^_^ مهري > عروستكم الصغيره تبغى مسآعدتكم<

هلآ حبيبتي آلله يبـآرك بعمممرك
منوره ي قلبي

...

والله مااعندي فكره حبيبتي ان شاء الله البنات يساعدوك وان شاء حياه زوجيه سعيـده يارب وكل مسلمه ومسلم امين

أول شي مبارك عليك والله يوفقك يا رب

حبيبتي نصيحة لا تبذري وتلعبي بفلوسك

شيلي حق الذهب واشتري قبل لا يرتفع لانو دي الفترة نزل شوية

... عندي خبرة في تقسيم المهر .. بس افضى وارجعلك

السلام عليكم ورحمة الله وبركاته
احضري ورقة وقلم
عملت بحث لكي اتمنى ان يفيدك
ملاحظة ليس شرطا ان تشتري بالضبط نفس العدد المكتوب لأي غرض
تجهيزات العروس من طقطق لسلام عليكم
________________________________________
هاي ياصبايا كيفكم انا اليوم جبتلكم التجهيزات من طقطق لسلام عليكم وان شالله تنال اعجابكم

أكيد ايام التجهيز من احلى الايام حتى لو كانت تعب
وناسه ولفلفه بالاسواق وحجوزات ومواعيد و و الخ


وهذي القائمة :




اولا: نبــدأ بالحجــوزاتـ المطلوبــه

حجز القاعـــه
حجز المكياج والشعر (للعرس والحنا والصباحيه والهديــهـ)
حجـز الكوشه والاضاءه
حجزالتوزيعات
حجز التصوير واختيار البوم العرس
اختيار بطاقات الدعوه
حجـز الفـرقه:
حجز الأمن ( تفتيش جوالات الكاميرا)


*
*






ثانيــاً: قائمــة مشتريــات العـــروس..الفساتيــــن..

1-فستان الزواج ( تفصيل - ايجار- جاهز )
2-فستان الصباحيه
3- فستان الهديــه
4- فستان او فستانين زياده على حسب انتي شلوون



*
*






..الجلابيـــات..

1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ......وفيه بنات مايحبون الجلابيات فلاتتعبون نفسكم


*
*






..قمصـان النووم..

كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..

تدروا انا أحس الأبيض أحلآ أول اليوم والسكري يوم الصباحية>>>>برآ


*
*








البجـــامات

تنوعو بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات...والارواب..



*
*




.الملابس الداخليـــه..من15 الى20 طقم ..


*
*





..ملابس البيت..

طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكــم

رأئي الشورتات القطنية أفضل بالزات لو بتشتغلي وكدآ أو البرمودات القطنية مع بدي قطني


*
*




..ملابس السبورات..جنزات ... وتيشيرتات ... قمصان كشخه وعمليه ... حزامات ... وما الى ذلك ..

*
*




..البـــدل والتنانيــر..

تحتاجين من 4 الى 6 بدل كشخه لأنو بعد الجواز رح تجيكِ زيارات كثيره وبتحتاجيها .... والي بتسكن مع اهل زوجها
بتحتاج التنانير الساده العمليــه

*
*




.العطــورات والكريمـــات..

بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه ..



*
*




.الشنـــط ( الحقائب )..

العرووس تحتاج الشنط كثيــر فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) ....
شنط لتجهيزاتك (طقم) + شنطة مكياج + شنطة للمجوهرات ..



*
*




..العبايــــات..

عباية للسهرة وعباية للزيارات وكدآ وعباية عملية وعباية إحتياط



*
*




.المكيـــاج..كريم أساس للسهرات ( ديور).
- كريم أساس للاستعمال اليومي ( ذا بودي شوب).
- أساس استوديو فيكس من (ماك)
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج
- اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).
- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم)
- الشدو:
بيق مينت من ماك للسهرات بآخذ ألوان معينة .
- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .البلاشر :
نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.مثبت الشدو:
من ماك رهيييييييب و يخلي اللون يثبت و ما ينثر على الوجه.
- رموش :
ماك.

>>>>>>>>رح ادوخ

*
*




..مفــرش السرير..راجع لك اختيار العدد بس اعتقد 2 كفايــه ..


*
*




.الذهب والمجوهـــرات..
--> انتبهوا هنا لان فيه نقطه مهمه
نصيحه لكل عرووسه لاتكثرين من المجوهرات لان راح تجيك هدايا كثيره ... يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....


والف مبروك وربي يتمملك على خير
سلامي

مشكوره اختي الله يجازك الف خير

الذهب لسا مرتفع

ما انصحك تاخذين الحين .. انتظري و لو تعرفون احد في الذهب يشتغل
خلوه يعطيكم الأسعار اووول بأول
انا كنت كذا واخذت ذهبي بسعر خييييآال اول مانزل

الحين زاد في كل قطعه 500 ريال ماشاءالله
يعني لا تستعجلين
نزلي من مهرك 10 الاف ثانيه للذهب
و ال 20 الف تقضي فيهم

والله انا ما اقولك الا اللي قلته لغيرك
جيبي نوته صغيره و دوني فيها كل اللي تحتاجينه

من ملابس نوم و من ملابس خرجات وفساتين وملابس داخليه
وعطورات ومكياج واكسسوارات و أحذيه واللي يجي في بالك

وكل ما خلصتي من شي اشطبيه وقفلي عليه في شنطه

الله يوفقك

مهرج كثير قليل نصيحتي قولي لوالدج يساعدج

لونحسب شي بسيط
حمام مغرببي تنظيف بشره حف حنه =الفين ريال
مكياج تسريحه =2000 ريال


راحت نفس الفلوس

فستان عرسج الطرحه الشوز لو تتاجرين احسن

والله يبارك لج

ونصيحه ااخيره اشتري الاساسيات من مهرج ولو زاد خذي الاشياءالثانويه

اخني اقواس توفي
صح الذهب مررره غالي انا م افكر اشتري الحين
ومشكوره ي قلبي ع نصايحك

حبيبتي فراوله
ايه والله صادقه قليل والوالد خليه ف ا&#65275;خير اذا خ&#65275;ص صرت ع الصفر هههههههه

الف مبروووووووووووووووووك حبيبتي

والاخت لارسا ما قصرت

الله يتمم لك على خير يارب

الله يبارك فيك ي قلبي تسلمين

مبرررروك حبيبتي
وعقبال الكل ان شاء الله
الله يتمم لك بالخير
احس مهرك حيل قليل ليه ماطلبتي اكثر

شموخ انسانه
الله يبارك فيك حبيبتي
امين عقبال الجميع ان شاء اللهش
هوا 40 بس صرفنا ف الشبكه كثير
والله يعين

اولاً ادعي الله ان يطرح في مهرك البركة..
وان الله يوفقك في حياتك الزوجيه ..ويسعدك.. يااارب
ثانياً:10 الاف اشري فيها ذهب.
10 الآف قسميه:2000 عطورات
2000 شناط
2000 جزمات
2000 بدل نوم
2000 بدل طلعات
1000 ريال مكياج
.........
واهم شيء نوعي ولا تكثري.
و10 الآف الآخير:
احجزي لك كوشه
وكوافيرتك ليله الزواج
ومصوره
وفستان الزواج
والله يوفقك وييسر آمورك:o:I:

توته
تسلمي ي قلبي ربي يسعدك ي رب

مشكوره والله استفدت كثير


الله يوفق كاتبة الموضوع ويتمم لها ولي على خير يارب