تفاصيل ليلة الخله - منتديات عروس

a

al_reeem

عروس برونزية

25-10-2003 | 08:31 PM

مرحبا عرايسنا ...

أحب ندرج هذا الموضوع
في أسئله البنات يستحون يسألون أمهاتم عنها وهي مهمه وايدبالنسبه للعروس فحبيت أطرح هذي الفكره

أي بنت تستحي تسأل ممكن تسألنا
وبتستوي عدنا معلومات كافيه من تجاب العضوات

خلوني أبدأ

شنطة الفندق؟ شو المفروض يكون فيها؟
- المشط
- القباضه
- السشوار
- المكياج (شنطه خاصه أحسن)
- قميص نوم (يفضل يكون طويل ومعاه روب لأنج أكيد بتستحين تلبسين عاري من اول يوم)
- فستان الصباحيه(إذا بتسيرون بيكم إلبسي الفستان ... وإذا بتطلعون لبسي بدله)
- عطر + دهن عود (في الليل بعد ما تتسبحين حطي قطرة دهن عود ورشي عليها من العطر إلي يعيبج ومسحي جسمج ريحتج بتكون إتخبل)
- الشامبو والبلسم (إستعملي الشامبو إلي يعيبج بس إستعملي بلسم هيربال يعطي ريحه حلوه في الراس)
- الصابون (إستعملي صابون لوكس الأبيض السائل وايدحلو)
- المعجون والفرشاه
- كريم جرجنز مع عاكسات دقيقه (هذاالكريم فيه حبات لمّاعي وايدحلو ويرطب وينعم)
- العباه والشيله

دخني خلقانج في البيت (او خذي وياج مدخن صغير+فحم+ملبق) دخني شعرج بعدالغسيل وهو خرسان شويه

بس :clap:

يالله دوركم

I

ICE

عروس مبدعة

26-10-2003 | 02:21 AM

مشكوره يا الريم ..

معلومات مهمه اكيد في وايد عرايس ما عندهم اللي يقدم لهم النصيحه ..

و هذي ايام ما بتنمحي من الذاكره اكيد الوحده لازم تستعد عدل لها ..

بس انا اقول لو تكون الثياب مبخره و جاهزه من البيت احسن .. بدل المصايب و المواقف اللي ما لها لزمه :pain:

ويكفي بعدين العطر و دهن العود بتكون ريحة الدخون في الثياب رائعه :up:

وشكرا .

ا

ارجوحه الانين

عروس جديدة

26-10-2003 | 09:08 AM

مشكورة اختي الريم
على هذا الموضوع
انا زواجي يعني بعد شهر ان شالله
ادعولي
:D2
اذا احتجت اي حاجه راح اسالكم
بس الحمد لله انا عندي شقه راح يكون
يعني ماراح اتعذب وروح فندق

غ

غرنوجة

عروس مبدعة

26-10-2003 | 02:52 PM

:up:

موضوووووووووووووووووووووووووووووع

يهبل

صح

في بنات ما عندهم حد يسالونه

واللي عندهم خبرة احسن كلامهم

ع

عابره

عروس جديدة

27-10-2003 | 02:23 AM

السلام عليكم
الله يعطيك العافيه خلى المقبلات على الزواج يتوعون مو يغلطون انا نسيت الاستشوار وتوهقت :D2 شعري ناعم بس كانت الرطوبه عاليه و خلصت عليه :D2

ع

عسووووله

عروس ماسية

27-10-2003 | 06:12 PM

:up::up: موضوع مهممممممممممممم الصراحه:up::up:

s

sara_kw

عروس جديدة

28-10-2003 | 05:08 AM

فعلا موضوع مهم ...

واايد بنات ممكن يستحون او في شغلات ماياخذون بالهم منها ...

يعطيكم العافية كلكم .. :clap:

ا

العروس الناعمة

عروس نشيطة

28-10-2003 | 02:59 PM

موضوع والله مره مهم ....

مشكورة وما قصرتي..

العروس الناعمة

7

7abibat Tariq

عروس مشاركة

28-10-2003 | 03:14 PM

يسلمووووووووووا يا الريم ان شاء الله

مشكورة عزيزتي والله انا استفدت من هاي المعلومات لأن زواجي قرب

وفعلا بحتاج اعرفها :shy:

حبيبة طارق :o

ق

قطرة_مطر

عروس مشرقة

30-10-2003 | 03:04 PM

فعلا في اشياء نشوفه صغيرة وما نعيرها إهتمام بس هي في الواقع ضرورية...
يعطيج العافية al_reeem على هالموضوع المفيد وأتمنى الخوات المقبلات عالزواج يستفدون وما ينسون شي ويتفشلون جدام ريايلهم من اول ليله:pain:..(الله يوعدنا بالرجل الصالح :shy:)

عابره:
زين جت سليمة معاج...:D2

تحيااااااااتي..

ا

الرومانسيه

عروس مشرقة

31-10-2003 | 02:27 AM

مشكوره الغاليه علي هذي النصايح

الغاليه انتي قلتي ترتيب الشنطه ليوم وواحد
بس لو كنت بتم اسبوع مثلا شو ممكن احط

بحفظ الرحمن ...

:smile:

ش

شنكوله

عروس مشاركة

31-10-2003 | 02:47 PM

هلا الريم موضوعك وايد حلو
تراني استفدت منه:up:

وبعد اقول لش ان عرسي راح يكون:o قريب ان شاء الله

عساكم على القوه(u)

H

Hayyoush

عروس برونزية

31-10-2003 | 03:11 PM

:clap:

a

al_reeem

عروس برونزية

31-10-2003 | 09:43 PM

مشكورين أخواتي على تفاعلكم مع الموضوع

وبالنسبه للإخت الرومانسيه

إذا العرسان قرروا ييلسون إسبوع ... فبتزيد عدد البدلات وقمصان النوم على عدد الأيام ...

في شي حبيت أضيفه ...

الملابس الداخليه ... عددهم لازم يكون عدد الأيام إلي بتيلسون فيها في الفندق ... وإستعملوا كيرفرى الزرقاء تعطي ريحه حلوه وتحافظ على الملابس الداخليه لمده أطول ...

وحبيت أضيف بعد للزوجين ان يستعملون سيباميد السائل (للوجه والجسم) عند الإغتسال ... عشان يتفادون الإلتهابات الي تي بعد الزواج مباشره ...

وبالنسبه لفستان العرس شو تلبسين تحته :

لبسي تحته مايو بدون ستيان علشان الفستان بيكون فيه كابز فما يحتاج

أتمنا أن أكون عطيتكم صوره واضحه ... أي سؤال لا تترددون :shy:

غ

غرنوجة

عروس مبدعة

01-11-2003 | 05:31 PM

:think: :think: :think: :think: :think: :think:
:think: :think: :think: :think:
:think: :think:
:think: :think: :think: :think:
:think: :think: :think: :think: :think: :think:

سؤال ممكن يكون محرج

بس ابى الجواب

يا ترى العروس اول مادش الغرفة ويا زوجها

اتبدل ملابسها على طول

ولا كيف

وتغسل وجهها

ولا اتم بمكياجها

ومتى اتصلي

:pain:

a

al_reeem

عروس برونزية

01-11-2003 | 05:53 PM

إختي غرنوجة

شكرا على السؤال ... بالعكس سؤالج مش محرج

أول ما يخلص العرس وتكونون في الغرفه روحكم ... أكيد بتطلبون عشاء وإلا بتمون بيوعكم ؟؟؟

في هذا الوقت دشي وإتسبحي وغسلي شعرج عن الإسبريه وغسلي ويهج عن المكياج لأنه أكيد بيكون ثقيل و مش حلو ترقدين به وتوضي ... حطي روحج بودره خفيفه وروج وشدو خفيف ومسكره ... وعطري جسمج بالدهن عود والعطر إلي يعجبج ... ولبسي قميص النوم

صلوا إنتي وزوجك بعدين تعشوا

ب

بحرينية أصيلة

عروس متألقة

01-11-2003 | 10:40 PM

مرحبا ,,
بما اني عضوه جديده

شدني موضوعج اختي العزيزه al_reeem

بصراحة عجبني وراح نستفيد

طرا في بالي سؤال .. يمكن اكون جريئة شوي لو سألتج اياه :o

لكن للفائده

سؤالي: لما نخلص من الصلاة وتناول العشاء .. بعدين نرقد صح ؟ طبعاً بكون لي اول ليلة ارقد معاه .. طيب شلون اتصرف في ديك اللحظه طبعاً بكون مرتبكه

a

al_reeem

عروس برونزية

01-11-2003 | 10:49 PM

إختي ترنيمة حب

سؤالج مش محرج ... وكما قلت انا في البدايه ان هذا الموضوع للبنات إلي يستحون يسألون ... وبحاول قدر الإمكان أني أفيدكم

يوم بتنامون خليه هو إلي يبتدي لا تحاولين تتصرفين في أي شي ... وكل شي بيمر بسلام ... لانج مجرد ما تحاولين تتصرفين بظن الف ظن ... خلج في بر الامان وهو بيتصرف

:pain:

س

ست الدلال

عروس نشيطة

01-11-2003 | 10:56 PM

موضوع مهم جدااا

أختي غرنوجة

عندي وجهة نظر أخرى بالنسبة لسؤالج تختلف عن وجهة نظر الريم

في رأي أن العروس تدخل تسبح وتنظف جسمها زين ما زين

لكن لا تفجين شعرج ولا تمسحين مكياجج .. والبسي قميص نوم ليلة الدخلة

وبعد السبوح اتدخني واتطيبي

بتقولون ليش؟؟

أقولكم .. لأن المعرس ما يكون واحاه إن يشوف مكياجج وكشختج على الكوشة من الزحمة والربشة وربكة الموقف

وهذي فرصتها علشان يشوفجج بأبهى حلة

مش قبل الدخلة تمسحين مكياج العرايس عن ويهج وتطلع العيوب بشكل عام .. ويتفاجأ قبل الدخلة

وبعدين إغتسلي مرة وحدة وإغسلي شعرج وإغسلي المكياج

هذا أولا ...

أما ثانيا

هذا العدال تكون العروس مخسرة فيه الشئ الفلاني

حرام إنه يكون على الكوشة وبس

والريال أولابه ..

وتحياتي

س

ست الدلال

عروس نشيطة

01-11-2003 | 11:00 PM

نصيحتي لكم جميعا يا عرايس

لا تحاتون يوم الدخلة

معلش كل ما كنتو مرتبكين .. كل مادل هذا الشيء على حياء المرأة العذراء العفيفة

وهذا طبيعي يحصل لكل البنات

و لا تسألون بعدين شو نسوي

إنتي بعد ما تترتبين وتتأنقين .. خلي الباقي على ربنا واتكلي على الله

لأنه هنيه مش شغلج ... بيكون شغل الريال

ومبروك للجميع عرايس المنتدى