"= طليّ بشعرُكِ المنثـورْ على كتـفيكْ = "تجربتي"

ط

طريق المستقبل

عروس جديدة

07-11-2012 | 07:24 PM

-

= طليّ بشعرُكِ المنثـورْ على كتـفيكْ =

اليوم اول موضوع لي ان شاء الله بدايه خير يارب F:

موضوعي طويل حبتين
ويبغالـه طولـت بال شوي
وتركييييز عميق جداً

يلله نبدا بسم الله

زي مو هو معروف نصْ جمال المرأة شعرها ،

والشعر يحدد شكلك ، يبرز جمالك والاهم يحدد النفسية

شعرك ثم شعرك ثم شعرك < اخلصّي علينا :confused:

ومـافي بنت ما تتمنى شعرها سايح واللي شعرها سايح تبيه كيرلي و اللي كيرلي تبيه مدري وشو

اليوم راح احكي تجربتي لاصحاب الشعور الجافه او الخشنه *الشعور الناعمه برى :rolleyes:

مـا اتـوقع مافي أحد مـا سمع او جرب الكـراتين

يعني مايحتاج اجيب لكم تعريفه ومدري وشو بطب بالعميق على طول

مافي مشغل بالمملكه او بالعالم الا ماشاء الللللله يسوي هالكراتين ، وكلهم خبيرات واخصائيات

ومافي وحده تشتغل لصالحها الا انها اخصائيه و تعرف للكراتين

طبعا ما أعممّ بس الأغلب حتى لو ماكان عنده خبرة ! او تعلم من نفسه والا تدرب على خلق ربي
حتى صار يعرف الا يقول ( انا اخصائيه كراتين :)

وشايفين زي مو انا شايفه كيف الاسعار فيه !!
اللي 6000 !! و اقلها 1500 ريال !!

الوضع صار صعب وكل احد يرفع سعره ، وحنا الحريم نحب الزين و نبي الزين ! بس مو توصل
كذا !! ترى هالمبالغ تعتبر رواتب ناس و تفتح بيوت و عوايل !! حرام ندفعها على شي
حنا نقدر نسويه وبيطلع احلى!!

اللي يحزني كثير أنه اصحاب المشاغل لصقوا في عقول اغلب الناس ان الموضوع صعْب صعْب جداً
وأنه مو اي وحده تقدر تسويه ! وانك راح تحرقين وتعدمين شعرك و انها ماده صعبه
ويبيلها خبره ودراسه ويلله من هالحكي
بس الواقع غير كذا تماماً !!

الموضوع سهل ولو مو سهل ماكان فيه كثير تجارب ناجحه من بنات و أنا أولهم سويناه في بيتنا
وكانت شعورنا اجمل ما يكون و اروع مايكون اللهم لك الحمد

لازم نتعلم مافي شي يجي من غير تعلم
انا ما اقول انه ما يتعب ، او انه بسرعه تسوينه ! لا بلعكس يتعب و ياخذ وقت و مجهود مره كبير
بس مو معقول انه ادفع 4000 كل 3 شهور على شعري !
الله لا يعاقبني بس:( ....

خلوني احكي لكم عن شعري و رحلتي مع الـكراتين :D

طبيعه شعري : جاف ، نفشة متوسطه ، كيرلي اللي من نص شعري مو من الجذور

لي 3 سنوات ونص تقريباً مسويه الكراتين ، في البدايه سويته في لبنان
النتيجه اللي طلعت فيها : امم شعر عادي خف من كل شي بنسبه 30 % الى 40 %
بس تعتبر نتيجه ارضتني وقتها الصراحه
بعد شهرين الماده بدت تروح من شعري فقلت يلله لازم أسويه من جديد ,,

بحثت و بحثت فقلت بسويه بالملتقى

رحت الملتقى كان شعري فوق كتفي دفعت عليه 3500 ريال
النتيجه : 180 درجه غير عن بيروت كان احلى و انعم وافضل بكثير الحمدلله خلال شهرين عانيت من تساقط في شعري كثيييييير :hysterical:وهذا اغلب البنات يعانون منه اللي استخدموا الكراتين !
بس كنت جاهله انه سببه الكراتين ، رجعت سويته للمره الثالثه

كان شعري اطول دفعت 4000 ريال < ياويل قلبي على فلوسي بس :'(

التساقط خف بنسبه 70% عن المره الاولى ..

النتيجه رائعه زي المره الاول و احسن بكثير بعد

سويته المره الثالثه وكان شعري طويل بعد ودفعت 4700 ريال
في هذي اللحظه قلت STOP !! <

الوضع صار مو طبيعي ! والطريقه جالسه اشوفها سهله مره ! والكوافير تسويها لي بسرعه بسرعه
قلت بسأل ايش نوع الكراتين
قلت ايمان < الكوافير : ايش نوع الكراتين ؟ قالت : أنوار
هذي علبته

[/

ومن وقتها وفكره أنه أسويه في بيـتي في راسي

بعد 4 شهور الماده بدت تخفف فاحتاج ارجع اسويه ، قلت خلاص بجرب اسويه في بيتي
وباذن الله الواحد الاحد ماراح يصير الا كل خير

طلبت أنوار و جبته وفعلا سويته في البيت

النتيجه :
أقسم بلللله يابنات كان الحمدلله احلى بكثيييييييييييييييير من ايام الملتقى :adore:

تعرفين ليش ؟

لانه كل خصله من شعري تسوت بعنايه بدقه و شوي شوي ماورانا شي

مو زي المشاغل طايره اعوذ بلله !!

كم لي وانا اسويه في بيتي ؟

لي 4 او 5 والله ناسيه و انا اسويه لي والشغاله بعد هي اللي تسويه

لا احد يرد

-

ط

طريق المستقبل

عروس جديدة

07-11-2012 | 07:28 PM

قبل ما ادخل بكيف تسوينه خلوني احكي لكم عن الانواع اللي جربتها

-

1-

[/

تقيمي له : 80 %
النفشه اللي بشعري راحت بنسبه 70 الى 75 %
الطعجات راحت بنسبه 100% الحمدلله
استخدمته لمده سنيتن تقريبا

2-

[]صورة مخالفه

[/]

بايو كيور
حصلت على لمعه في الشعر حلوه مره
النفشه راحت بنسبه 70 الى 80 % الحمدلله
الطعجات راحت بنسبه 85 %
كم لي استخدمه : اول استخدام لي

اللي يميزّ هذا النوع من الكراتـين أنه أمن جداً على الأطفال و الحوامل
وفيه منه بنكهه الشوكلاته و نوع اللي استخدمته بالعسل

3-

صورة مخالفة

هذا النوع يسمى كيور بماء الذهب بنسبه الفورمالدهيد 2 %
للأمانه أنا ما استخدمته شخصيا لكن أختي جربته لانها كانت تبي شعر سايح من غير
استشوار pb192
النفشه 100% راحت
الطعجات 100% راحت
شعر سايح

طيب ايش فرق هذا عن اللي قبل و اللي قبل ؟؟ ;)

لازم تعرفون شين
في شي اسمه معالج bp039
وشي اسمه كراتين الفرد

الفرق :

المعالج :

كل شي في شعرك راح يروح بنسبه 70 او ممكن 50 % فقط مستحيل تستغنين عن الاستشوار
الطعجات راح تروح بنسبه تصل الى 65 % ممكن اقل على حسب طبيعه شعرك
يعني خلاصه القول ( لاززززم تستخدمين استشوار بس بيكون الاستشوار اللي 10 دقايق )

الفرد :

شعر سايح من غير استشوار :-o

بس يا طريق المستقبل نسبه الفورمالدهيد هي تسبب سرطان

ما ودي اضحك لانه هذي الكلمه اسمعها في كل شي ، الببسي – الحلويات و الشبس و كل شي حتى المويه ماسلمنا منها
اي شي ناجح عالميا نمسك اسطوانه ترى يجيب السرطان !!
كل شي حولنا يجيبه لو ربي كاتبه لنا ، اكلنا الغير صحي او المطاعم اللي 24 ساعه ناكل فيها تقنعوني انها ماتسبب اي امراض !
الكماويات اللي في الخضروات والفواكه !! الدجاج اللحم وغيرررررررررررررره كثييييييييير !!

ترى الجوال قالوا يجب سرطان المخ

كل شي بيد رب العالمين F:
ومن خبر الدنيا والناس تفرد شعورها بانواع فرد سيئه جدااا
زي الفلبيني و غيرها اللي تعدم الشعر وتكسره ! وماسمعنا يجيب السرطان و هالاشياء وش معنى الكراتين !؟؟؟؟

الله الحافظ سبحانه

الا اللحين حالات اثبتت انه سبب لها سرطان ولله الحمد
الحياه حلوه و استمتعوا بشعوركم الناعمه بس :p

ملخص الكلام :

اللي تبي شعر ناعم حرير من غير استشوار
تاخذ فيه نسبه فرد

اللي مو سايح
تاخذ معالج

مو شرط الانواع اللي ذكرتها فيه كثييييييييييييييييييير انواع
وكل وحده تختار زي ماتبي

نسيت اقول شي مهم

احلى مافي الموضوع انه الكراتين تنسين معه شي اسمه شعري متقصفّ :thumbs_up::celebrate::biggrin:

