زوجي وبنات تويتر

من جد انا ماصار لنا الا اسبوعين على هالوضع وتعبت حييييل

السلام عليكم ورحمة الله وبركاته
عندي لكي حلول مؤقتة
اغلقي حاسبة زوجك بوقت غيابه بأقصى قوة عندها سيخرب الهارد وسيحتاج تبديله سيخصر فلوس ولن يفتح الحاسبة الى ان يصلحها
ضعي موبايله تحت الماء ثم نشفيه
ولاتعلميه واشغلي نفسك وادعي بأنك لاتعلمين شيئا
ايضا ادعي اللهم اصرف ولد وبنات الحرام عن زوجي كما صرفت بين الاحياء والاموات
وذكريه بأن الدنيا ديون مايفعله بك سيحصل لبنته
ولن يستطيع منعه مالم يتوب وتسامحيه
اشغلي كل وقته لاتجعلي له دقيقة يجلس على الحاسبة
تحدثو يوميا
ساعدني بالدرس الفلاني
تكلمي عن محاضراتك
وقت فراغ لايوجد
ربي يهدي زوجك
استعيني بخبيرة حاسبات وابعثي لحاسبته فايروسات كل فترة
اعملي حساب بتويتر وتكلمي معه وبعد فترة حدثيه عن صديقتك امسكت زوجها يكلم بنات
وانظري لوجهه
سلامي لكي
اختك لارسا بغداد

الله يكون بعونك ويصلح حال زوجك يارب

السلام عليكم و رحمة الله و بركاته ,,

أول شي بتمنى ربنا يهدي زوجك و يريح بالك , تاني شي أنا ماعندي هالخبرة بالموضوع فمارح أتفلسف بشي مابعرفه ,, بس الي حبيت أقوله إني أعرف قصة مشابهة لصديقتي وكان زوجها يكلم البنات بالهاتف و في نفس البيت لكن مو بنفس الغرفة ع أساس انها ماتسمعه ,, مرة من المرات جابت لها رقم جديد وموبايل جديد حتى تضل محتفظة بالشريحة التانية بموبايلها القديم ,, و اتصلت عليه أثناء خروجه من البيت و غيرت صوووتها و أخدت و أعطت معاه كتير و استمر الوضع أسبوع بس و قالت انها عرفت منه كللللل شي بحبه و جهزت أمورها تمام وبعدها بدأت و طبقت رغباته بحذافيرها ,, فأثناء مكالمتها معاه كانت تسأله وهو يجاوب
قالت بعدها زوجي تغير 180 درجة و بطلت أشوفه ماسك موبايله و صار يحب قعدة البيت لأنها كانت كل مرة تهيئله جو شكل

إنتي أدرى بزوجك فشوفي اذا ممكن تناسبه هالطريقة حاولي تسويلك حساب بالتويتر و راسليه و أكيد الكتابة أسهل من انك تغيري صوتك و تكلميه فممكن يعرفك!

و إذا مو عارفة حسابه خليها ع الموبايل

و إذا عارفة انه هالطريقة مارح تجيب نتيجة فلا تسويها فأنا ماجربتها بس شفت هالتجربة نجحت مع وحدة

و أنصحك سواء سويتي هالشي أو لا إنك تحاولي تهتمي بحالك أمامه و تحاولي تنظمي وقتك مابين دراستك و تفرغك لزوجك و كوني بأجمل صورة أماه فقد يكون سبب محادثاته على التويتر أنه يرى تقصير منك

أكيد رح تتعبي أولها بس احتسبي الأجر و الله بيعينك و يوفقك

ممممم و بالنسبة للدراسة بتذكر خالتي كانت تدرس ولما لاحظت ملل زوجها و كيف انه كان يحاول يقنعها توقف دراسة صارت تتدلع عليه و تقوله مثلا رح أحفظ هالسطرين و بعدها سمعلي و شوف كيف حفظي تمام ؟؟ ,, و كانت مرات تقوله أنا مو فاهمة المسألة بروح بسويلك أحلــــــى عشا و انت في هالوقت افهمها لحتى تفهمني اياها و تشرحها بعد ما نخلص عشا ,, و طبعا الرجال بيحبو يتدلعو ,, أتوقع بينبسط لو انتي أكلتيه العشا ولا الفطور ولا الغدا ,, موعد نومه حاولي تغيريه تكلمي معاه بحجة الصلاة!! مايصير يجمع الصلوات هيك !!

