وقت الترفيه ايام الدراسة ... أسئلة أتمنى تجاوبوها

بنات عندي سؤال للأمهات اللي عندهم أطفال من سن سنتين فما فووووووووووق
وقت الترفيه في أيام المدرسة
بتسمحي لطفلك يسمع إذاعة أو يتفرج على حاجة كويسة أو كرتون في التلفزيون في أيام الدراسة ؟؟
لو بتسمحيله بيبقى الوقت من امتى و المدة أد إيه ؟؟
و لو مش بتسمحيله ليه ؟؟
هل لو في حاجة كويسة ممكن تسمحيله يتفرج عليها أو يسمعها ؟؟
ممكن زي إيه أو إيه اللي نفسك يشوفه أو يسمعه في الفترة دي ؟؟

و انتي شخصياً
هل بتسمعي إذاعة أو برامج معينة ؟؟
لمدة أد إيه ؟؟
و لو في فرصه ليكي تختاري المواضيع اللي عايزة تسمعيها عن الطفل أو التربية تبقى إيه ؟؟

عارفة إن أسئلتي غريبة شوية
بس أنا خريجة رياض أطفال و حابة موضوع التربية ده جدااااااا
و عندي أفكار كتير و الأطفال اليومين دول محتاجين حاجات كتييييييير تعوض الكوارث اللي بيشوفوها في التلفزيون و الشارع
فبحاول أعرف الامهات بيبقوا عايزين إيه عشان نفسي أظبط حاجات كتير و أعمل حاجة مفيدة للأطفال عشان كده محتاجة لإجاباتكم جدا عشان أعرف الواقع إيه الأول
فياريت تساعدوني و ليكو مني جزيل الشكر