تجمع حوامل يونيو 2013

مخمليات انتي عند من تابعين حملج؟

أني عندي افرازات احد صاده مثلي تزيد عندي ادا تحركت قلت لدكتورتي قالت لي ادا مافي حكة ولا ريحة عادي

هلا شوشو بسميج جذي لانه اسمج طويل :D

انا الله يسلمج اتابع عند سونداري في ابن النفيس ممتازة معنه المستشفى مااحبه

بالنسبة للافرازات ، اذا ما فيها لون مب مشكلة لانه في ناس تزيد عندهم وتقدر دكتورتج عشان تتأكد تسوي لج فحص التهابات

وعن الالم اللي فيج اذا تحسينه اكثر من الم الدورة لازم الدكتورة تفحص كل شي من مشيمة وعنق الرحم عشان تكونين متطمنة اكثر

وان شاء الله بضيفج في القائمة 

قائمة الحوامل لشهر يونيو 2013


3.6.2013
دوا الروح 


11.6.2013
حصاصي


12.6.2013
عبق السادة  


13.6.2013
شروق التميمي


15.6.2013
مخمليات
تتاوي
Cute.Qa


18.6.2013
الابتسامة القادمة


20.6.2013
Sweet lady 88


23.6.2013
أم ساجد


24.6.2013
شاغل لي بالي


25.6.2013
عشق الحياة


29.6.2013
في بيت أبوي



والباقي يذكرون لي مواعيد ولادتهم عشان اضيفهم في القائمة

اصبحنا واصبح الملك للـــــــــــــه ..

شخباركم بنات ان شاء الله تمام .. انا الحمد لله بخير تمام اتمام بس ابتديت شوي ارجع وصار الوضع
كلش كلش كريه وطول الوقت احساس بالثقل و الغازات

مخمليات .. الحمد لله ان كل شي تمام .. انا عجبتني فكرة الي يتحرك لان بصراحة بصراحة اول مرة في السونار ما جفت شي الاشي دائري وطريقة النبض يعني .. حتى اقول حق زوجي حسيت في شي عندك شعور لما جفتة اثنينا كنا :confused::rolleyes: لا مــاااافي !! حتى قلت اكيد احنا ابهات مو زينين لا ما حسينا في شي :'( بس ان شاء الله هالمرة بصير شكلة غير ويسوي لنا حركات انا لي باروح بيكون 11 سبوع و جم يوم تهقين يسوي لي شووو :biggrin:

على قولة مخمليات .. شوشو .. اهي الافرازات في وقت الحمل تزيد وايد لدرجة مايصير انج تقعدين او ما تلبسين carefree انصحج اول شي انج تدققين اكثر لو كان في ريحة قوية يعني .. حكة .. لو لون غامج .. لو حسيتي في شي من هاي الاشياء سمعي كلام مخمليات وقولي للطبيبة ابي فحص مال الالتهابات بخصوص الالم كلش ما عندي فكرة بس لاتحاتين ان شاء الله كل شي تمام

بس خلاص خل اشتغل :study::worn_out:

عشف الحياة....أنا بعد أحس بثقل بطني والصبح لمى أصحى من النوم قومتي صعبة ماقدر اقوم احس بألم وثقل في بطني وظعري...الله يتمم لنا على خير

هلا وغلا عشق الحمدلله انج تمام التمام :thumbs_up: ان شاء الله دوووم

الله يسلمج انا بعد اول مرة نقطة وبس فرحانة انه حامل بس كشعور بيبي داخلج ما تحسين

بس هالمرة ان شاء الله بتصيرين غيييييييير :adore:

شوفي الاسبوع ١١ اكيد بتشوفين راسه ويده وريله وعموده الفقري بس الحركة تبتدي اكثر من الاسبوع ال ١٢

لكن ما تدرين يمكن بيبيج نشيط ويسوي لكم شوو هههههه لانه انا بعد قالت لي ان نموه زايد جم يوم بس قالت نتأكد الموعد الياي ونحدد موعد الولادة يكون احسن وأوضح ويمكن اعرف جنسه بعد

عشااااااااان طيرااااااااان عالسوق :lol:


شوشو انا عكسكم

انا وحامي يشتغل فلليل :'(

ما اهتني بنوم واللوعة تزيد والحالة حالة ، لا يمين ولا شمال من دشيت الثالث هاي حالي

واحس بالثقل اكثر ، يمكن عشان هالفترة البيبي يبتدي يرتفع فوق كل اللي خف عن ايام النساة انه الدورة خفت واللوعة ماادري اشلون تغيرت عن قبل الحين احسها بسبب الثقل اللي في معدتي