خليه ينام معاكِ من بعد العشا للفجر ,, تكوني كسبتي شوفته ,, و خليتيه يحافظ ع الصلاة >> في وقتها


الله يوفقك يا عسسسل و يبعد عن زوجك بنات الحرام :f:

اللي قالوه البنات كفى و وفى بس لي ملاحظة اختي واتقبليها مني انتي و زوجك مثل الليل والنهار لا تلتقيان فكيف تبغين يبقى لك مخلص اختي الرجل له احتياجات غريزية وعاطفية حتى لو قدمتي له كل شئ تطلبين من الله السلامة فكيف وانتي مقصرة في هدا الجانب؟؟بنات الحرام والشياطين من بني ادم بكثرة فلا تعطيهم فرصة؟حاولي تنظمي وقتك وحطي وقت مخصص لزوجك حتى لو كان على حساب راحتك بيتك يستاهل .ما تجلسين تناظرين وحطى كفك على خدك.الامر لسة في بداية عالجيه قبل ما يكبر .الله يسخر لك زوجك ويسخر لي زوجي وازواج المسلمات يارب ,ويجعلنا قرة ليهم وهم قرة لينا يارب .سامحيني ان طولت

السلام عليكم ورحمه الله وبركاته
شوفي حبيبتي
حاولي انك ماتطنشي هالنوعيه مايتركين رجال بحاله خاصتا الحين وقتكم مايساعدكم
ولكن قبل ما اتطرق في الحل باذن الله عندي ملاحظه بسيطه وتعقيب ع كلام الاخت لارسابغداد
بالنسبه انه تسكر الجهاز بقوه علشان يخترب فكره حلوه بس مو لصالحها هيقدر يجاب عده طرق اذا اخترب الجهاز
هيوصل الى الموبايل وقد ينزل برنامج ماسنجر او تويتر يعني هيقدر هيقد وما اشجعك تعمليها هالحركه
وكمان حركه انه تاخذي موبايله وتوضعيه تحت الماي انتبببببببببببببهي حبيبتي لو وضعتي لازم تفكي الجهاز الموبايل علشان تنشفي
الموبايل وماتتركي دليل لانه زوجك لو اخذ موبايله الى مصلح المحل هيقول له الموبايل فيه ماي او يمكن زوجك يفتح موبايل ويحصل ماي داخله
فكره هي حلوه حاولي توضعيه في الماي بس بعد ماتخرجيه فتحي الجهاز ونشفيه ودخلي غرفه ثانيه وافتحي مجفف الشعر علشان يجفف الجهاز
ورجعيه لمكانه

وانا انصحك انك تعملي لنفسك حساب تويتر ودخلي ع حساب زوجك خليه يضيفك وحاولي تدردشي معاه من هناك هتعرفي ايش تحت راسه
هل هو يكلم بنات بس مجرد كلام عادي او هيتطور ويغير اسلوبه انتي الادرى بزوجك
وبعدها اذا شفتيه تطور في الكلام خليه يرسل صورته او يقول اسمه او اي حاجه تدل ع شخصيته
وبعدها هدديه وقولي له انا اعرفك واعرف مكانك انا مهكره الجهاز وعرفت انته وكل محادثاتك مع بنات مسجلهن وبرسلهم لزوجتك
ههههههههههههههههههه
وربي هيخااااف ويتوب
وبعدين حبيبتي مادام زوجك له اسبوع او اسبوعين من تغير نظام وظيفته يمكن يتغير ع شهر الجاي الوقت حقه
انتي اساليه هل هيكون ع طول كذا وقت دوامه او لا ؟
واذا كان كذا ع طول حاولي تستغلي وقت نوم زوجك وتكوني ف الجامعه ووقت الى يكون هو ع النت كوني عنده حاولي تدردشي معاه وتطلعيه من جو
النت

المهم وضعت لك هالحلول وانتي اختاري واحد منهم ان شاء الله ربي يسر قلب زوجك لك مايشوف احد غيرك يارب ويخليكم لبعض

والله على قوله امي يا روحي عليها ما عفسنا الا هالتويتر و الواتساب و البلاك بيري و هالخرابيط
اعوذ بالله منه من زمن ، انا برايي لا تبطي البرمه قدامه و تخري كل الي عندك عشان لا يشوف خشته عليك
انو وايد تغارين عليه و بقوه ، برايي انك تشوفيه و تلاحظيه و تدخلي بلحظة المناسبة ، زوجك و انت ادرا به
، ما احط بذمتي بس ترا كله سوالف التوتير و هالاشياء مجرد هياط و يمكن هو يتونس و يلهي نفسه اذا كنتي اوب موجوده
او يمكن كمان ان مو هياط /: انا ما اخوفك بس حطي بالك ع زوجك ..

