مشكله اهل زوجي

اختي

مشكلتك مشكلة أزلية

يعني مشكلة الزوجة مع أهل الزوج او مع حماتها

اختي فكري زين .. هل تتوقعين فيه أمل من اصلاح حال ام زوجك وأهله معك ؟؟

اذا حسيتي انك بشوية مجهود راح تكسبيهم اسمعي كلامي

حاولي بقد ما تقدرين تكسبين ثقتهم ، وتقربيهم منك يعني سوي عشا واعزميهم عليه ، شاركي في مجالسهم وجمعاتهم واكثري من مدح ام زوجك وخواته بصفة حلوة فيهم ، دايما حثي أولادك على احترامهم وخليهم ينزلون يسلمون على جدتهم كل يوم ، اكثري من مدحهم قدام زوجك عشان يحس انك تحبيهم وهو بالتالي راح يكون في صفك

تفاهمي معاهم بالحسنى قولي لهم في جلسة صراحة انتوا ليه تعاملوني بالطريقة هذي ؟؟ ايش الغلط اللي انا اسويه ؟؟ ايش التقصير مني

خلي شغالتك تتحملهم شوي هذول مهما كان أهل زوجك

بس لو مافيهم أمل من اصلاح الحال

الله يعينك تتفاهمين مع زوجك وتقنعيه برغبتك بالانفصال عنهم بالسكن المستقل ولا تمنعيه من زيارتهم لا هو ولا انتي ولا أولادك بس حددي اوقات للزيارات و لا تخلينهم يفرضون نفسهم عليك وعلى حياتك وراحتك ويوم ورا يوم راح يعرفون انك صاحبة حق خاصة اذا عاملتيهم معاملة زينة وما أظهرتي لهم الضعف والخوف واستعملي اسلوب الاحترام مع الجميع وطولي بالك الى ابعد درجة

الله يكون في عونك وان شاء الله تتحسن اوضاعك بمناسبة حلول الشهر الكريم أعاده الله علينا وعليكم بالخير واليمن والبركات

تحياتي لك

السلام عليكم ورحمة الله وبركاته


أختي الغالية بنت جميرا...كلنا في الهوا سوا
بس قبل تفكرين في أي شي أنا باقولك الطريقة
اللي أنا اسويها..أحط نفسي في مكان أم زوجي
أفكر في كل موقف أسويه لو كان ولدي متزوج
وعنده زوجه أفكر شو يبكون إحساسي وردة فعلي
على بعض المواقف.. ودايما طلعي لها عذر
صدقينى حاولي تحبينها ما بقولك
انك تقدرين تخلينها بنفس غلا أمك بس حاولي

صدقينى هذا كله بيكون في صالحك للمستقبل وفي علاقتك
مع زوجك ، حاولي تخلينه يقوي علاقته مع أمه ويقضي وقت
طويل معاها ومهما صار لك من مشاكل لا تخبرينه ...لأن ها الأشخاص
هم أهله في الأول وفي الأخير وما بيرضى شي عليهم ومثل ما
قالت أختي رومي خلي عيالك يحسسونها بغلاتها لأنهم عيال ولدها
وغلاتك بتكون من غلا عيالك (أقولك ها الشي عن تجربتي الخاصة
واللي لازالت مستمرة) ولا تنسين أهم الشي توجهي إلى ربك COLOR=blue]بالدعاء عشان يفرج همك


وأصبري لأن ان شاء الله أجرك عند الله كبير وتذكري أن الجنة تحت أقدام الأمهات

أختك صدى الأيام(u)

