكل بالكل وزوجتي وام عيالي

قلت له : انا مابي اكمل لان اخاف الله يبليني ويبلي بناتي لان كما تدين تدان وانت ماتخاف من الله وماتخاف على زوجتك وبناتك واخواتك

وبس انا تعبت :'(

شنو الحل مع هالزوج
انا تحملت ظروفه وتحملت عصبيته ولسانه الطويل وتحملت بعده عني وعدم اهتمامه
وكنت دايما اقوله انا احس بفراغ احس بملل حتى كلمه حلوه ماتقول ؟
تحملت كثير امور وصبرت

شنو الحل ؟؟؟؟؟؟؟
الدنيا ظلمت بعيني احس ان عمره ماراح يتغير والخيانه بتظل طول العمر وانا غير مستعده اني اتحمل اكثر كذب وخيانه وتمثيل وعصبيه وبخل حتى بمشاعره