ربي يوفقك و يهدي سرك

شسوي اذا زوجي توه الحين يصحى

الف شكر لك من ردت علي والله اني في حيره من امري
ممكن اعملي حساب بتويتر واذا مانفع بخرب جهازه
بس الاكثر مراره بالنسبه لي انه توه يصحى وانا لازم انام
ماصارت حياه

الله يصلح حاله ويصرف عنه كل شر

التويتر مو بس بالموبايل .. يقدر يدخله من الكمبيوتر ولا اللاب توب او الاي باد ...

جوفي لو انا مكانج,, راح اعمل حساب بتويتر .. وعقب ما اعمل هالحساب اخبره ترى عندي تويتر .. وقولي له بوناسة شنو اسسمك خل اسويك فولو ...وهني عاد انتي لازم تعرفين تطلعين الحجي

في هالحالة بتكون له ردة فعل من هالاثنين .. او انه بعصب ان ليش عندج تويتر وما تحتاجين و و و و وو و ... انتي هني لازم تسوين روحج ( مستغربة ) قولي له اشوفك انت تدشه واسمع البنات يتحجون عنه وانه ينقل الاخبار اسرع وفي حسابات مخصصه للترفيه مثل النكت وغيرهاوانتي تبين تكونين على الخط مع باقي الناس

اما اذا لقيتيه هادي وعادي اهوا سواج فولو وخلاج تسوينه فولو ...هني تقدرين ترتاحين نوعا ما ان اهو غير مهتم لهذلاك اللي يسولف معاهم مجرد تضييع وقت فراغ .... بس مو معناته ان تخلينه يقضي وقت فراغه بهالشي !!!

انتي حاولي تضغطين على روحج شوي وتفرغين روحج ولو ساعتين في اليوم تلهينه عن تويتر ..
تقدرين من خلال التويتر مالج تدشين على حسابه وتجوفين الفولورز ( المتابعين ) تبعه و الفولونغ ( اللي اهو يتابعهم ) ... طبعا بتشوفين اسامي بنات اللي يسولف معاهم .. بس ما بتقدرين تجوفين الدايركت مسج بينه وبينهم واللي محد بيقدر يجوفهم غيره اهو ويا البنت اللي يكلمها ... هالشي انتي تقدرين تستغلينه اذا اهو مثلا دخل الحمام ولا نسى تلفونه .. ولا اذا اهو نايم تاخذين الموبايل وتسوين للبنات اللي اهو مسوين ( follow ) تسوينهم ( unfollow) في هالوقت ما بيصير في دايركت مسج بينهم الا اذا اهو رجع سواها فولو ... ويمكن اهو ما ينتبه انها صارت انفولو الا عقب فترة


ثانيا .. تقدرين عالعام جدام كل الناس تسوين لزوجج منشن .. وطبعا هالاشية انتي راح تعرفينها لما تسجلين بتويتر .. ومثلا تكتبين له شنو تحب تتغدى اليوم ؟؟؟ .. عشان باقي البنات يجوفون ...

اذا شفتي في كلام عالعام بينه وبين بنت والنقاش مو نقاش جاد ولا تبادل اراء .. تحسين في غلط البموضوع .. دخلييي روحج بوسطهم بطي عيون البنت اللي تحاجيه


والله يوفقج ان شاء الله

هوليه الله يسعدك مره شكرا
وضحتيلي نقاط ماعرفها
اليوم زوجي من قام وهو يحوس بتويتر الله يكفاني شره يارب
حسبي الله ونعم الوكيل