مشكلتي حاولت وياهم ام زوجي ادلعها من هدايا من اشياء ثاينه رغم اني عندي خدامه روحي اطبخ لزوجي وخوات زوجي لما كان ايجيون نفسي كنت اسويلهم الاكلات واطبخ لهم بس مافي فايده تعليقاتهم مايخلص لو كانوا ناس يحبون الطبخ بقول ماعليه وبعدين هم فيهم غيره مني بشكل ماتتصورون مااعرف ليش ماعدي اني عمري مااتكبرت الا اسوي عيد ميلاد عيالي واعزمهم واسوي هدايا للصغر وصدقوني ياريت لو ايجيبون هديه ب10دراهم لعيالي ايقولون انتوا تجار ماتتحتاجون هدايا من حد ماعدا انهم رواتبهم اكثر منا بس لان احنا نصرف علي نفسنا ونلبس مانبخل علي اعمارنا والله تعبت منهم علي طول احنا حلوين واحنا ورغم انا مب خسفه حتي مستواي الاجتماعي اجسن منهم بس هم شايفين عمرهم ومره حاولت وياهم قلت لزوجي ليش كذا يتعاملون وياي وزوجي قالهم قالمه القيامه هي مغروره ومتكبره واحناانحبها بس هي مب زينه كيف اتعامل وياهم انا من الطبع الخجول وهاديه ورغم جذي اضغط علي نفسي اشاركهم مناسباتهم والله اخت زوجي مربيه سالتها شو في خاطرج اجيبلج هديه اتقولي ابى فلوس ناس هم بس كيف ايجمعون بيزات وياكلون علي حساب ناس ثانين اموت قهر هم كل وحده عايشه عندها بيت وانا جالسه هني اصرف عليهم يعني طفح الكيل

السلام عليكم ورحمة الله وبركاته

ما عندي غير أقولك الله يعينك ويفرج همك..أنت الي عليك سويته
عليك الحين بالدعاء ما شي لك غير ربك أنا يوم أحس أني خلاص
ما أقدر أتحمل أدعي ربي والحمدلله إلى ما لنا غيره

الله يصبرك ويصبرني ويفرج همنا يارب

صدى الأيام

:confused:
لا تعليق

أختي العزيزة bint_jumera...


ظللت أقرأ مشكلتك أكثر من مرة حتى أصل إلى حل يريحك....


أنت فعلا تعانين معهم....و فعلا واضح من كلامك إنه طفح الكيل....لكن انظري إلى الخيارات المتاحة أمامك....


إذا حاولتي الخروج من البيت ستأتي معك أم زوجك...و كما قلتي لن تنتهي من المشاكل...لكن ممكن لو ظلت مع ابنها الكبير....ستخف حدة المشاكل قليلا....


يعني حاولي إنت أن لا تتدخلي كثيرا و لا تلقي بالا لما يجري بين زوجك و أهله...و ذلك لتريحي أعصابك من التفكير المستمر...اهتمي فقط بشؤون بيتك و أولادك...و إذا حصل أي موقف منهم استغفري الله و انسيه فورا...حتى لا تتراكم عليك الضغوط...


بيني لزوجك بين الحين و الآخر بطريقة لطيفة ما تعانين منه...لكن لا تشركيه في كل كبيرة و صغيرة و كل مشكلة حتى لا تحدث بينك و بين زوجك مشكلة لا سمح الله...


اقتراح آخر...و هو أن تفعلي أي شيء يشغلك عنهم طول الوقت....و بذلك لا تحتكي بهم كثيرا...


خلاصة ما أريد قوله...أن تحاولي أن تقللي احتكاكك بهم...و أن تحاولي أن تتغاضي عن ما يصدر منهم و لا تفكري به كثيرا حتى لا تتعبي....اشغلي نفسك و حاولي بقدر الإمكان أن تستقلي بحياتك...لكن بكل هدوء حتى لا تثار المشاكل من حولك....


أتمنى إني قدرت أساعد بأي شيء....


طمنينا عنك...


تحياتي...

كلامك يا مشرفتنا عين العقل

اختي بنت الجميرا

رمضان كريم أكثري من الدعاء والله يغير الحال ان شاء الله

تحياتي لك

مرحبا اختي بنت جميره

والله وانا اقرا مشكلتك اقول صج انا مو لحالي اللي اعاني من ام الزوج


بس خليني اقول لك شي

اذا انتي تقولين ان خوات زوجك وامه عليهم حركات بسيطه معاك في تعاملهم

قولي الحمد الله ان هالشي من قدامك مو وراك

انا بس ادخل يهلون ويرحبون فيني وبس اطلع والله انهم ياكلون جنبي

وزوجي المسكين لين يدافع عني جدامهم ويقول تراها ما في قلبها شي عليكم وانتوا ليه كذا معاها

