ساعدوني بلون غرفتي :,(

السلام عليكم

شخباركم بناات؟

عندي جمن سؤال حددده ضروري اتمنى اتردون علي احين عشان اعرف ارقد ههههههههههههه

الصبغ بحجرتي صاير بيج الي اهوة درجة روستد الموند اظن اسمها ..و اطار الدريشة و باب الحمام - تكرمون- و البلكات لونهم ابيض..

اثاثي اخترت الخشب اللون المحروق الي صاير اسود و فيه تأثير خشب خفيف بالرصاصي و اللذر فيه بعد اسود و فيه كرستال..

و الارضية بورسلين اللون صاير مكس بين الرصاصي و البيج فاتح..

مشكلتي العويصة الحين اني حاسة الحجرة فاتحة و ما فيها لون يجذب:'(.. فكرت ان ادخل بالصبغ اللون الكحلي الملكي و الذهبي..

بس مو عارفة شلوووون ادخله بالحجرة اخليه ورق حائط على طوفة وحدة الي اتصير يمين السرير و باقي الحجرة اللون البيج نفسه ؟..ولا الطوفة الي ورة السرير صبغ كحلي سادة و بالطوفة الي مجابلة السرير ديزاين بالكحلي و الذهبي بعد و الستارة بخليها ذهبي و فيها ديزاين اسود؟

اتهقون يطلع حلو هلون؟

و ورق الحائط بجم بيطلع على اذا حق طوفة ارتفاعها 3 متر و العرض اتوقع انه 4 متر؟

عااد بنات جوفولي حل حدي متسندرة على هالسالفة و اخاف لين صبغت ينعفس اثاثي لانه ان شاء الله قبل العيد بيكون موجود و انا هالاشية بسويها عقب بفترة :badly: