تجمع حوامل يونيو 2013

وانتي من العايدين السعيدين حنين

والف مبروووك الحمل >>> زادوا البكريات :lol:

يا هلا فيج شروق والف مبروووك الحمل وربي يثبته

تاريخ ولادتج مثلي

ما يندرى وينها ابتسامة فتحت التجمع واختفت عنا ، عسى المانع خير

انا الله يسلمكم متزوجة من سنتين وما كنت افكر احمل من البداية واول سنة كنت استخدم مانع وعقب تركته

عقبها قعدت أحاول وما كنت مركزة الا احمل هالشهر والا مايصير يعني مخليتها على الله

وسبحان الله ، ما يسوي الشي الا فيه خير لنا يعني في فترة السنتين وايد تعدلت أمور وتحسنت وكل مااتذكر اقول احسن وقت حملت فيه الحين

وعن شلون عرفت كنت رايحة المستشفى لانه بطني يألمني الم ماله علاقة بالحمل الظاهر من القولون شي جذي ، وكان الدكتور بيعطيني إبرة وسألني انتي حامل ، قلت لا إراديا ما اعرف قالي متى موعد دورتج قلتله امس بس عادي تأخر يوم او يومين

قال الافضل نسوي فحص دم لانه الإبرة ما تصلح لحوامل

وسووا لي تست وطلعت النتيجة عقب ساعة ، ويات الممرضة تقولي وين زوجج قلت لها راح السيارة وبيرد

عاد انا صار قلبي في بطني وهي ساكتة سألتها شنو النتيجة ، تقول اول خله ايي زوجج حزتها انا استخفييييييت قلت جان مو طلع فيني شي غير وما تبي تقول


يه زوجي والدكتور والممرضة مرة وحدة وقالت الممرضة حق زوجي











كونغراجولايشن يور وايف إز بريغنانت >> كانت فلبيبنية


وجان اتدوده انا وريلي وحضني بقوة وقالي مبرووووك  F:F::o


وخلصت الحدوتة يالله الحين دوركم كل وحدة تقول :D:D