يتبع

-

ط

طريق المستقبل

عروس جديدة

07-11-2012 | 07:34 PM

كيف اسوي الكراتين ؟

نحتاج الى :

لوضع الكراتين فيه

تمشطين شعرك فيه قبل و بعد

[]

[/]

فرشه الصبغه عشان تحطين الكراتين على الشعر زي الصبغه تماما

لتجفيف الشعر + استشوار الشعر بعد ماتحطين الكراتين

بعد ماتحطين الكراتين على خصله من الشعر تمشطينها بالمشط

بيبي ليس هو الافضل

الطريقه كامله

ملاحظاتي :

1- الكراتين يجي معه شامبو + الكراتين
هذا الشامبو تغسلين شعرك فيه قبل ما تبدين الكراتنين
كيف تغسلينه ؟
تغسلين شعرك فيه مرتين او 3 مرات و تتركينه على شعر 7 الى 10 دقايق
بعد ماتطلعين بتشوفين شعرك جااااااااااااااف و منفوشش مره لا تخافين :-#

2- لازم تبعدين عن فروه راسك بـ 2سم بعدين تحطين الكراتين

3- الفكره مو تسبحين شعرك كراتين تحسبين انه افضل

تحطين زي ما تعملين زيت في شعرك عادي طبيعي لا هو كثيررر و لا قليل كل خصله اخذت
حقها من الكراتين

4- الخصه تكون عرض 3 اصابع .

5- تمررين السراميك على الخصله الواحد من 7 الى 10 مرات وكل ماكان شعرك خشن
او أفريقي مرري السراميك اكثر

6- الطريقه بالفديو بالعربي :

مخالف

7- الافضل تتركينه على شعر من 4 الى 6 ساعات المعالج و الفرد يومين

سرّ ;)

سويتي شعرك " سواء معالج او فرد "
وماطلع زي ما أنتِ متوقعته ايش تسوين ؟

تنتظرين مده 7 الى 5 ايام بعدين ترجعين تغسلين شعرك مره وحده بالشامبو الخاص بالكراتين
بدون ماتتركينه 10 دقايق يعني سريع سريع
وترجعين تسوين الكراتين من جديد ولكن تجلسين فيه يومين

النتيجه شعر اجمل من المره الاولى بكثير
وخذوها قاعده :
دايما المره الاولى تختلف عن المره 2 او 10 من استخدامك لكراتين
كل مره اجمل :adore::adore:

كلام غلط عن الكراتين 8o|
1- ان ما استخدمتي الشامبو او البلسم حقه ترى بيعدم شعرك و بيروح الكراتين من شعرك
بسرعه

الصح: لا طبعا :hysterical:
كل هذا تسويق لشامبوات الخاصه بالكراتين !! حرام تدفعين 600 او 300 ريال
على شامبو
اهم شي يكون خالي من كلوريد الصوديوم ... وأنا شخصيا استخدم جونسون وفيه جونسون بالبابونج
نفس النتيجه و ارخص و اوفر

2- الكراتين يجلس الى 6 شهور !!

على حسب نوع شعرك ، واذا انتي استخدمتي شامبو طبيعي فهذا غلط
بس في ناس يجلس شهرين وناس 3 و ناس 4 و ناس 6 !
يعني مو لازززززم يجلس في شعرك 6 شهور او اذا جلس اقل انتي مسويه شي غلط !!

اسئله كثيرررررر تنسال : :biggrin:

سؤال متى اصبخ شعري بعد او قبل ؟؟

الافضل بعد الكراتين وتتركين الصبغه على شعرك زياده 8 دقايق

بس في كلا الحالتين مافي اي ضرر قبل او بعد ولكن الافضل

وفي انواع من الكراتين تفتح لون صبغه الشعر ! عشان كذا بعد افضل

هل هناك صبغه مخصصه للكراتين ؟

لا طبعا اللي يقول لك كذا كبر نصاب

انا حامل اقدر اسوي فرد ؟؟

فرد لا ! بس معالج ايه

اقدر اسوي لبنتي عمرها 7 سنوات ؟

ايه الى سن ال 16 سنه مسموح فقط المعالج

اقدر استخدم زيوت للشعر ؟

انا شخصيا احب الزيوت ولا استغني عنها
ولا اشوف اثر على الكراتين بلعكس جالسه افيد شعري اكثر

متى اقص شعر ؟

بعد الكراتين

يتبع

-

ط

طريق المستقبل

عروس جديدة

07-11-2012 | 07:36 PM

وتم بحمدلله
الموضوع اخذ مني 4 ساعات متواصله :'(

مقصدي اني افيدكم زي ما استفد و ارتحت

نيتي افرج على كل بنت او عرس تحلم انه يكون شعرها ناعم بس خايفه او
ماعندها السيوله اللي تسويه

