تجمع حوامل يونيو 2013

دُوا الروح;16405032:
عرووس

بالعافيه عليج الكريمحياتي ..

اي يله بلشي استخدميه ، بلكي ما تطلعلج تشققات .. .

Haifa..;16405215:
عروس الكريمات تينن و ان شاء الله المفعول يكون حلو
تتهنين فيهم

بوتس اللي عندنا ما شفته يايب شي من ديور ابداً
و حبيت سعره تصدقين ال بايو اويل من بوتس ب ١٠٠ ريال بس في بنات قالو بوتس لندن واااايد سعره ارخص
سالفة المفاجأة احسن مع اني كنت متضايقة وقتها
لكن اهون من ان الكل يعرف و حدهم مب ملاقيف
انا تمنيت ان ريلي ماتكلم و باقول له لاتتكلم عن الاسامي مره ثانيه بنقول ماقررنا ابتلشنا


مخمليات مضطره اجهز هني حق النفاس واخذ معاي بس مب كل شي الملابس المراضيع وهالضروريات
والله يعيين

دوا
حلو الشي خصوصا ان الشغل بيكون حق ضناج

عشق الحياه;16405386:
om huss

حياج الله حبيبتي .. وتشرفنا بمعرفتج

يا جماعة شنوووووو سوالفكم حلوة .. اذا تميتو هلون تسلفون بالصفحات باتفنش على يدكم لان احب اصبح فيكم و اهد شغلي عبال ما اخلص الواجب تروح ساعة ههههههههههههههههه

ياااااااااااه من الاسامي .. انا قلت من قبل اتفقي مع ريلج ولا تتحجين وما لج الا تكنيك الاذن الصمخة خل يقولون لي باجر .. اهم شي الاتفاق بينج وبين ريلج

امـــااااا سالفة الاهل فهي تبتدي هلون ..

اوووه للحين ما انخطبت !! :-#
انخطبت البنت .. قالو يالله ما بتعرسون !! :rolleyes:
تزوجت البنت .. هاا صار شي امس .. وانتو اخبر شنو يقصدون
وبعد فترة تبتدي الاسئلة .. ها مافي شي في الطريج :cool:
صار شي في الطريج .. وماتحجيتي من البداية .. يزعلون و من قلتي لهم .. اتيي ترتيب الاسئلة ..
هاا شنو في خاطرج ؟؟
اذا بنت شنو بتسمونة اذا ولد شنو ؟؟
هاا بنت ولا ولد ؟؟ شنو بتسمونة ؟؟ ليش بتسمونة ؟؟ ليش ماتسمونة ؟؟
جهزتي ؟؟ شنو شريتي ؟؟ ليش شريتي هاي ؟؟ اذا في ولدي شريت هاي انتي بعد روحي اخذي !!
ها متى تولدين ؟؟

المهم يبتي الياهل .. والحمد لله

انتي للحين في الاربعين .. ها ما تبين اتييبين له اخو او اخت !!


المهم صارت حزة الروضة و المدرسة .. الا هالمدرسة مو زينة الا هالمدرسة زينة .. الا ليش تتحجين معاه انجليزي الا ليش تتحجين معاه هندي الا ليش افغاني !! وطبعا كل شي اهمة يسوونة اهو الافضل ولازم اتسووين نفسهم !!


مرت الايام .. ها ولدج مو ناوي يتزوج .. دورو لة مرة
الا هالبنت زينة الا هاي موب زينة ...... الخ الخ الخ


وصلتي الخمسين .. ها ياج السكر .. ياج الظغط .. دورتج وقفت .... الخ الخ الخ



وهاي قصتنا مع الاهل الي مالها نهاية .. :lol::cool:


لكن امانة امانة :adore: والحمد لله .. لا امي زوجي ولا امي من هاي النوع بس الاهل الي اييون بعدين لكم عليهم شوي :!!:

عروس مغتربة عن زوجها;16405865:
بخصوص ديور :lol::lol::lol::lol: ما عرفت شو احط خلفية جان احط كيس مال بيبي ديور... بخصوص الكريم اليوم كلمت ربيعتي مال لندن وسألتها.. قالت هالكريم وايد زين وقالت واضبي عليه ان شاء الله.. تقولي دوري في بوتس اللي عندكم.. وتقول سكرابهم يجنن..

بخصوص بوتس ب لندن رخص الماي ولما يصير سيل يلقبون الدنيا.. عيب لندن اجار السكن والفواتير والضرايب والمواصلات .. انا سوقهم رخيص بالنسبة للخليج...

om huss;16405601:

مشكوره مخمليات على ترحيبك و ربي يعطيك مرادك في الدنيا و الأخره

و فدية عطره حياك الله و زاد فضلك و بالنسبه لسوألك انا من أول الحمل و انا حالتي الجنسيه حاله في الحضيض

بالنسبه للنشفان أنا من النشفان أستعمل مزلقات ماعرف شو تسموها يعني مثل الماده تاخديها من الصيدليه و تستعمليها قبل الجماع

و موضوع الألم بعد الجماع طبيعي جدا أنا مثلك يكون عندي أسفل البطن و بالتحديد الرحم و أحيانا توصل يصير عندي تشنج حتى القومه مأقدر أقوم للحمام و إنتي بكرامه

و أنا أعاني من شئ تاني و هو عدم راحتي مع زوجي يعني مأقدر أرتاح معاه و هذا الشئ متعوده عليه في كل حمل مو جديد علي
يعني كل يلي قلتيه طبيعي جدا لكن كلمي الدكتوره يمكن تلاقي حل للمشكله انا عن نفسي الدكتورات ديما يقولو مافي شئ نقدر نسويه مع إن مرات يقولو هل فيه مشاكل بينك و بين زوجك اقولهم لا مافي يقولو يعني خلاص الموضوع من الحمل و لا نقدر نتدخل

مخمليات;16405641:

فديت عطره

يا حنا وجمعة الأهل هههههههه شكله زوجج تعبان وانتي الربحانة أوردي مزاجج زفت

ام حسين

الله يعينج ويسهل عليج وان شاء الله هالمرة ولادة السهالة ما تدرين شنو الله كاتب لج

الوقت ما يمشي

حاضرين لج حبيبتي