ما قصروا البنات كفوو ووفوو وكلام هوليه كيوت عجبني الصراحه ياليت تاخذين فيه

جوفي حبيبتي انا بعد اجوف انه ممكن يدش تويتر ويكلم بنات عادي عن الملل بس مو عشان شي وممكن انه يكلمهم عشان شي فالحل انج تسوين لج حساب بتويتر وسويله فولو وحاولي انج تدردشين معاه وشوفي طريقته معاج شلون وانتي راح تعرفين بعدها شنو موضوعه اذا كان يدش حق تعارف او حق يضيع وقته بعدها انتي تقدرين تحطين حل حق هالموضوع واذا حبيتي تتبعين الطريقه اللي قالت عنها هوليه كيوت بعد حلو

اما بخصوص دوامه ودوامج اختي لازم تشوفين لج وقت تقضينه معاه حاولي تغيرين طريقه نومه خليه يرقد معاج ويقعد معاج اذا قدرتي اذا دراستج تلهيج عنه دوريلج وقت بين الدراسه تكلمينه تسولفين معاه تتقربين منه كبريك لج نسيه الموبايل باي طريقه اذا شفتيه مسك الموبايل على طول ابتكريلج شي مثلا شرايك نطلع او سولفي معاه بموقف صادج مثلا قوليله شسويت اليوم في الشغل تدلعي عليه تعدلي له اقترحي عليه تجوفين فلم معاه المهم الهيه باي طريقه عوديه كل يوم انج تطلعين لج برنامج او موضوع معاه بيحس انج تغيرتي ومو الدراسه كل شي عندج لان واضح ان في تقصير وما احط اللوم بس عليج لان يعتبر مقصر معاج بعد وتقدرين تاخذين هالنقطه في اعتبارج وتقولينله انه مقصر عشان مثل ما انتي حابه تتقربين لازم اهو بعد اثنينكم لازم تتعاونون وتلقون حل انكم تعطيون وقت لكم حق بعض

لازم بعد وقت الصلاه تقومينه بطريقه تخليه يقوم يقوم يعني بدلع اذا نفع قوم صل ماعرف يعني اذا كان عندج طريقه تقومينه لان حرام غلط اللي يسويه نبهيه انتي حطي منبه له مثلا عشان ينزعج ويقوم وبعدها انتي غيري المود ماله تقدرين تتحركين في غرفتج وايد تحركين اشياء تطلعين صوت تتكلمين بالموبايل مالج بطريقه انه يقوم ويتعود من نفسه بعدين طبعا مع الكلام معاه عن وقت الصلاه علميه انه ما يجوز يجمع الصلوات خوفيه اذا قدرتي

الله يهديه ان شاء الله ويوفقج بدراستج ويجمعكم على خير

Kakwoa
مشكوره ياختي والله يسعدكم والله اني اتعلم منكم كثير وراح اطبق كل شي باذن الله
اتمنى من الله يحقق لكم كل مبتغايتكم في الدنيا والاخره

لارسا بغداد;16318129:
السلام عليكم ورحمة الله وبركاته
عندي لكي حلول مؤقتة
اغلقي حاسبة زوجك بوقت غيابه بأقصى قوة عندها سيخرب الهارد وسيحتاج تبديله سيخصر فلوس ولن يفتح الحاسبة الى ان يصلحها
ضعي موبايله تحت الماء ثم نشفيه
ولاتعلميه واشغلي نفسك وادعي بأنك لاتعلمين شيئا
ايضا ادعي اللهم اصرف ولد وبنات الحرام عن زوجي كما صرفت بين الاحياء والاموات
وذكريه بأن الدنيا ديون مايفعله بك سيحصل لبنته
ولن يستطيع منعه مالم يتوب وتسامحيه
اشغلي كل وقته لاتجعلي له دقيقة يجلس على الحاسبة
تحدثو يوميا
ساعدني بالدرس الفلاني
تكلمي عن محاضراتك
وقت فراغ لايوجد
ربي يهدي زوجك
استعيني بخبيرة حاسبات وابعثي لحاسبته فايروسات كل فترة
اعملي حساب بتويتر وتكلمي معه وبعد فترة حدثيه عن صديقتك امسكت زوجها يكلم بنات
وانظري لوجهه
سلامي لكي
اختك لارسا بغداد

الله يهدي لم زوجج ويبعد عنه بنات الحرام

مره شكرا ساعود غدا لاحكي لكم ماحدث
لاني الان لااستطيع اخذ راحتي الا في بيت اهلي