تجمع امهات مآيو لشهر ^محرم^

اي والله صدقتي اختي فارفلا انا فعلا خايفة من هالشي ابغي اربي عيالي ع حب الله والاخلاق بس الخووف من الروضة والمدرسة بعدين اذا اختلطوا مع المشمش والماش !! ,,,,

الله يخلي كتاكيتك لك ان شاء الله ويحميييهم وتشوفيهم عرايس ان شاء الله ,,,, شنووو تطورات الكتكوتة الصغنونة ؟! ...

فارفلا
ماشاءالله البنات عسل الحياه صراحه هههههه
الله يحميهم وحياكي معانا ومنننك نستفيد ان شاءالله, وش تاكلين بنتك<<<اهم سؤال عندي هههههه
تفاحه
ههه لقيتي لها حل زيين زيين انا وجوجو اليوم رحنا المستشفى طلعت الحبوب الي عندي حساسية تغيير مواسم! وجوجو بلغم بسيط الحمدلله بس كل امورها تمام كله كوم والدكتور كوووم متحمس يقول بعد شهر اعطيها لحمه مفرومه انصدمت هههههههه

شخباركم حبايبي وشخبار بنوتاتكم الحلويين طعمت هنوده وافتكيت بس يوم التطعيم كان عندي ازمه لاني طعمت اخوها معاها تطعيم مال اربع سنين تخيلتوني وانا مع اثنين وصياح ونياح بس الحمدلله عدت على خير وماتسخنوا ذيك السخونه الحمدلله شوي ارتفعت فالبدايه تالي خفت بس هنوده هالمره مازاد وزنها كثير مثل كل موعد يمكن من الحركه زادت الله اعلم وديت هنوده الستيديو كشختها وخذيت لها كم لقطه حلوه وسويت وحده كبيره بروزتها وحطيتها فالصاله فديتها ووووووووبس هذي اخر اخباري:087:

السلام عليكم

ويخلي لكم عيالكم يارب

ويرزق السائلين اجمع


بنوتي الصغيرة ااكلة في الاسبوع مرة او مرتين سيريلاك او فارليز صدرها شوي تعبان واستخدم لها بخاح وشوي السيريلاك في طعم سكري وهاي يزيد عليها الكحة والبلغم

فانظر ان شاء الله تخف كحتها وببدا معاها ان شاء الله بعد 10 ايام تكون بادن الله داشة ال 6 شهور

ام جوجو ,,, الحمدلله انها ع جذي ربي عليكم الصحة عليكم ان شاء الله .... اما سالفة البلغم اهم شي شوي لها بخار حمام وبيروح كللله واتوقع يزيد بسبب الجو اولاا والسنون ثانيا ,, انا ميمي من مرضتها ذيك المرة خفت وراح بس جا لها كحه خفيييفه مو مفارقتها والمشكلة اولاد اختي يالله ماروح الا هم مرضى ! اقول لاختي مالهم حل عالجيهم تقولي مافي شي ماستخدمته ماش !!! وانا بنتي الضحية وهم يحبونها ...

ام جوجو هوو فعلا الشهر الجاااي تبدين معاها بروتينات وهذا طبقا لكلام المرشدة ماماتو وكتيب المشفى ههههههههه اما ميمي اليوم تهورت واكلت من اكلي وانا خبر خيييير رايحة الحمام اكرمك الله ( الوقت بدل الضايع ) وع بالي الاخت نايمة ومارجعت الااا ابتساامة كررست والوجهه تلوينات ههههههههههه طبعا لانها شافت الخبز وجنبه بطاط انجنت وانا من هول الصدمه بس تشاهقت وهي قامت تضحكـ خخخخخخ ...

فارفلا ,,, ربي يخليييهم ان شاء الله ويشفي بنوتك يااااااااارب وكثري لها المااي يخفف البلغم وحطي لها بخار شاور ممتاز ...

ام هنووووودة ,,, هلاا ومسهلاااااااا وحشتييينه .... ههههههههه الشكل عجييييب اثنيين طايحين صياح وزن !! الحمدلله ربي خفف عليهم والحمدلله ماسخنوا لك كثيير انجان تعبتي .... يعمرررررري هنووده انزين قعدت بالاستيديو لان بنتي ماتقعد تقهر قلت لما كتبر اكثر ...