انا قلبي مفتوح لكم اي سوال او استفسار انا تحت امركم

عندك الخاص او هنا مالكِ الا اللي يرضيك

والي تبغى الموقع الي اطلب منه تراسلني ع الخاص اخاف هنا ممنوع

اجوبتي ومعلوماتي جايه من مصادر موثوقه ومن خبره و بحث طويل دام طوال 3 سنوات والنص

ويعلم الله انه ما بخلت عليكم ولا بأي معلومه و عطيتكم نصايح و اخطاء عشان لا تقعون فيها :L:

واللي بتجي تقول لا صعب و لازم كوافير او اي شي لا ترد الله يعافيها

-

وكل وحده سوته من نفسها تشاركنا تجربتها

1- طبيعه شعرك قبل الكراتين وبعده

2- كم صار لك ؟

3- النوع المستخدم

*

ما اسمح اي احد ينقل موضوعي

*** ان كنت ساعدتك ولو 1% أبي دعوه خاصه فيني باللي يجي على بالك

ولا اله الا الله محمد رسول الله ، سبحان الله وبحمده سبحان الله العظيم

إ

إماراتية خيماوية

عروس نشيطة

07-11-2012 | 09:50 PM

الله يعطيكي ألف ألف عافية و ماقصرتي و تسلمن إيدج ، كلامج صح الوحدة عادي تجرب تسوي هاذي السوالف بروحة مدام الطريقة موجودة و سهلة أحسن من المخاسير غلا 3000 و 4000 و فوق على مرة و حدة و لا يمكن تظبط اول مرة او يمكن ما تظبط و الشعر ما يطلع حلو بس يوم الوحدة تسوية بروحة طبعا بتتوصى في روحة و تسوية بدقة و أكيد بيطلع حلو ، مرة ثانية الله يعطيج العافية و ينولج اللي في بالج و يرزقج من حيث لا تحتسبين

.

.cute women.

مشرفة سابقة

08-11-2012 | 12:13 AM

تسلم إيدك أختي الغالية طريق المستقبل

جزاك الله كل خير

أ

أم كرومي

مشرفة سابقة

08-11-2012 | 05:41 PM

عذرا من اختي الغالية عروسة مغربية

لكن الموضوع منقول والموضوع موجود بعدة منتديات وبمعرفات ثانية

يرجى ذكر كلمة منقول عند نقل المواضيع اختي

شكرا لجهودك

ط

طريق المستقبل

عروس جديدة

09-11-2012 | 12:58 AM

إماراتية خيماوية;16320581:
الله يعطيكي ألف ألف عافية و ماقصرتي و تسلمن إيدج ، كلامج صح الوحدة عادي تجرب تسوي هاذي السوالف بروحة مدام الطريقة موجودة و سهلة أحسن من المخاسير غلا 3000 و 4000 و فوق على مرة و حدة و لا يمكن تظبط اول مرة او يمكن ما تظبط و الشعر ما يطلع حلو بس يوم الوحدة تسوية بروحة طبعا بتتوصى في روحة و تسوية بدقة و أكيد بيطلع حلو ، مرة ثانية الله يعطيج العافية و ينولج اللي في بالج و يرزقج من حيث لا تحتسبين

الله يعافيك و يسلمك يارب

شكرا لك و على دعائك الجميل يا جميله :L:

~ عروس مغربية ~;16320680:
تسلم إيدك أختي الغالية طريق المستقبل

جزاك الله كل خير

الله يسعدك يارب

أم كرومي;16321383:
عذرا من اختي الغالية عروسة مغربية

لكن الموضوع منقول والموضوع موجود بعدة منتديات وبمعرفات ثانية

يرجى ذكر كلمة منقول عند نقل المواضيع اختي

شكرا لجهودك

لا يا قلبي الموضوع من جهودي انا ! و تجربتي انا !
والي نقله على قولتك بغير معرف ف هم الله يسامحهم سرقوا جهودي ! انا الي تعبت و اكثب و ابحث و ادور
لكن حسبي الله

اتمنى منك انتي حسن الظن و التاكد قبل ما تقولين شي مو متاكده منه :(

نيتي و غرضي كان جدا واضح و صافي لكن حصل خير
وبدايه جميله معكم بالمنتدى ، اتمنى اذا ما عليك امر حذف الموضوع لان ما اتوقع رح افتح المنتدى من جديد و حرام ما اجاوب على الاستفسارات :L:

اكرر شكري و احترامي :L: