الحين وانتي حامل او لما كنتي حامل تعالي قولي لنا ايش اللي توحمتي عليه..؟؟

و عليكم السلاااام
اهليييييين الحاضرة الغائبه ..

انا بحملي الاول كرهت الدجاج مو طبيعي .. و كرهت الطبخ و تقريبا كرهت كل شي
و كنت كل يوم اشتهي شغله تجي ابالي اشتهي
و مره شتهيت كباب ايراني ملفوف بالخبز و لاااازم معاه ريحان و اللي يضحك بالموضوع قلت له مااريد يحطونه لي بالمواعين مال استعمال واحد.. اله اريده ملفوف بجرايد .. اجه ابالي اكل كباب ملفوف بجرايد هههههه ماعرف ليش
و شتهيت سلامي و شتهيت فراوله و شتهيت سمك .. ماخليت شي ماشتهيه علمود هيجي بنتي طلع عندها ورا اذانها فراوله (مثل كرات الدم المتجمده) بس الحمدلله ما تأثر على شي
و طلع عندها بعد وحمه تقريبا خمس سنتيمترات بالخصر و شكلها كأنها سمكه
اعوذ بالله من هالمشتهات 8o|

و بحملي هذا غير شكل.. ماكرهت شي و لا حبيت شي عااادي جدا.. اللي اشتهيه اقوم اسويه
بس كرهت اللحم شوية .. و الباقي عادي حتى وحامي كان عادي .. الحمدلله

يووه تكلمت بما فيه الكفااايه :-o

نونو ههههههههههههههه اما عن الكباب الايراني خليتيني اضحك .. من جد الله يساعدنا ازواجنا عالوحام ..

منوووره الموضوع والله يسهل لنا ولادتنا ان شاء الله ..

مووووضوع رهيبب
اماااا. نونو رهيبه كباب ملفوف بجرايد هههههههه

انا حملي ببنتي كان وحاااامي كرررريه جداً كرهت الدنيا ومااافيها
بس حملي باللي اجهضته ابد ماتوحمت
لكن شي غريب ،،، من اسمع اسم وحده محدده من العيله واسمع صوتها او اشوفها يبدأ الغثيان ههههههه

ههههههههههههههههههههههه جوفان سبحان الله ايش معنى ذاك البنت بالذات؟؟

...

الله يعوضك ياااارب ..

منووووره ياقمر ..

يسعدك الحاضره ع هالموضوع

انا متوووحمه ع الاشياء الحامضه يم يم

اقوم اخر الليل من عز نومي و اقطعلي خيار و جزر و احط عليه خل مركز الاسود و شوي كمون و ليمونه آآآه الطعم عذااااب

احب كل شي حااامض اهم شي فيه خل مركز اسود

عوووافي حبايبي

خطواااااات انتي مثلي احب الحوااامض .. انا لما كنت اصحي الصبح بحملي هذا اجيب نص ليمونه واحط فوقها ملح واجلس اعصرها واشربها يممممي ..

يسلموووو عالرد ومنوره الموضوع ..

موضوع حلوو

انا بحملي كنت ما اقدر ع ريحة الطباخ ولا العطورات .. مع اني مجنونة عطور بس في بداية حملي كنت ابدا ما اقدر استخدم العطوور

واكثر شي حسيت نفسي مشتهيته هو الزيتون الاخضر واللوز البحريني ..

في بداية حملي كنت احب الموالح والحوامض اكثر من الحلويات بس الحين العكس صرت احب الحلويات اكثر

انا كنت اكرررررررررررررره عطور زوجي والعطور بشكل عام والبخور واي ريحه امرههههههم يجيني غثيان ماكنت احب شي محدد المهم يكون حامض ومالحزاكل حلا بس مالح وحامض لاززززززززم عصيرات حمضيات وكنتزما احب البيض الله يتتملي والباقي على خير

هلا ام حواء ..

سبحان الله عكسي .. انا عادي احب ريحة العطور والطبخ ..

الله يتمم علينا ونولد بالسلامه ..

حلا .. منوووره الصفحه ..

يالله الله يساعدنا ويسهل علينا ..

أنا توحمتت على الشوي كنت طالعه الكرنيش وكانو في ناس يشوون وكانت ريحةة الشوي تشهي بس زوجي مرضه يروح يطلب منهم يقول فشله

قالي قومي أعزمك على احلى مطعم شوي قلت ماريد الا من هذا ههههه الحمد لله ماطلع وحمه على بنتي


اما سالفتت الجرائد رهيبة ههههههههه

توحمت ع بعلولي
صرت اعشقققققققه وما اقدر افارقه

ابكي لو طلع برى البيت
احضنه وابوسه إذا كان نايم .. العب بشعره وانا مبسوووطهؤ

الحين اناقره واطفشه وارفع ضغطه
كنت احب مخدته فيها ريحته .. الحين اقوله مخدتك ريحتها قشره خخخخخخخخخ

صايره نفسيه الحين
لكن لسا احوووبه .. صح فيه حركات مو بس تقهر الا تموووت قهر
بس مدري ليش متتتعلقققققه فيه