انا الصبح اوكي مو ذاك الزود لكن نفس مخمليات من ارد البيت على الساعة 4 ونص بعد الدوام ابتدي احس بثقل بالمعدة حتى زوجي يقول انتي عيارة من اجوفيني تدلعين !! لكن هم ساعات اقول يمكن من بيتي اقول يمكن ما احب بيتي !! لا و القهر تحسين نفسج ثقيلة و ماتبين تاكلين ولايعة جبدج ومرة وحدة في ثانية وحدة الحال يتغير تصير معدتي حارة جني سنة مو ماكلة واصير يوعانة و خاطري في ذاك الاكل الي ما يوقف لكن من اكل لقمتين بس اتعب

يوم الاحد باخبركم شنو صار في السونار

ههههههه عشق اما ريلج يضحك اصلا قولي له لي الحق اتدلع

ويييييي كأنج توصفين حالتي ويه الاكل ايووووع مرة وحدة وانهار وتصيدني قلابة

ومن اكل الثقل يزيد واللوعة يبتدي مشوارها

حالكم مثل حالي ماأحب الأكل لدرجة انه وزني نزل والكل من يجوفني يقول ليي ضعفانة وكله احيس بالثقل واحس انه شيء مرتفع ليي في المعدة...أنا موعدي يوم السبت ....ان شاء الله لمى اروح بخبركم

انا يوم موعدي اكون في الاسبوع ال 11 و6 ايام يعني باقي لي يوم وادخل ال 12 ان شاء الله اجوفه يتحرك وافرح بجوفته

ويييييييي انا بعد يوم السبت موعدي وباكون 11 سبوع و 4 ايام .. عااد ما وصيج من تولدين خبريني يعني انا بولد وراج بيومين ههههههههههههههههههههههه الا اذا البيبي مالي اشطر من البيبي مالج ;)

هلا حبيباتي كيفكم
انا امس رحت للدكتورة وشفت النونو ماشاء الله كبران وحليان

على فكرة انا شفت الحركة من قبل اسبوعين بانت اطرافه وراسه وكان يحرك ايده وراسه
وامس شفته كمان ماشاء الله يتحرك ويتقلب هههههه والعمود الفقري واضح

بالنسبة للافرازات صح كلامكم والله مستحيل اقعد من غير كيرفري
مادري زايدة عندي فترة الحمل
بس سألت الدكتورة قالت طبيعي طالما مافي حكة ولا ريحة

يابنات حابة اسألكم سؤال محرج :o
كيف علاقتكم الزوجية ؟ عادي طبيعي يومياً يحصل او لازم تقللون او كيف يعني ؟
واذا صار بينكم ماتحسون بحرقة ؟
وياترى عادي نستخدم الغسول المهبلي ؟
وكمان اخر سؤال عادي اذا استخدمنا الكريم الموضعي وقت الجماع ولا مو زين ؟
انا مااستخدمه الا نادراً بس قلت اسأل

هلا أختي تتاوي....الحمدلله إنك تتطمنتين ع النونو والله يطمنه ....بالنسبة للعلاقة الزوجية من يوم حملت ماصار بينه ...بس اشياء خفيفة...بسصراحة اني اخاف وزوجي أكثر مني الله يصبرنه..في نفس الوقت زوجي يكسر خاطري

شوشو

مساكين ريايلنا الحمدلله انه يحاسبون علينا، اهم شي انه الزوج يقدر نفسية الحامل

اي صاجة اول الشهور كله معتمدين الاشية الخفيفة :lol:

اي والله مساكين رجالنه....يلا بس الحمدلله مقدرين وضعنه....اي ان شاء الله يوم السبت نجوف النون....يبي لينه نسوي لينه قروب في الواتس اب....مخمليات انتي من وين؟...عشق الحياة وتتاوي من وين؟

هلا حبيباتي
مشكورات عالردود حبيباتي
وبالنسبة لازواجنا والله مساكين فعلا
انا من اول حملي ماصار الا مرات معدودة
واني الان صارلي شهر تفريبا ببيت اهلي وتاركة زوجي
الحمدلله ان ازواجنا مقدرين
بس في كثير متزوجات يصير عادي جماع مو مثلنا عشان كده قلت اسألكم
طلعنا كلنا خايبين هههههه

يلا مابقى شي وندخل الرابع ان شاء الله

عالحرقان والكريم استحي اسال الدكتورة :o
عشان كده قلت اسألكم
يصير معاكم حرقان او لا لما يصير جماع