شهوده
اليوم صديقتي تقنعني اجيب مصوره تصور جوجو خصوصا مشاءالله عليها تجلس وكتكوته صايره ودخلت مزاجي الفكره
الحمدلله عدت التطعيمات ع خير
تفاحه
هههههههههه والله مااتخيلني ااكلها لحم ولا دجاج يوووو احس بنتي لسا بيبي مو داخل مزاجي اني ااكلها اصلا خخ خ خ خ
انا اتعب من ولد حماتي وبنت حماي بس يطيحون تبوووس بجوجو ينرفزووووون اما ولد اختي فهو الطفل المثالي بصراحه لاي ام ههههههه يلعب معها من بعيد لبعيد مايرضى يبوسها ولايحضنها بس يربط دراجتها بسيارته ويمشي فيها بشويش ههههههههههههه

ام جوجو ,,, انا عكسك احب اخلي حد ياكل يعني يااااااا حبي للتدقس ههههههههه بس انا ما احب آكل كثير واللي حوالي احبهم يااكلووون ومايبرد قلبي الا اذا خلص الشي اللي سويته وميمي ماشاء الله طلعت ع ابوها من هالناحية الحمدلله تتقبل مو مثل اولاد اخواني ذلاك من قبل مايصير عمرهم سنة عوود كبريت حشى والغدا والريوق من المنسيات لحد يومهم مادري ليش جي ! ..

الحين تطعيهم بالشهر العاشر مو ؟ لان موعد ميمي بشهر 2 مخربطة ...

يب يب لما يتمون التسعه ان شاءالله
تصدقين ردت رجعت الدوره بعد ماوقفت الاحد بتجنني الاخت

يووووه مملة فعلاااا !! انا ملوعه جبدي مثلك لاهي مخلصه ولاهي نازلة مثل الناس والعالم والحساسية واصله التوب عاد غيرت من الكوتكس الى الاستعمال اليوومي مرريح ....احس مالنه مزاجها بعد ماجونا الاولاد ,,,,

ام جوجو كملتي اغراض جوجو للشتا ؟! احس البرد جانا بغتة هههههههه مع اني شريت لها بس اكتشفت انهم للطلعه معظمهم ولازم ازيد من ملابس البيت لان الاخت مو كلشي تلبسه وباليوم لازم 3 الى 4 بدلات من زود ماتوصخ نفسها بالاكتشافات ...

تفاحه
انتي مثلللي انا لما استخدم الاولويز تقريبا بثواني احس بحراره واحس المنطقه انتفخت حساسيه غييير طبيعيه نصحتني خالتي ب"نانا" جربيها مره عجبتني وكنت استخدم اليوميه منها ايام حملي
تصدقين ذاك اليوم اتذكر كيف كنا كل شوي نصحى باليل نروح الحمام والقلق ههههه
جوجو جبت لها من سنتر بوينت سليبنق سوت مخمل مسكرين من تحت 4 وجبت كمان زي الجاكيت خفيف فرو ناعم للبيت وهذا والله اجمع بالاشيا الشتويه ونشوف

ام جوجو ,,, ايي والله قلق خصوصي بأول الأيام !! بس من كملنا تقريبا اسبوعين الى 3 هدئت حالتنا شووي يعني الحمدلله التعب اول الايام فقط وخصوصي اول ولادة وماتدرين شتسوين بس اكثر ما ازعجني هي الافرازات اللي بعد مانخلص من دم النفاس وانتي بكرامة وووييييييع مزعجة فعلااااا .... انا نانا حصلت لميمي سواب مرة وحده فقط ويالله متجننه ادور مو محصلة لحد الآن فعلاا نعووومي من قلب ,, باخذ برايك وبستخدمه هالشهر ان شاء الله
س
ع الثيااب انا مفكرة اروح لمذركير وريد تااق وسنتربوينت عندهم اشيا حلووة مثل مزاجي وكله قطن ولباس النوم المسكر اللي بالقطن فعلااا مفيد وخصوصي اذا بدأت الحبوو لان بنطلون مااحس يسوى كللش لانه كلحين ماعدلتيه اوو طاح او او او فأنا اخذت لها كم واحد خاصيين للعب وولباس اليومي منها تتدفى ومنها تاخذ حريتها بالحبو واللعب ...

هههه البنطلون امي هزاتني عليه اليوم! الاخت اذا تطالع تلفزيون تنسدح ع ظهرها وتسحب فيها بعدين تقلب وتفحط! وكل شوي انزلها اياه خخخ اخر شي امي قالتلي جيبيلها البناطلين الي مسكرين من تحت شفتهم بمذركير من فتره بس يوم رحت ادورهم طبعا مالقيتهم! بحاول ارجع ادورهم عسى الاقيهم وربي يعين عالشتا وتمر بسرعه وبسلام علينا خخخخ
بسألك جربتي تعطيين ميمي زبادي؟ انا الدكتور نصحني فيه لا وبعد قالي لاتعودت عليه جوجو ضيفيله صفار بيضه

تفااحه
وييينك مختفيه عسى المانع خير^_^ فقدددتك انتي وميمي العسوله

هلا ام جوجوو ,, ههههههههه ادش ع السريع هاليومين لانه قاعده بيت اهلي وتوني راجعه فما ادخل التجمع مجرد مرة سريعه ....

ام جوجوو ,, حصلت البناطلين المسكرين من تحت في ريد تاق زوجي مشتري لميمي كم واحد واما البناطلين بشكل عام مانصحك فيها ! خصوصي عاد اذا بدت تحبي انا ميمي جننتني ع هالسالفه قلت عاد بخلي البنطلون والفساتين للطلعات فقط واما البيت اخذت لها لبس النوم المسكر كامل للرجل والمسكر كامل والرجل طالعه وتعالي شوفي شنو صاير فيهم ولا كانهم جدد رأفت بحالهم هههههههههههه فقلت هاليومين بروح اشتري لها كم واحد زيادة للعب لان باليوم ممكن تلبس فوق 4 فأنصحـــــــــــكــ فيهم اذا تحبي الحين ,,,,

عن الزبادي اللي اعرفه من كتيب المشفى انه ع السبعه ونص مع صفار البيض ,,, بس تقدرين انه تعطينها من اول اسبوع تدخل فيه السابع يعني مو لازم انه 7 ونص ! انا قلت بسوي لها جذي بس اهلي سبقووني وعطوها اكل العايلة هههههههههه انا كنت نايمة من الصداع واخذتها امي وقعدوا ع الغدى وماتم شي ماعطوها من صالونة ومن عيش ومن شوربة ومن وجبتها اللي مجهزتها لهاا بعدها قمت احاتيها ولما رحت شفت الصدمه الاخت مستمتعه ع الاااخر هههههه وكملت اكلها واخذتها ربع ساعه وهي تشاخر نووم ع قولة امي اللي يشبع البطن يشبع الراس فمن جذي قلت بواصل معاها دام اول شي الاكل خفيف يعني مافي بهار ولا ملح كثير وثاني شي تحب تقعد ع السفرة وتحط يدها وتاكل وثالث شي تشبع ولله الحمد بهالطريقه وتناام بعدها ساعة ساعتين ورابع شي ماصار لها حساسية من الاكل ولله الحمد فانتي جربي شووية معاها اشيا خفيفة والبطاطس يمووووتووووون فيه مع الرز ....

واما صفار البيضة الوالدة ربي يطول بعمرها قالت لي عن طريقة حلووة له وهي تسلقين البيض نص سلقه يعني يكوون الصفار للحين ماايع بداخلها بس مسلوقة من برا ...

الحلووة شنووو جديدك مع جوجو ؟؟! جننتك بتلقيط الاشيا من الارض للو للحين ؟! انا ميمي شغالة علي هههههه والحين طالعه بسالفه الروحة للحمام وانتي بكرامة تركض له ركيض وتحاول توقف ع الباب مصدقة عمرها ههههه ....