يمكن عشاني حامل ولا فترة زواجنا الأولى ماكنت متعلقه فيه

انا وحمي الاول اتوحمت علي صويا صوص واندومي وتخيلو ولا حطيتوا في فمي لا كمان طلبت من زوجي شوربه عدس تخيلو وقتها كنت فاامريكا والله حبيبي زوجي ماقصر جبلي هيا وكنت اقرمش تلج . وكنت اتوحم علي يعمش ههه طلع في فخذ ولدي يغمشه مثلث بني فاتح . ااما في حملي حاليا وحمي خواجاتي ايس كريم باسكن رويبنز نعناع وشوكلت شيب وسلطه المكرونه الي في بيتزا هت اللي بالمايويز ومناقيش .. ادعولي الله يتملي حملي علي خير ويتمملكم يارب

موضوع رائع ام رهف الله يتمملك حملك ويرزق كل من يتمنى الذرية يارب

كتبت ردي وكرومي طيره :thumbs_down:

بحملي بكرومي قبل مااحلل واعرف اني حامل صرت انفر من زوجي بشكل مو طبيعي

وبعد ماعرفت اني حامل زاد هالشي وطبع زوجي حساس ف كان هالشي صعب بالنسبة اله

وكنت من اقلب القنوات بالتلفزيون وتطلع قناة الكارتون السويدي تجيني لوووووعة وغثيان من اصواتهم واذا احد كان قالب على الكارتون بالغلط مااتحمل اقوم استفرغ تكرمين :o
بالنسبة للاكل توحمت على ورق العنب اشتهيييته وبما اني مغتربه ومافي مطاعم عربية كثيره

وماكنت اقدر اسويه لنفسي لان حملي كان مهدد .. ماكان في حل الا زوجي جابلي من المحل العربي علب ورق عنب جاهز بس استغفر الله :-# وقتها كان مثل العسل بالنسبة الي فتحتلي علبة وسخنتها وتمتعت بطعمها .. اشتهيت بعد ايسكريم ماكدونالدز وكنت احب الفواكه بشكل عام .. بالشهر الخامس سافرت لاهلي والحمدلله امي واختي سوولي الاكل اللي كان بنفسي .

ومشكورة على الموضوع الممتع :adore:

ههههههههههههه اياااام اياام فيه الدلع وفيه لوعة الجبد بس احلى شي انه محد يقدر يزعلك واذا زادت الكرشة كل اللي حواليك واحد يشيل وواحد يحط وعاد لا يطيح شي من يدك شوفي انواع التدليل ههههههههه >>> لاتعليق ...

امممم اتذكر احب الموالح بس بالبداية البداية كنا بشهر رمضان المبارك فتجننت ع شي اسمه شوربة هريس ومعاها لاااااااازم ليمووون ودارسين ( قرفة ) وحبيته لدرجة ان امي خبته عني وانا اروح ادوره واخليه بغرفتي وكل ما اجي اخذ منه رشفه >>>> حشى مدمنه ههههههههههه ..... في حين اني كرهت شي اسمه حمسه واذا امي بتسوي شي لازم ابعد ألف كيلووو لانه مجرد ماتوصلني معدتي تقلب وما آكل طول اليوم والحلوياات والاشيا السكرية قمت ما اكلها >>> خيرررة ...

بابنسبة الي نا حبيت شيء ة لا كرهت شيء نعين عاد

موضووعك قمه الرووعه واتسلييت جـدا يوم قريت ردود البناات الحلووة

هلووووو حوامل واللي كانو حوامل

انا قصتي قصه ;)

اول شي انا حامل بالشهر الخامس الحين الله يتمم لي ويتمم لكل الحوامل ونفرح بمواليدنا اصحاء وبعافيه

بداية حملي:
كرهت بيت اهلي وماكل اي شي مسلسلات رمضان كرهتها وتوحمت عليها والا الان بس اشوف المسلسل معيود او اتذكر على طول غثيان ويصاحبه ترجيع مزمن وانتو بكرامه.

كنت ابي اكل كروسان وبعدين كرهته توحمت بشكل قوي على البطيخ الرقي الاحمر كل يوم ابي اكل منه والمشكله
انا في بلد عندهم بداية شتا الحين ومو موسمه ابد.

احب الحوامض والموالح وياويلي عالفتوش كل يوم اكله وماامل ابدا ابدا.

:!!::!!:

كرهت العطور وشي اسمه ريحة منظفات وكرهت زوجي اول 3 شهور واحنا بغربه لااقدر اروح عند اهلي ولا هو يقدر يروح مكان ثاني. كرهته لدرجه 3 شهور انا وياه زي الاخوان :thumbs_down: هو مل وطفش مني بس عدت الحمد الله.
المصيبه العظمى اني توحمت على بيتي اللي ساكنه فيه صرت احس ان فيه ريحه وعلى مبنى الدوام اللي اشتغل فيه مااقدر ابدا ابدا ادخله. طبعا كل يوم والثاني جايني انذار من الدوام بالفصل :confused:

كنت كل بالسرير ماقدر اطبخ ولا اسوي اي شي وكل يومين متنومه بالمستشفى هبوط ضغط وجفاف من الترجيع عزكم الله.

اكثر موقف اذكره واضحك عليه لما حلمت في بوفيه كامل وصحيت الساعه 4 الفجر ابي اكل بوفيه الحين وصحيت زوجي وبعد التهزيئ قمت اصيح صياح الا ان اغمى علي ودخلت المستشفى يومين بسبب هبوط بالضغط واخرتها وداني مطعم هندي بوفيه مفتوح لان بالديره اللي احنا فيها صعب نلاقي بوفيه زي بوفيات الفنادق في السعوديه ومدري وش كنت احس فيه فجاه مابي اكل شي شكل لحمهم ماجاز لي وهاتك تهزيئ من زوجي:!!:


تحياتي