خطيبي يخونني قبل زوآجنآ ×_×

الله يعينك ويفرج كربتك..

مشكورين ياللي رديتو علي الله ييسر آموركم يا ررب
وبالنسبه لي عيني ما ذاقت النوم بطني ما طبه اكل الذكريات في راسي شي ورا شي خاااايفه اعلم اهلي وافقده للابد يا رب رحمتك

السلام عليكم ورحمة الله وبركاته
عزيزتي صلي الاستخارة اكثر من مرة الاستخارة ليس شرط ان تري حلمالكن ان يتم الموضوع ام لا
عزيزتي بلحظة الغضب اطلب منكي الصمت ان لاتحدثي خطيبك وانظري معي للموضوع من بعد
انتي سافرتي لم يتصل بك ويحضر لكي حفلة بمناسبة رجوعك بل بحث عن فتاة اخرى
ومن لسانه يقول احببتها
جرئته افزعتني
لم يقل اتسلى وحتى لو يتسلى حرام عليه يلعب على البنات
لم تري الفتاة من نوع لعوبة وخاطفة الرجال
بل هو من كان لايضيع وقت
اقول لكي مثال عن امرأة اعرفها لكنها متزوجة
كلمايسافر زوجها يخونها ولايصبر ولايكون وفياولم يغير طبعه استمر يخون مع كل سفر والادهى والامر يصارحها بخيانته ويطلب السماح الان طلبت الطلاق واصيبت بألتهابات من النساء اللاتي يخونها معهن
انااقول الانسان من هول الصدمة لايستطيع ان يفكر واحيانا ينكر الواقع لأنه لايتحمله
يعني بعد الزواج عندماتأتيك الدورة هل سيخونك جنسيا
انظري الى صلافته ساعديني حتى انساها صدقيني لايحبك
يحب نفسه
بعد النفاس هل سيخونك لأن يريد نهر من الحنان لايتوقف
لو اصبح لكم طفل واعتنيتي به يغار فيبحث عن اخرى
اول نقطة اهدأي وصلي الاستخارة وريحي وصفي ذهنك ثم قرري
هل شخص كهذا يستحق الثقة
اعلمي ان القلب لايحوي شخصين
ان كنتي لاتهتمين للمشاعر المهم اتمام مابدأتي سامحيه وامضي بحياتك
ان كنتي لاتثقين به
تخلصي منه
الذي جعلني استغرب هو ليس خجلا ومبرره غير مقبول
انتي سافرتي لم لم يتصل بك انتي
انتي لم تذهبي لبلد ليس به اتصالات سواء نت او موبايل
انا لااثق بهذا النوع لأن امامي قصة فتاة ذكرتها لكي
انتي اهدأي وقرري
لاينفع ان نقرر بالنيابة عنك
سلامي
اختك لارسا بغداد

الله يعينك و ييسر امرك و يكتبلك اللي فيه الخير

اولا اسمعي القصه اللي بقولها صديقتي تزوجة شاب كان يكلم بنات قبل الزواج

وبعد ماتزوج صار شكاك بزوجته يفتش جوالها واي شي يخصها
البنت تقول ماسكتت عنه بلغت الشرطه تقول خلاص طفشني مو قادره استحمله

وهي الان عايشه معه بس عشان عيالها خايفه على مستقبلهم

وانتي شوفي اللي تشوفيه صح وانصحك لاتحبيه بزياده خليك بنص اللين تتاكدي انه صدق يحبك

وصدقيني دامه خانك لانك سافرتي بكره تكوني نفاس او مشغوله عنه يقول احتجت لزوجه فخنتك

سبب خيانته لك مايدخل الدماغ !! هذا معنااه بعد الزواج وانتي بنفاسك راح يخونك بعد موو ؟!! والمشكلة انه يكذب ع الطرفين سواء انتي اوو البنت اللي كلمها !!...

بالنسبة لي اذا كانت بدايته جذي معنااه بعدين بيخونك عيني عينك وبدون اي استحياء ! ودام خانك مع وحده فتوقعي انه عنده ألف وحده اسمحي لي لأن هالنوعية يتمسكن ووحتى يوصل انه يبكي ويسوي عمره ندمان اوو انه يحبك بجنون بس بالنهاية يبغي ستر له ! وماتملي عينه امرأة واحده !! عن نفسي لو انا بمكانك مباشرة اخبر أهلي وانهي الموضوع لانه بمجرد انه سوى هالشي لي معناه انه مو قد الثقه اولاا وثانيا بتتعب نفسيتي وعقلي منه بعدين في حين انه انا قادرة انه اتخلص واريح نفسي والاقي الشخص اللي يستاهلني واستاهله واحبه ويحبي بالطريقه اللي تناسبنه احنا الاثنين من غير شك وتفكير ....
نصيحتي استخيري ثم استخيري ولازم تخبرين اهلك ترى اذا صبرتي عليه الحين راح تصبرين معااه وعليه العمر كله فااذا انتي تقدرين ع هالشي واصلي واستحمليه !