تجي الام واللهم ياكافي تقعد تسوي لزوجي افلام مالها اولولا اخر وتقول له انا بيرتفع على السكر انت بتموتني وتاخذه بالضجه هذي عشان بس يسكت
:eek2:

الله يسامحها

وهذا قطره من مطر


بس اللي بقوله لك ونصيحه لوجه الله تعالى


كوني عزيزه يعني لا تكثرين جلساتك معاهم وكوني موجوده بس بالاوقات المهم يوم الجمعات والصبح تطلين علي ام زوجك وبس

وبالنسبه حق اعيالك بعد هم اطفال وخليهم براحتهم

واي كلام ايجيك دخليه من هالاذن وطلعيه من الثانيه
واذا بخاطرك تتكلمين انتظري زوجك يطلع وقعدي صارخي وابكي لحالك بدون لا يعرف زوجك

وبكذا بيحسون انك تغيرتي ومو مثل اول وبيسألون عنك وبعدها انتي بتريحي نفسك من الكلام

لان الكلام يجر الكلام

وسعمي

اذا الالخت مع الاخت في البيت الواحد تصير بينهم مشاكل
فما بالك في اهل زوجك وانتي عايشه معاهم !!!


احسن لك انتي عزلي نفسك والله وبعدها اذا سأل زوجك او احد قولي له بس احس اني برتاح وما ابغى المشاكل

والله يوفقك

وادعيلي بعد حتى انا مثلك وازيد

بس الله المستعان الله يثبتهم في عقلهم

:up:

المشكله هم مغرورين دوم حاطين في بالهم انهم ناس علي متوي لاكن الحقيقه غير شو اقول احينه رمضان وام زوجي اتقولي كل يوم سوي خبز وانا وحده اشتغل وارد البيت اذاكر ويا عيالي وماشاء الله عيالي مب هادين يعني وقتي كلها لهم وعندي خدامه جديده ماتعرف تطبخ يعني ادش المطبخ اعلمها والله يوم اخلص احس ان اليوم خلص واكون مهدوده ورغم جي قاعده اتقولي سوي خبر الخدامه ماتعرف اتسوي اكل زين وانا مشغوله كيف اويها قلت لها انتي سوي لاني عندي اشياء ثانيه بعد اسوي زعلت شو اسوي وياها انا مب خدامه عندهم وزوجي ايقول لاتعطينهم سالفه كيف اسوي جي انا جي ويقولون مب زينه كيف مااعطيهم سالفه اتصدقون من بارحه متصلين احنا يوم الخميس معزومين حج السحور عندج فسويلنا اكلات شو اسوي ويا ناس جذي :pain:

حبيبتي والله كسرتي خاطري ياريت انا يمج عشان اقدر اساعدج واحطج في عيوني

والله حاسه فيج لاني انا عارفه شنو اهل الزوج وشنو حركاتهم بس مو الكل طبعا



الله يعينج سلمي امرج بيد الله وسمعي

مكسي ام زوجك بروحها على رواقه وقولي لها ياخالتي انا ماابي اقصرمعاكم في شي بس انا مشغوله كثير مع مذاكرت عيالي والخدامه الجديده بس افرغ او اصير فاضيه بسوي لكم اللي تبون

وعن اللي بيجون لك حق السحور بعد امرك لله

وصبري ان الله مع الصابرين :eek2:

ينبغي لنا في هذه الحياة أن نكيف أنفسنا على الوضع المحيط بنا بأقل ضرر يقع علينا

أحسن حل ان الوحدة تتفق مع زوجها من بداية زواجهم انه يكون لهم سكن منفصل حتى لو شقة بغرفة واحدة..وحتى لو هي اللي تدفع ايجار الشقة ..لأن أهم شي راحة البال..:up:

اي والله اهم شي


راحة البال




وصح لسانك يا s2s2s الحين الوحده منا تدور راحة البال وانا الصراحه الزوم ما علي راحة بالي و زوجي


صج الدنيا فيها هموم محد يعلم فيها غير الله ومالنا غير الصبر

وانا لله وان اليه راجعون

الله يعينج