ام ميمي
حمستيني اروح رد تاق انا احتاجهم هالبناطلين المسكرين خخخ ينفعون ياختي البيبي سوت المسكره عندها منهم وااجد
جوجو ماتحبي للحين بس تتقلب تتدحرج للمكان الي تبي توصله هههههه وتمشي بالمشايه على ورا وع جنب وماشاءالله اسنانها ظهرو خلاص تحسيهم باللمس يعني تقريبا شقو اللثه الحمدلله اخيرا مابغووو تعذبت بنوتتي الصغنونه خصوصا لان ماشاءالله سنين تحت مع بعض الله يعين عالباقي
انا اليوم اخر يوم اختبارات كان خخخخ
وشكله بدا معاي الزكام جوجو وابوها ماااقصرو
جوجو مبدئيا طايحه بتسحب الاشيا! واكتشفت مثل بنتك تعشق الافياش بغت تطيح لاب توب ابوها اليوم جننتني تمشي بهالمشايه وتسحب الاغراض هههه دماار

هههههههههههه يا حبيبي ع العسل ربي يخليها ان شاء الله وماشاء الله عليها ان شاء الله ترتاحين بباقي السنون يارب ...

انا ابغي افضي لي وقت عشان اروح اشتري بس المشكلة كلشي ابغي اسوويه بهالشهر من وظيفه ومن ميمي اغراض واغراضي و الشقة تنظيف شامل وتغييرات والخ يعني احس راسي داااير وغير ان هالجووو جاايب لي صداع موو طبيييعي والله ذبحني من قلبببب خفت حتى اطلع بررا وميمي طبعا مو مقصره فيني ! ,,, اما السنون ماشووف شي بس كلها تحك و تاخذ الاكل من يدي وتبغي تاكل مثلنه ههههههههه تقطعه بلثتها مصدقه عمرها بس ع قولة امي كافي العين عليها زين خلها تتأخر وهو فعلا ما اوديها مكان الا علقوا ع الحبااي او ع حركتها او وقفتها او ع شعرها وخفه دمهاا والشخص نفسه اللي علق قامت تصيح ماتبغييه هههههههههههه >>> ع امها مو كلمن يعجبها ...

بييه ام جوجوو معنااه كتاكيتنه بيطلعون مجررمين درجة اولى ها ؟ هههههههه ,, عوديها هالكم يوم بدون مشاية علشان يقوى ظهرها للحبااي ومايجي نص هالشهر الا هي خلص ان شاء الله ....

جربتي معاهاا اشيا جديدة ام جوجو لو للحين نفس النظام ؟! امممم انا افكر اقص شعرها نهاية هالشهر عشان تصير له قصه حلووة ونعوومي شرايك ؟؟ ..

تفاحه
ابوها مانعني اقص شعرها هههههه مدري ليه عنده فكره لو قصيته بيطلع كيرلي! وهي اول حفيده شعرها ناعم لووول الباقيين شعورهم كيرلي ناعمه مررره تجنن انا كان خاطري تطلع شعرها اسوود ع ابوها وجدتها ماشاءالله شعورهم جميييييله سودا وكثييفه بس مااش طلعت شقرا علي خخخخ
انا اخاف عليها ياختي من العين مرره وبنفس الوقت احب البسها واحطلها بكل بشعرها هههه واطواق وحركات خذتلها اشيا عجيبه من كليرز لما كنا بدبي خاصه للرضع يطلع شكلها فيهم كيوووت اول مره لبسته طوق كنا بنطلع عالطياره والله ماتم احد من المضيف للركاب كلهم يسئلوني شسمها ويبون يشيلونها والله مامداني جلست ع كرسيي بالطياره الا بنتي ترجع ومو ترجيع عادي لااا بقووه تطريش سبحت الدنيا واصلا شكلها لو تشوفيها كيف كان اعوذ باالله اشوه اني قريت عليها وع قولة عمتي العين طلعت من وقتها تووبه البسها بالبيت بس واذا رايحه بيت اهلي اما اذا طلعنا اخليها بالعربه مااشيلها هههه
والله احطها عالارض لما ارجع من الدوام بس عمتي مصره طول ماهي معها لازم مشايه ماترضى تحطها عالارض! فخليتها ع راحتها ولما اجي انا احطها عالارض
يعني بتداومين خلاااص عزمتييي! مانسيتي الشغل باقي ...الله يعينك بتصيرين ام عامله زييييي نتشارك الهموم بس الحين اشوه عن اول عالاقل ماشاءالله ينامون فترات اطول بس هو الي معذبهم التسنين ياقلبي
عالاكل اليوم سويت لها ميلك شيك خخخ شفته بكتيب موز+تفاح+شوي من حليبها لان بنتي مررره ماتطيق الفواكه تقبلتهم شووووي بس مو مره اكلت منهم اهم شي بديت اعودها شوي شوي عالفواكه حرام كله خضار وسيريلاك بس!
تتوقعي عادي من الحين نبدا نقلل الرضعات؟! يعني انا احاول اركز لها عالوجبات يعني فطور غدا كذا بس اخاف برضو مدري سالفة عدد الوجبات مهبله فيني !

