انا مطلقة وعمري 19 سنة والحمدلله بدون اطفال والحمدلله جميلة و موناقصني شي والحمدلله جاني واحد عمرة 38 سنة ومتزوج ومكانته بصراحة ماشاء الله عليه عالية وعنده ولدين وبنتين وكل يوم والثاني مسافر وهو عشان كذا يبغى يتزوج عشان يحصن نفسة وبصراحة دين واخلاق استخرت مرات عديدة بس انا ما بقول مو موافقة انا بقول اوكي مناسب بس خايفة من شئ ما ادري وشو هو شكله مو كثير خايفة بكرة يكبر او يتعقد مخه و مشاكل الضرة وانه كبير بيني وبينه 19سنة مو قليل وبصراحة رجال بمعني الكلمة قال بيشاور امه وابوه و زوجته وبيرد لنا بعد اسبوعين وماشاء الله عليه مثثثثقف كثيير ومحترم وعنده فلوس و موناقصة شي غير انه كبير و مو حلو كثير ومكانه كثير عالي ومنصبه لمن شفت صورة على الفيس بوك و التويتر بصراحة ما عجبني بالمرة خاصة انو له لحية طويله مخربة شكله وفيها شيب شكله طيب وحبوب بس ما ادري كيف حسيت قبل ما اشوفه كنت متحمسه له كثير بس بعد ما شفته قلقت انا شايفاه كبير عليا وبعدين مواضيعة على الفيس واتويتر فيه شوية سخافة وبعد الصور فيها سخافة يعني مافي رقي بالمررة وكل ما يصير معاه شئ يكتبه على الفيس و التويتر لمن جا هنا كتب انو بيزور اصحابة ولمن سافر كتب اللي شافة في المطار واي شئ يصورة ويعلق عليه ويحطة في الفيس بوك ايش ذا بالله في حد في المنصب ذا وبيتكلم عن شئ زي كذا حتى لفت نظري حاطط صورة
ايش بالله دخله في الطيور وكل ما يروح مكان يكتب في التويتر والفيس بوك ما ادري حسيت في سخافة وتفاهه في الموضوع
ابغى حد يفكر معايا يمكن طريقة تفكيري غلط انا قلت لامي بصراحة انا حاسة امي بتقنعني فيه وتبغاه لي لانو مكانته مرتبة وبتقلي خلي عيالك يطلع ابوهم رجال عن جد ما ادري استخرت وطول الاسبوعين وانا بفكر وخايفة يتصل ويسال ايش راي البنت انا ابغى الرفض يجي من عند الله او منه يعني ما ابغى اقول ما ابغااه لاني بعدها بحس حالي ضيت فرصتي او انو امي بتقعد تلومني عليه واني ضيعته مني والمشلكة اني ابويا ما يرضى يخلني اتكلم معاه قبل اعلان الخطوبة رسميا انا ابغى كذا عشان لو ما اتفقنا وشفت مواضيعه او ما تقبله على الاقل ما تنحسب عليا خطوبة
بالله فكرو معي لانو يمكن اللاسبوع هذا يرد الرجال وانا ابغى اكون اتخذت القرار بلييييييز يا اخواتي فكروا معي وانا ان شاء الله ما راح اقصر بموضوع الاستخارة وانتو ادعولي
m00n15