الصراحه العذر اللي قاله سخيف وغير منطقي شنو يعني انج سافرتي وماقدر يستحمل وخانج هذي سبب زين اوكي سافرتي ما يقدر يجوفج ما يقدر يكلمج بعد يقوم ويكلم بنت ثانيه

الصراحه اذا انتي مقصره معاه له الحق اما من كلامج انج مو مقصره وتحبينه ومعطته الحنان وكل شي لا ماله حق حبيبتي العله فيه تره

الرياييل اللي من هالنوع ما ينفع تعطينهم فرصه ثانيه لان بيتمادون خصوصا اذا السبب مو مقبول اما اذا له سبب مقبول ممكن وقتها تعطين فرصه ثانيه لان يمكن الغلط منج او من مشاكل بينكم او من الطرفين

حبيبتي انتي في مرحله خطوبه ما ينفع انج تحبينه لحد الغباء اسمحيلي هالفتره فتره تعرف حبيه بعد الزواج الحين عرفيه عدل شوفي طبعه اسلوبه حياته اول انتي اكيد بتتعودين عليه شي طبيعي بس المفروض تتحكمين في عواطفج وما توصل انج تضعفين وترضين باي كلمه لازم لج راي وموقف وكلمه تره مب اي خطوبه تدوم حطي في بالج الف شغله وشغله قبل كل شي وفكري بعقلج مو بقلبج

صلي استخاره وخبري اهلج اذا انتي مو قادره تفكرين وتاخذين موقف واكيد اهلج يعرفون مصلحة بنتهم وعالاقل حطيهم بالصوره تره مالج بد منهم

الله يفرجها عليج ان شاء الله وييسر امورج

لا يا ام هوس
ادري ماتقصديني .. بس حبيت اوضح لأمنار مقصدي
يمكن تحسبني اقصد انه بيتغير بعد الزواج

وانا كنت اقصد ان الواحد من يعقد قرانه ربي يغير من حاله
إذا جعل بينهم موده ورحمه

والرجال مايخون عبث .. و اختي صاحبة الموضوع
زوجك مالقى حنان .. انا زوجي محروم من الحنان .. من وعمره 5 سنوات
عاش يتيم الأم وأمه حيه

ولكن قطع علاقاته بالبنات من ملكنا .. والحين يحكي لي عنهم
وانهم بنات مو متربيات واختارني لأني شريفه صنت اهلي و حافظت عليهم



انتي لا تزعلين ياقلبي يا ام هوس
اصلآ رايك سليم وتفكيرك من تفكيري بس يتزوجون
يتركون هالسوالف للفاضيين الحين مسؤوليين عن عائله وبيت

اول شي استخري

بعدين كلمي البنت انو خطيبك ولازم تبعد عن دربكم

وقولية لة اختار انا او هي

واذا اختارك يوعدك انو يبعد عنها

وكثري الاستغفار

اقواس توفي;16319224:
لا يا ام هوس
ادري ماتقصديني .. بس حبيت اوضح لأمنار مقصدي
يمكن تحسبني اقصد انه بيتغير بعد الزواج
وانا كنت اقصد ان الواحد من يعقد قرانه ربي يغير من حاله
إذا جعل بينهم موده ورحمه
والرجال مايخون عبث .. و اختي صاحبة الموضوع
زوجك مالقى حنان .. انا زوجي محروم من الحنان .. من وعمره 5 سنوات
عاش يتيم الأم وأمه حيه
ولكن قطع علاقاته بالبنات من ملكنا .. والحين يحكي لي عنهم
وانهم بنات مو متربيات واختارني لأني شريفه صنت اهلي و حافظت عليهم
انتي لا تزعلين ياقلبي يا ام هوس
اصلآ رايك سليم وتفكيرك من تفكيري بس يتزوجون
يتركون هالسوالف للفاضيين الحين مسؤوليين عن عائله وبيت

انا عملت لايك لتوضيحك على اساس اني هلا فهمت شو قصدك وتراه نفس كلامي انا ماانتقدتك حبيبتي :)

الله يعينك ويفرج همك

أنااااا اقوولج شي استخيري ربج...

وربج الموفق..

لا ترجعي

الله يعينك استخيري وادعي ربج هو الي بيفرج عليج

آشكركم مننن كل قلبي على ردودكم .. عالعموم حبيت اقولكم انفصلت عنه , والصدمه في الموضوع اني صرت انا والبنت اصدقاء سبحان الله ..

تماااااااااااااام احسن شي سويتيه انك انفصلتي عنه

Moly Loly ماقلتي لنا شو هي الخطوات اللي عملتيها هل اخبرتي اهلك ؟
والله يوفقك ويعوضك خير منه والبنت الثانية الله يهديها ويرزقها الزوج الصالح