السلام عليكم

الجو فعلا ماثر مرة على اليهال


اما بخصوص الاكل على حسب عمر بتنك احلى حلوة

ام كشخة الاطفال حاسبوا لما يطلعون لبسوهم شي مرتب والكشخة خلوها بين اللاهل والمناسبات

وحصنوهم بدكر الله وحرزة

فارفلا
انا بنتي باقيلها كم يوم وتكمل السابع وتدخل بالثامن.
والله نحصنهم والله المستعان حتى بكشخة هالاطفال مايخلونا نتهنى ههههههه المشكله ملابس البنات تذذذبح ماتقدرييين وحلووويين خصوصا لما تلبسينهم وتقعدينهم كذا^_^ الله يحفظهم ويحرسهم يارب

يووووه على عمرري جوجوو ربي يحميها ان شاء الله حسبي الله ع العيوون ! انا من جذي قمت ما البسها اشيااا حلوة حلوة اخليها لبيت اهلي اوو للبيت استانس فيها واصور فيها ههههههه اما بيت اهل زوجي صراحة اخاف لان نسوان رايحة وجاية وهاتي تعليقات وتلمس ببنتي ماقدر فيعني افضل يقولون عن بنتي حالتها مأساة ولا يقولون حلوة !!

هههههههه الحلووة ع الشعر انا تمنيتها كشكووشة بس بالبداية ناعم ماشاء الله فقمت اكشكشه لها لان احسه حلووووو عليها خصوصي مع خدودها هههههههه الحين صار مثل مابغي ناعم بس كشكووشة اللهم اذا مشطته وحطيت له سوالف احس مو كلش حلو عليها احب اخلي لها بس ربطة خفيفة وجذي اي حد يشوفها يسأل عن شعرها ! ....

عن الاكل انا بعد كل وجبة او قبلها ( ع حسب رغبة البرنسيسة ) اعطيها رضعه خفيفة وطبعا قبل كل نومة بعد رضعه خفيفة واما قعده الليل الحين صارت مرتين الى مرة من حطيتها بسريرها هههههههه ماتبغي حتى تنام ع سريري تبغي سريرها فقط عقبال ما تنام طول الليل ونرتاح ...

ع الشغل اي والله انا بعد شوي مليت من هالروتين واشتقت للشغل وزوجي مصر اروح لاني مؤخرا قمت افقد ذاكرتي بشكل رهيييييب هههههههههههه لدرجة اني ضيعت اغراض مهممة جدااا من اسبوعين تقريبا ولحد يومك مو ذاكره شي وهو مسكين اضطر يعيد كل شغله بسبب مخي !! يقولي شيبتي من هالبنت ,,, بس بنفس الوقت احس كاسرة خاطري اخليها بس بيكون تمام حزة اللي اشوف لي الشغله اللي تناسبني بتكون قريب السنة ان شاء الله ....

ام جوجوو تصدقين حتى بنتي ماقاعده تاكل فواكه مثل اوول شكلي برد اعيد النظام ان ازيد الفواكه خصوصي الموز والكمثرى لان اشوفها حابه الخضروات اكثررر ...

وجوجوو حصنيها واقري عليها المعوذات قبل ماتطلعين معاها مكاان ترى ناس ماتصلي ع النبي حبيبتي وانتي جربتي ,,,

فارفلاا ,, صدقتي الجوووو بالنسبة للكبير مأسااة شلوون الاطفال ؟ المشكلة جونا بالخليج مايصلح له شتاا عدل لانه رطووبة فضيعه تدخل بالعظام مو مثل الدول الاجنبية جااف ربي يعيينه بس ....