خـطيبي شافني وانا ....

Roozi;16292778:
السلام عليكم ورحمة الله وبركاته
بدون مقدمات
بنات ابييكككم تساعدوني وتعطوني حل
انا مخطوبه وعرسي بعد اربع اشهر
وقبل كم يوم كنت رايحه للبيت وحده من خالاتي
وعلى اني بسلم على خالتي وارجع للبيت وكنت مكلمه خطيبي وقلت له اللحين انا بطلع وسألني وين قلت بيت خالتي
قال بتطولين ؟؟ قلت له لا ماراح اطول بس اسلم وانا كنت بس بسلم
بس اول ما قلت بروح قالوا البنات يالله امشي ويانا ودينا بسيارتج قالوا بس خمس دقايق نروح ناخذ من المطعم ونرد لبيتنا
قلت يالله اوك لانهم قالوا ماراح يطولون
المهم ويوم ركبت السياره دلوني المكان
مع اني كنت حاسه انه مو المطعم اللي يبونه وقلت يمكن اكون غلطانه
عاد وقفت عند البحر
ومعروف هالبحر عندنا يعني محد يجيه الا الشباب وجذي ومو مكان عايلات
وكانت الساعه 10 بالليل يعني الوقت متأخر
وقلت لهم ماراح انزل يالله امشوا امشوا عاد قعدوا يصارخون قالوا لا مايصير ومدري شنو
واول ماتحركت ولا وحده منهم تفتح الباب وما قدرت امشي
عاد نزلت وياهم غصب ماقدرت اخليهم عشان انا اللي جايبتهم وقعدت اقول عادي ماراح يصير شي ان شاءالله
بس البنات يعني كان صوتهم عالي ويضحكون بصوت عالي وانا عاد طول الوقت قاعده ازفهم واقولهم يالله امشو بس المشكله ان ابعدو عن السياره وخفت ارجع لحالي
وفجأه واحنا نمشي شفت خطيبي كان يمشي
:badly::badly: وما ادري اذا شافني او لا بس ماكلمته من هذاك اليوم
تكفووون قولوا لي شلون اعرف اذا درا او لا
وإذا كان يدري شسوي

اسفه على الاطاله بس كنت بوضح لكم
:035::035: ساعدوني تكفوون
عطوني حلل

Roozi;16292831:
شكرا لكم حبيباتي
بس بغيت اسألكم
شرايكم ادق عليه ولا انطره لمن يدق علي ؟؟

admntk;16292883:
من رايي تتصلين من كلامه وياج بيبن اذا اهوه جافج او لا
وحته لو جافج انتي غلطانه انج ماكلمتيه تحسسينه جنج مسويه شي غلط
اذا جافج قوليله بلي صار وان ماكنتي تدرين ان اهم قاعدين يدلونج حق هالمكان على بالج بيروحون المطعم وجي او حته اذا ماجافج انتي صارحيه احسن

دلع شقاوه;16292914:
اتصلي عليه و سولفي معاه عادى ما كأنه صاير شئ

بعدين قولي له ان صحباتك امس لازمو عليك تروحي البحر معاهم..الخ وبيني له انك منزعجه منهم و زعلانه عليهم

وآخر مره تطلعين معاهم صارحيه بكل شئ سوه و ردة فعلك منهم

أحس بتكبرين بعينه و بيثق فيك

إذا عاتبك أو عصب قولي له فعلا صحيح كلامك بس وش اسوى